كلامي يا يبه حارق,,كلامي مر

الشعر, قصيدة , شعراء, القصايد ارسال إلى Twitter ارسال إلى facebook
  1. иσ ρяôмîsεs «
    09-05-2009, 02:12 PM

    كلامي يا يبه حارق,,كلامي مر

    كلامي يا يبه حارق,,كلامي مر


    قصيده حادث وتحكي احساس يتيمه
    ابكت اكثر من 500 شخص

    قرأتها فأعجبتني وأثرت في نفسي وأحببت أن تشاركوني بها

    وهي للشاعر البحريني إياد المريسي

    ثقيله هالدقايق
    اذا كان الوجع
    ب عمر ..انسان
    ثقيله يا ثواني
    هي بداية (تمر ازمان )
    بغيضه يالدموع اللي على خدين طفله
    بعمر الورد/ وكبر الجرح
    حزينه يا الاماني ..ليه ؟
    انا مدري وش اللي ماخذينه بس!!
    انا مدري من المسؤل ؟!
    عن الحصه / عن التلميذ / واخر درس
    انا مدري ..
    انا ليه اكتب حروف اللحين ؟!!
    احاولاشرح ..الحزن الدفين
    بثرثرات حروف وغصت عين
    حكاية من حرم طفله..
    تحس بضحكة الاطفال..
    صباح العيد
    حكاية (اه )..في حلق حيرتها
    ورجفة أيد ..
    وتتنهد في جدار القبرساعة
    كنها ظلم الليالي ..بوحشة بيد
    ومع أول دقايق سالفتنا ..
    على شارع حمل ثوب الحداد
    وحشرجات ..القبر ..
    بسرعه مر
    مع الوعد الذي ما قدر يوفيه
    مع اسماع طفله ما تعرف الحزن !
    او .. كانت ما تعرف الحزن ..
    تغرد له بصوتها النعسان ..
    وتعزف أعذب الالحان ..
    (يبه ..عمري ..حبيبي
    لا تأخر
    ابي ترجع قبل ما انام ..
    ابي اتلحف حنانكفي
    تصبحين بخير .. مع بوسه على خدي ..
    يبه وانام ..
    وقبل ما انسى ..يايبه اسمع ..
    ابي دفتر رسم أحمر
    وابي اقلام للتلوين ..
    وابي فستان مثل لون
    الشموس اصفر ..
    وابيك انته ..تلبسني ..
    تحمل يا يبه ارجوك ..
    تمهل يا يبه ارجوك ..
    شوي /// شوي )
    وكان اخر ..وصاياها ..
    وعلى غفله تهور ..
    مع سرعة بدون حساب ..
    ينادي هالرصيف الموت ..
    ينادي له ..تعال تعال تعال تعال..
    وانتهت قصةعمر ..انسان
    وابتدت حيرة..يتيمه ..
    ما اكملت عامها التاسع ..
    يضيق بدمعها ..
    صمت الشبابيك.. الكئيبه ..
    على الجدران ..
    تحاول تنحر اجابة هالسؤال اللي
    تفجر في قصيدة حزن
    بلا..عنوان ..
    (يبه وينك؟!
    تعبت انتطر ..
    تعبت أتخيل ايدينك ..
    يبه وينك
    تعبت أسأل زوايا البيت ..
    تعبت أسأل ثوبك المكوي
    تعبت اشم عطرك
    واحضن غيابك ..
    تعبت اكذب على دمعي
    وارتب عيني وثيابك
    يبه وينك؟!
    الف الدار ..واتذكر .
    هنا ..يمشي
    هنا يجلس ..
    هنا يضحك ..
    هنا كنا على شانه
    نجي نسهر ..
    يبه وينك ..
    ويقطع حزن هالافكار ..
    باب الدار
    واصيح بصوت واتحشرج ..
    منو بالباب ؟!..منو اللي دق هذا الباب؟!
    انا مابي لعب ..واقلام
    انا مابي هدايا
    انا ما ابي اشوف اصحاب ..
    يبه وينك ؟!
    يبه .. يرضيك حالي اللحين ؟!
    كرهت المدرسه والدرس ..
    ولا حد فيني حس
    تذكرني بغيابك شهاداتي ..
    معلمتي
    وباب المدرسه
    والدرس
    اصحابي وعلاماتي ..
    يبه وينك ؟!
    كلامي يا يبه حارق
    كلامي مر
    وانا اقرا في الدفاتر هنا ..
    (يوقع ولي الامر)
    من اللي فرحتي تتكحل بعينه ؟!
    وضحكاته
    يبه ..وينك ..؟!
    نجحت ..وتختنق فرحه
    وسط صدري ..
    تجيني الناس وتبارك .
    وهذا الحزن بي حارث ..
    ولا تدري
    باني يتيمه ..
    والسبب حادث.. )
    وبدت تذرف دموع
    تشق صدر الليل
    سواده حيل يشبه له شعرها ..
    يشبه له غيابالاب..
    غايبه ..
    ما وراه غياب..
    ولا يمكن يعوضه ..
    القريب / الاخ / والاصحاب
    ثقيله هالدقايق
    اذا كان الوجع..ب عمر ..أانسان
    بغيضه يالدموع اللي على خدين طفله
    بعمر الورد
    حزينه يا الاماني ..ليه ؟
    حزينه يا الاماني ..ليه ؟



    م/ن

    ودي
    رشا
  2. Jordin Sparks
    09-05-2009, 02:16 PM

    كلامي يا يبه حارق,,كلامي مر


    (يبه ..عمري ..حبيبي
    لا تأخر
    ابي ترجع قبل ما انام ..
    ابي اتلحف حنانكفي
    تصبحين بخير .. مع بوسه على خدي ..
    يبه وانام ..

    واواو

    والله مررررره روعه يا الدبا
    يسلمو ع النقل الرائع كله ذوق
    لاعدمتك قلبوووووو


    ندووووووووووووش
  3. طير القوافي
    09-05-2009, 04:44 PM

    كلامي يا يبه حارق,,كلامي مر


    مع سرعة بدون حساب ..
    ينادي هالرصيف الموت ..
    ينادي له ..تعال تعال تعال تعال..
    وانتهت قصةعمر ..انسان
    وابتدت حيرة..يتيمه ..
    ما اكملت عامها التاسع ..
    يضيق بدمعها ..



    طرح جميل
    يعطيكي الف عافيه


    مودتي وتحياتي
    طير
  4. King-10
    09-05-2009, 10:07 PM

    كلامي يا يبه حارق,,كلامي مر


    قصيده مليئه بالاحاسيس والعاطفه

    أختيار راقي " عاشقة الذكريات"

    الله يعطيك العافيه
  5. иσ ρяôмîsεs «
    09-05-2009, 11:37 PM

    كلامي يا يبه حارق,,كلامي مر


    المشاركة الأصلية كتبت بواسطة ندووش
    (يبه ..عمري ..حبيبي
    لا تأخر
    ابي ترجع قبل ما انام ..
    ابي اتلحف حنانكفي
    تصبحين بخير .. مع بوسه على خدي ..
    يبه وانام ..

    واواو

    والله مررررره روعه يا الدبا
    يسلمو ع النقل الرائع كله ذوق
    لاعدمتك قلبوووووو


    ندووووووووووووش


    مرورك هو الروعه حياتي

    وسعيده انه عجبك الموضوع

    حماكي المولى لاختك

    ودي
    رشا
  6. иσ ρяôмîsεs «
    09-05-2009, 11:39 PM

    كلامي يا يبه حارق,,كلامي مر


    المشاركة الأصلية كتبت بواسطة طير القوافي
    مع سرعة بدون حساب ..
    ينادي هالرصيف الموت ..
    ينادي له ..تعال تعال تعال تعال..
    وانتهت قصةعمر ..انسان
    وابتدت حيرة..يتيمه ..
    ما اكملت عامها التاسع ..
    يضيق بدمعها ..



    طرح جميل
    يعطيكي الف عافيه


    مودتي وتحياتي
    طير

    ربي يعافيك اخوي الغالي طييييير

    سعيده بهذا المرور الرائع

    ودي

    اختك
    رشا
  7. иσ ρяôмîsεs «
    09-05-2009, 11:44 PM

    كلامي يا يبه حارق,,كلامي مر


    المشاركة الأصلية كتبت بواسطة King-10
    قصيده مليئه بالاحاسيس والعاطفه

    أختيار راقي " عاشقة الذكريات"

    الله يعطيك العافيه
    يسلمو اخوي الغالي

    وربي يعافيك
    ولايحرمني منك

    اختك

    رشا
  8. بريق العقيق
    10-05-2009, 12:58 PM

    كلامي يا يبه حارق,,كلامي مر


    كلها احساس ومشاعر طفله يتيمه ... فعلا قصيده مبكيه ..

    ربي يمسح على قلب كل طفل يتيم ويجبر بخاطره يارب ياكريم ..

    صح لسان شاعرها البحريني إياد ..

    وتسلم يد ناقلتها عاشقة الذكريات ..

    تسلمي حبيبتي لروعة الاختيار والذوق العسل ..

    ربي يسعدك ويعطيك الف عافيه حبيبتي ..

    دمتي بالف خير ....
  9. иσ ρяôмîsεs «
    10-05-2009, 01:11 PM

    كلامي يا يبه حارق,,كلامي مر


    المشاركة الأصلية كتبت بواسطة فص العقيق
    كلها احساس ومشاعر طفله يتيمه ... فعلا قصيده مبكيه ..

    ربي يمسح على قلب كل طفل يتيم ويجبر بخاطره يارب ياكريم ..

    صح لسان شاعرها البحريني إياد ..

    وتسلم يد ناقلتها عاشقة الذكريات ..

    تسلمي حبيبتي لروعة الاختيار والذوق العسل ..

    ربي يسعدك ويعطيك الف عافيه حبيبتي ..

    دمتي بالف خير ....
    غاليتي فص العقيق

    صح الله بدنك

    وربي يسلمك

    ولايحرمني منك


    ويعافيكي يارب

    مودتي

    اختك
    رشا