حنا مطير اهل الشرف والمهابه

حنّا مطير أهل الشرف والمهابه
حمر النواظر تاج راسك للهالحين

يوم الحروب ويوم كانت أنهابه
وقتٍ مضى ما ترفع الراس والعين

مثلك نهار الكون ما ينشقابه
أطيبكم اللي قيمته خيشه اطحين

أبفتخر في عزوتي يالزلابه
حنا حرار الجو وانتم كراوين

مطير من عصر النبي والصحابه
أسياد في وقت الجواهل وفى الدين

إليا أعتزوا زادو شموخ وصلابه
وسط الجزيزه ثابته كالضلاعين

نمتّد من الحره للشرق اللهابه
أرضاً بحد السيف عليها معيين

واللي غزانا ما تعوّد ركابه
أتلاء عهدهم يوم جونّا مغيرين

من رميّنا محد يروح بصوابه
ويشهد على ما قول روس المعادين

الله خلقنا للمعادي ذهابه
نمسح وجود اللي نوانا على الشين

نغزي ونكسر كل كايد صعابه
وعلى ظهور الخيل جبّنا البعارين

يسلم محالفنا ويحشم جنابه
ويبقون بحمانا ما داموا مقيمين

يذري ذرانا لكل حي لجابه
زبن الدّخيل وللعواني بساتين

وعز الصديق اليا شكى كل مابه
يلقى الحشيمه عند ربعاً حشيمين

والطيب فعله ما فقدنا صوابه
فينا الكرم فينا الشهامه عناويين

الضّيف لامنه لافنا هلابه
مبّركين الحيل وسط الدواوين

هذي فعايل لابتي والقرابه
وأنا أحمد الله ما خلقنا ضعيفين

عبدالله أهل الهوش وأهل الحرابه
تهوي على العدوان مثل الشياهين

كم راس شيخ طشته للذيابه
من مات مات وباقي الحيّ مطيعين

وعلوى علت فوق البشر كالسحابه
بأفعولها تروي من الدّم ميادين

حوض المنايا تارده ما تهابه
خلف الدويش اللي خضتله سلاطين

وبريه تعّرف في نهار الطلابه
إن ثارت الهيجاء عليها سرعين

بريه لأهل الشر قبر ونصابه
وللأهل الكبود الحاقده كالسكاكين

يالابتي مثلك ولا فيه لابه
يأهل الثلاث معجّزات الملايين

مطير حنّا والذيابه تشابه
ومن ذاق فعل مطير حاقد لهالحين




القصيدة لشاعر فارس بن فرح العضيله
 
التعديل الأخير بواسطة المشرف:
وعز الصديق اليا شكى كل مابه يلقى الحشيمه عند ربعاً حشيمين
والطيب فعله ما فقدنا صوابه فينا الكرم فينا الشهامه عناويين
الضّيف لامنه لافنا هلابه مبّركين الحيل وسط الدواوين
هذي فعايل لابتي والقرابه وأنا أحمد الله ما خلقنا ضعيفين

صح لسانك وعلا شانك
مطير حنّا والذيابه تشابه ومن ذاق فعل مطير حاقد لهالحين
الله الله الله الله الله
ونعم ونعم ونعم ونعم والف الف الف نعم
بحمران النواظر

استلم :..
مطير هل الردات واهل الفعولي //ربعي الفرسان لاجارت بالحروبي
مطير طيب الذهب وطيب العذولي//ياكيف ننسى ريعاناوقت الضروبي
زهيت الكمام وقلت ما فيهم ذلولي // صبيهم وقت الشدايد يحيد الكروبي
من ماجد الطير ازهي بعبير السهولي //واقول يا مطير فكاكه عقد الدروبي
ماطار طير في حامها الاوهو زهولي //يروي ظماه من عذب الهوى والجدوبي



طير القوافي

مودتي
 
مطير حنّا والذيابه تشابه ***ومن ذاق فعل مطير حاقد لهالحين

ونعم في مطير وكل القبايل
 
روح الحروف تنتشي بأحساسك

تجيد دوما لملمتها على خاصره المشاعر

فتبدو أجمل وأنقى وأطهر

لك مساءات الصيف المعتقه بروح النداءات

وصخب الذكريات ..
 
ونعم في مطير وكل القبايل
وصح السان الشاعر
وياليت اختي
تتقيدين بالقوانين تنزلين مشاركتين باليوم و تكتبين اسم الشاعر او منقول
للامانه الادبيه وحفظ حقوق صاحبها و حسب القوانين عندنا
وحتى ماتحذف مشاركاتك
ولك كل الشكر
تحياتي
 
والنعم بربعي مطير .. ولايهونون القبايل كلها كل فيه حقه وله تاريخه وبطولاته.


"بنت مطبر"

الله يعطيك العافيه .. مشاركه جميله.
 
فداك اخوانك نخبت الجيل
نسل الحرار اللى بين عمه وخاله
فرسان معسوفه على العز والخيل
الكل منهم يكفيك بالفزعه لحاله
فديتك يابنت العم
 
مطيرى من صغر سنى

ونعم يامطير
مطيرى من صغر سنى رافع الراس
ولا بعد وطيت الى احد من البشر راسى
مطير هلى وربعى هلى وساس
غطفان يعزوة جدى وربعى وناسى
والله ان فزعتكم اطيب من بكر للجساس
واطيب من كليب والزير وذيك الماسى
كم عقيد تجندل من فوق الفراس
وكم مربط خيل اخذنا فى انتكاسى
والناس فيها ذهب وفيه معادن نحاس
وفيه اطيب من الدر وكل الاماسى
ولابغيت اطيل واجرح والوضع حساس
ولابغيت غير اذكر طيب اصلى وربعى وناسى


على ركيان المطيرى:m:
 
عنصرية هى قولى لها فكينا من مطير يملا الطير
بنت مطير هم وكدر وضيقة

والله انك بالفزعه مالك داعى

اسعى معى لحلم وتحقيقه

خلينى فى بحر قلبى افل اشراعى

مثلك يفزع لى فى الضيقة

قولى لها وانتى تعرفى اوضاعى

هى اكيد تصدق مثلك بتصديقه

تصدق مثلك وانتى سلة اوجاعى

يرب يارزق عبدك ومخاليقه

تعلمها وتخليه تفهم اطباع
 
لاخلى ولا عدم
مشكورة وننتظر جديدك حبيبتي
ماينحني راسي وانا ساسي مطير
وذا انحني راسي برجلي وطيتة
.
.
.
.
.
.
.
.
.
.
.
كايدتهم
 
عودة
أعلى