و في مكتب التوظيف سوسن و ميسون !

الشعر, قصيدة , شعراء, القصايد ارسال إلى Twitter ارسال إلى facebook
  1. الحياه وردة
    19-06-2006, 02:13 PM

    و في مكتب التوظيف سوسن و ميسون !

    و في مكتب التوظيف سوسن و ميسون !


    وش عاد يا دار بها صار ( توطين )
    و في مكتب التوظيف سوسن و ميسون !
    مديرهم مدحت و نائبته نسرين
    و على الرسبشن حمص و فول و زيتون !
    كل ما اتصلت اسمع ( الو مرحبا مين ؟
    بدك وظيفه ؟ .. مين دلك على هون ؟ )
    اقول انا لي اتصل صار شهرين
    و انتوا وعدتوني متى بس توفون
    اسمي ( مواطن ) ( جامعي ) طيب و زين
    كني ابخطب عندكم و اتغلون !
    عندي شهاده طايحه بجبدي سنين
    عشش عليها شي له ستة عيون !!
    لو للشهاده لسان قالت ( على وين
    ناوي توديني .. تلف فيني الكون ؟ )
    من كثر ما صورتها غارق بدين
    للهندي راعي المطبعه صرت مديون
    لا ليلي ليل ولا نهاري نوى يبين
    دقيت راسي لين ما صرت مينون !
    مطلوب خبره عالأقل في مجالين
    ولا تجينا بواسطه و سير مدهون !
    ولا انثبر في بيتك .. افرك بكفين
    يومك يشابه امسك و عيش مغبون
    تعدادنا وياهم اربع ملايين
    و اهل البلد للحين ما صاروا مليون !!
    ويلاه من باكر اذا وضعنا الحين
    و احنا اقل من الربع حالنا شجون !
    و اللي ابتسم له حظه والله مسكين !
    حصل وظيفه .. بس في وين .. تدرون ؟
    ساكن في راس الخيمه .. حطوه في العين !!
    و اللي سكن في الذيد .. في السلع مدفون !!
    يشوف اهله بس في الأسبوع يومين
    و اذا حسبتوا الدرب كم ساعه .. تبكون
    يعني في كل احواله ذاق الأمرين
    شغال محزون و بلا شغل محزون
    و الأجبني اللي راتبه فوق عشرين
    فله و سياره و تذاكر .. و طاعون
    عنده بدل كل شي عالراتب الفين
    حتى بدل معجون اسنان و صابون !
    و من بعد ما يجمع من بلادي فلسين
    و يربي م القعده على الكرسي بطون
    و يصير في بلاده غني و عنده برجين
    يرحل و هو جاحد .. و كم مثله ملعون !
    و حتى الجماعه قوم مدحت و نسرين
    مردهم لبلادهم لو يطولون
    يرضون بشوية دراهم .. و شفتين
    صبح و عصر .. لو حتى في الليل يرضون
    بس لو سمعتوا همسهم بينهم بين
    وسط القهاوي يلعنون و يسبون !
    لا تحسبوني عنصري .. كلنا طين
    و الخل لو عاتب محبينه يمون
    داري و انا اولى بها من الغريبين
    ما يوصلون لحبها لو يموتون
    و ( الأقربون اولى ) .. كلام من الدين
    ما جبته من شعري مع الهام و ظنون
    ولد البلد ما يبغي لبلاده الشين
    بالروح بالدم يفتديها ولا يخون
    لكن سؤاله يوم قلتوا له ( توطين )
    يا كيف بيد الغرب توظيفه يكون ؟؟!!
    شعارهم معروف ( راجعنا بعدين )
    و باين من التأجيل .. انهم يخافون
    اذا معك خبره .. يا اهلين و سهلين
    و اذا شهاده بس .. عنك يصدون
    ما عندنا شاغر .. و بطلنا تعيين
    ولو تحرق الهاتف ترى ما يردون !
    من وين اجيب الخبره ؟ من وين من وين ؟
    دام الوظيفه عند سوسن و ميسون !
    عندي بمطبخ بيتنا خبره سنتين !
    تنفع اذا صاروا المطاعم يوطنون ؟؟!
    ولا اهاجر و اخذ الخبره في الصين ؟
    صح العيون صغار .. لكن يقدرون
    سؤال يا دار ..صراحه بترضين ؟
    اني اسافر و اطلب الغرب لي عون ؟
    و سؤال يا ناس على الراس و العين
    صدق الوظايف واسطه و سير مدهون ؟
    اما الجواب الشافي يجيني الحين
    او هاتوا تأشيره .. اذا كنتوا ترضون
  2. شادي ليث
    19-06-2006, 06:38 PM

    و في مكتب التوظيف سوسن و ميسون !


    الله يعطيكي العافيه يا حياه الورده
    مشكووور على الموضوع الحلووو
    اتمنا ان يستمر ابداعك لنا ولا تبخلي علينا
    بما هو جديد.
    وتقبلي خالص تحياتي
  3. عبيررر
    19-06-2006, 07:32 PM

    و في مكتب التوظيف سوسن و ميسون !


    الحياة موضوعك ممتاز كان الله في عون من يبحث عن وظيفة من غير واسطة شكرا لك
  4. رماد القناع
    20-06-2006, 01:09 AM

    و في مكتب التوظيف سوسن و ميسون !


    ابيات رائعه شكرا لك الحياه

    تحياتي واشواقي
  5. (... نــــــــــوf...)
    20-06-2006, 02:09 AM

    و في مكتب التوظيف سوسن و ميسون !


    ههههههههههه مسكين تعقد
    مشكووووور
  6. الحياه وردة
    21-06-2006, 03:27 PM

    و في مكتب التوظيف سوسن و ميسون !


    مشكورين اخواني واخواتي على المرور
  7. ريان الشرقيه
    22-06-2006, 06:24 AM

    و في مكتب التوظيف سوسن و ميسون !


    كل الشكر والتقدير لكي اختي الغاليه

    ~*¤®§(*§ الحياه وردة §*)§®¤*~ˆ°

    على الكلمات الرائعه

    وتسلم يمناك بصراحه اعجبتني

    مع تمنياتي لكي بالتوفيق

    بنتظار جديدك

    اخوك

    ريان الشرقيه