قصيدة الغربة للشاعر عبدالله الظفيري

الشعر, قصيدة , شعراء, القصايد ارسال إلى Twitter ارسال إلى facebook
  1. • عنآقيد تۈت •
    30-03-2009, 09:11 AM

    قصيدة الغربة للشاعر عبدالله الظفيري

    قصيدة الغربة للشاعر عبدالله الظفيري




    قصيده رائعه للمبدع الشاعر عبدالله الظفيري

    قصيدة الغربه قصيده مرهفه بكل كلمه نطق بها هذا الشاعر

    قصيده احبها كثير وتعنيلي كثير وحبيت الكل يسمعها

    بصراحه هالقصيده اهداها لي خالي يوم سافر وبصراحه كل ماسمعتها ابكي لانه غالي علي

    كثير الله يوفقه ويرده لنا سالم


    أبد لاتسألين بغربتي عن آخر الأخبار عمت عين السفر دامي أذوق المر من كاسه !
    أنا اللي بسألك قولي.. جواب بكلمتين صغار بلد من دونك (اش) يسوى بعيني؟ يابعد ناسه
    بدونك.. ما أطيق البعد لو هو بيننا أمتار ! ولكن هالفراق أقوى ولاينفع به سياسه
    ترى لولا اتصالاتك.. برغم اللي يدق.. كثار حشى مافيه أحد غيرك يرد لصدري أنفاسه
    ألا ياشوق خفاق ضويتي ظلمته أنوار وصار اليوم ينبض لك مشاعر حييييل حساسه
    تبي تدرين بفراقك معي يا الغاليه وش صار؟؟ تبي تعرفين مجنونك وش اللي قالب راسه؟؟
    لك الله عايش بحالي/ لحالي.. شاعر منهار وأنا كل ما طريتي لي صرخ شعري بقرطاسه !
    يمر يومي.. ولابه غير همي والحزن زوار عسى الله يرحمه حال غدا هالثنين جلاسه
    شحن جوالي أنهيته ! أقفل .. وافتحه أمرار ! قسم لولا رسايلنا .. حبيبك قاتله ياسه !
    فقدتك والدمع لامن ذكرتك يفضح الأسرار ولا أشره على وقت به الأيام دساسه
    أسلي نفسي بكثر الأماني.. واليدين قصار وأنام وربي العالم وش اللي خاطري حاسه ! !
    كأني من ملك أسهم يبي تضحك له الأقدار وقدم كل ماعنده.. وفجأه أعلن إفلاسه !
    كأني طالب بغربه.. تذكر عيلته والدار وهو كل ماذكر أمه ! ملا هالدمع كراسه
    أعاني كثر ماتملك ومالك بالحشى تذكار و(أحبك) والبلا حبك أبد ما أملك قياسه
    جعل في داخلي عرق سمع بك يا الغلا ماثار ! يموت.. و وش لي بعرق فوصالك ميت إحساسه
    حياتي تسأليني عن جديدي بالشعر وأحتار؟ وش أكتب لك شعر وانتي غديتي اليوم نبراسه !
    ولكن أوعدك شعر لاقوله يتعب الشعار متى ماشفتك وموعد لقانا دقت أجراسه
    لأن مافيني أتحمل بعادك في سفر وانهار عسى لايعيدها سفره.. ولو هي كانت دراسه ! !


    لكم ودي / ألوان&الحياه
  2. *مزون شمر*
    30-03-2009, 05:32 PM

    قصيدة الغربة للشاعر عبدالله الظفيري


    اختيار رائع
    يعطيك العافيه
    ولاعدمناك
  3. • عنآقيد تۈت •
    31-03-2009, 06:07 PM

    قصيدة الغربة للشاعر عبدالله الظفيري


    يعافيك ربي يالغلا عالمرور..سرني تواجدك
  4. meeedoo
    31-03-2009, 06:14 PM

    قصيدة الغربة للشاعر عبدالله الظفيري


    تسلمي على القصيدة الجميلة والتي تنبض من قلب حزييين
  5. ليه العتاب
    31-03-2009, 07:00 PM

    قصيدة الغربة للشاعر عبدالله الظفيري


    ،؛، .. يا قو قلبك .. ،؛،

    ياقو قلبك على الصده ويا صبرك
    وياوسع صدري على صدك ويا صبري

    وياطول عمرك بذاكرتي وياكبرك
    وياشيب عيني بشيب عاد ذا كبري

    والله لون حمل صبري فوقك..ان تبرك
    والله ولو تعتذر منت بعلى خبري

    ان ما جبرك الغلا ما اقدر على جبرك
    ياللي على ارض الوفا ما شبرك بشبري

    تزعل وترجع وتلقاني على خبرك
    وانا انكسر لك واجيك ادور لجبري

    طيفك وذكراك طيلة غيبتك سبرك
    وشوقي لشوفتك طيلة غيبتك سبري

    امحق وليف ومحبه والا اقول ابرك
    حسبي عليك اعشقك وانت اتحفر قبري

  6. بعدهم كلهم
    31-03-2009, 09:28 PM

    قصيدة الغربة للشاعر عبدالله الظفيري


    الله يعطيج العافيه ألوان
    رووووعه يالذوووق
  7. • عنآقيد تۈت •
    07-08-2009, 03:37 AM

    قصيدة الغربة للشاعر عبدالله الظفيري


    سلمتو جميع على هالمرور

    لا هنتو ..
  8. ام غمازات
    07-08-2009, 11:21 AM

    قصيدة الغربة للشاعر عبدالله الظفيري


    الله يعطيج العافيه ....

    ولا ارووووع من هيك اختيار .. مببببببببببببببببببببدع هالشاعر بمعنى الكلمه ..

    عساج ع القوووووووووة ,,

    تحياتي ..