يانوف منصور مات وحنا دفناه

الشعر, قصيدة , شعراء, القصايد ارسال إلى Twitter ارسال إلى facebook
  1. ترانيم الفرح
    20-04-2009, 01:16 AM

    يانوف منصور مات وحنا دفناه

    يانوف منصور مات وحنا دفناه


    كان منصور الرمالي رحمه الله عليه يحب نوف ونوف تحبه والظاهر ان بدايه هذا الحب عندما كأن في الشرقيه مقر عمله هناك وبعد ذالك صار حادث لمنصور وتوفاه الله ولكن هذه المره بدون وداع ولاحظت نوف غيابه وافتقدته وحاولت تأصله لكن بدون جدوى وكانت تعتقد انه متغيب عنها وأرسلت مرسول لإهل الشاعر الراحل منصور بحايل ولما وصل هناك

    سأل اهله: وين منصور
    قال ناصر (اخو منصور الصغير) : منصور مات
    قال المرسول: اقول خله يجي ابيه
    قال ناصر : أقوللك منصور مات
    وقام المرسول يرددها خله يجي

    فبعدها لم يقدر ناصر على ان يمسك نفسه وخنقته العبره وهلت دمووووووووعه وسرعان ماحضر هذا الابيات وكتبها وإضاف اليهن صوره من شهاده الوفاه واعطاهن المرسول:




    يانوف هذا الخط كله قريناه
    ولا للرسايل يمي اليوم داعي،،،

    يانوف منصور مات وحنا دفناه
    خوذي شهاده من وفاته وراعي،

    يانوف محبوبك غدة فيه دنياة
    ولاعاد باقي غير كلمه وداعي،،،

    اقفى وكم من دمع عين(ن) نثرناه
    راح وتركنا بين نايح وناعي،،،

    لوتنفدى روحه بروحي فديناه
    لو تنشرى لجله حياتي تباعي

    لاشك هذا الموت حنا عرفناه
    ومن ياخذه يانوف ماله رجاعي

    ولاباقي الا الجرح تدميه ذكراه
    وصوره مع الذكرى له الأصل ضاعي،،،

    لاوالله الا النوم بعده فقدناه
    والقلب من بعد السلامه ضياعي

    وليا بغيت ارقد خياله رأيناه
    ويطير نوم العين واقوم واعي،،

    واليوم يابنت الوفاء سم ذقناه
    ويزود مع زايد عناك اللتياعي،،

    واللي بقلبك ياحزينه عرفناه
    مبداك وصل الحب،،،لا،،للخداعي

    الموت حق وغصب حنا رضيناه
    ولاينفع الذيب العواء حين جاعي،،،

    الله يعينك ذوقي اللي شربناه
    يانوف جزلات المصايب جياعي،،،

    منقول
  2. *مزون شمر*
    20-04-2009, 07:02 PM

    يانوف منصور مات وحنا دفناه


    الله يرحمه برحمته
    مشكوره عالنقل الطيب و الجميل
    دمت بخير
  3. King-10
    20-04-2009, 09:59 PM

    يانوف منصور مات وحنا دفناه


    قصه وقصيده مؤثره

    الله يرحم امواتنا واموات المسلمين.

    مشكوره على النقل الجميل " ترانيم الفرح"
  4. ترانيم الفرح
    20-04-2009, 10:33 PM

    يانوف منصور مات وحنا دفناه


    شكرا على المرور
  5. جروحك تكفيني
    01-06-2009, 06:36 PM

    يانوف منصور مات وحنا دفناه


    الله يرحمه ويرحم جميع موتى المسلمين

    مشكوره خيتوو عالقصيده الحزينه