غيوم الحب تمطر في صحاري قلبي المهجور

الشعر, قصيدة , شعراء, القصايد ارسال إلى Twitter ارسال إلى facebook
  1. نايف النايف
    16-06-2006, 10:14 PM

    غيوم الحب تمطر في صحاري قلبي المهجور

    غيوم الحب تمطر في صحاري قلبي المهجور


    غيوم الحب تمطر في صحاري قلبي المهجور
    على زخ المشاعر كن ورد الكون غطاني

    حبيبي ماقدرت اقول احبك بس انا معذور
    تذوب حروف هالكلمه قبل ينطق بها لساني

    تفجر في شراييني غرام من غلاك يثور
    وياخذني الوله صوبك ولا ادري وين وداني

    حبيبي بس هالكلمه الى من قلتها بشعور
    احس الكون كله في يديني ما يتعداني

    احس الشمس في يمناي واحس ان القمر مبهور
    واحس ان القمر يقرا قصيدي ويتحداني

    احس ان القصايد فيك عقد من الغلا منثور
    الى قلت القصايد فيك نور الكون يغشاني

    حبيبي لو غلطت وقلت ابا اسميك بنت النور
    احس اني ظلمتك ياشقى عمري وعنواني

    قسم باللي خلقك وصورك واضفى عليك النور
    قسم باللي خلقك وكملك بالزين واشقاني

    قسم اني احبك واعشقك واهواك يامغرور
    واحبك حب لوتدري تبيع الكون من شاني

    فديتك ياغلا نايف فديتك ياشبيه الحور
    فديت اللي سكن في داخلي واحتل وجداني
  2. ريان الشرقيه
    17-06-2006, 05:49 AM

    غيوم الحب تمطر في صحاري قلبي المهجور


    يسلمووو اخوي الغالي

    ~®~§~¤«`•.¸¸• نايف النايف •.¸¸.•`»¤~§~®~

    على الكلمات الرائع وصح لسانك اخوي

    وعساك على القوة

    مع تمنياتي لك بالتوفيق

    بنتظار جديدك

    اخوك

    ريان الشرقيه
  3. نايف النايف
    18-06-2006, 03:27 AM

    غيوم الحب تمطر في صحاري قلبي المهجور


    اخوي ريان مرورك اسعدني تحياتي لك نايف النايف