هما عاوزين منا ايه؟؟

بوح الخواطر, مشاعر وخواطر من قلبي
  • ارسال إلى Twitter
  • ارسال إلى facebook
  • ارسال إلى google plus
    1. نسر الحب
      17-03-2009, 04:21 PM

      هما عاوزين منا ايه؟؟

      هما عاوزين منا ايه؟؟


      اكتب الكلمات هذه بالنيابه عن كل المصريين
      بعدما تبخرت كل احلامهم

      بعنوان هما عاوزين منا ايه
      يارب تعجبكم
      واللي تعجبه ياريت يقولي رايه فيها
      حتي لو معجبتوش برضه يقول رايه

      واسيبكم مع الخاطره



      هما عاوزين منا ايه؟

      قالوا فيه ناس خبيره جايه تصلح من حياتنا
      جايه تبني جايه ترسم جايه تحقق امنياتنا
      جايين يغيرو كل حاجه وهيحلو ايامنا وساعاتنا
      هتجيب لكل واحد شقة والشوارع هتنور بعربياتنا
      هناكل احلي عيش واحلي رز واللحمه هتملا تلاجاتنا
      الشوارع هتبقي نضييييفه يمكن حتي انضف من بيوتنا
      كل شاب هيلاقي شغلانه وهنشتغل بمؤهلاتنا
      انت بس تعيش حياتك وهما عليهم حياتنا
      قالو كل الصحراء هتخضر وهنزود من صادراتنا
      ونعتمد علي خير بلدنا وهنشتري بس منتجاتنا
      والخدمه هتبقي عال العال وهننسي كل معاناتنا
      لا في طابور ولا في زحام ولا في ضياع لوقت حضراتنا
      الضلمة قالو هتبقي نور ينور لنا كل اتجاهاتنا
      قلنا يارب كل ده يتحقق ويعملو اللي قالو عليه
      وسلمناهم كل حاجه حتي عمرنا باللي فيه
      بس يا سبحان الله ولا حول ولا قوه الا بيه
      الشقه حتي الحلم بيها بقي صعب حتي نحلم بيه
      والعربيه دي اصلا مش لينا وتمنها مين يقدر عليه
      والعيش الاسود هو بس اللي احنا بنقدر نشتريه
      واللحمه يادوب نحلم بيها والعظم ياريت بنلاقيه
      والزباله ملت الشوارع بقت اكتر من الناس اللي فيه
      والوظيفه بقت زي الكنز بس يادوب بنسمع عليه
      واللي اشتغل دكتور اصلا محامي والحرامي خلاص بقي بيه
      والوارد بقي اكتر من الصادر مش عارفين بس ليه
      الدولار دمر حياتنا وركب فوقينا ودلدل رجليه
      قالوا زمان كان لينا عمله تقريبا اسمها الجنيه
      اللي بيكسب دلوقت واحد واحنا بس نتفرج عليه
      سابو لينا حاجه واحده هي خوفنا وبنداريه
      اخدو من الطفل ابتسامته وسابوله الدمع في عنيه
      الشاب عاطل تايه حزين مش عارف حتي يعمل ايه
      لسه عاوزين منا حاجه قولو عاوزين منا ايه



      من كلماتي

      احمد
    2. ضحى مصطفى
      17-03-2009, 04:40 PM

      هما عاوزين منا ايه؟؟


      بجد جميله اوى ياحمد اجمل مافيها الحقيقه
      انا اساسا بشكرك لانك قلت الحقيقه
      والله احنا بس ال حسنها
      وياريت يفهموا ان ده
      حرام
      ربنا معنا وفى طريقنا
      ميرسى ياحمد على كلامك العظيم
      دودو مصريه
    3. عروس النيل
      17-03-2009, 04:47 PM

      هما عاوزين منا ايه؟؟


      كلام فى الصميم

      تسلم على روعه كلماتك

      صحيح الحقيقه مره

      لكن ده الواقع فعلا

      بس برده

      يكفينا اننا بنعيش فى بلدنا امنين

      رغم مافيها من فقر

      الا ان محدش بيبات جعان

      عيش على قدك وارضى بما قسم الله لك

      واحلم بغد مشرق

      ويكفينا ان مالا نلاقيه فى الدنيا ربنا هيعوضنا بيه فى الجنه

      تحب العربيه تكون نوعها ايه

      فيرارى ولا لانسر ولا ايه

      لكن من جد

      احساس عالى وقلم رائع

      ويكفيك انك عقدتنا فى حياتنا

      واحنا لسه بننظر للدنيا بمنظار الامل

      ريحانه المصريه
    4. نسر الحب
      17-03-2009, 05:22 PM

      هما عاوزين منا ايه؟؟


      المشاركة الأصلية كتبت بواسطة ضحى مصطفى
      بجد جميله اوى ياحمد اجمل مافيها الحقيقه
      انا اساسا بشكرك لانك قلت الحقيقه
      والله احنا بس ال حسنها
      وياريت يفهموا ان ده
      حرام
      ربنا معنا وفى طريقنا
      ميرسى ياحمد على كلامك العظيم
      دودو مصريه
      شكرا دودو علي كلامك الجميل

      انا فعلا حبيت اطلع اللي جوايا

      مع اني الي قولته ميجيش نص اللي جويا

      ولسه مش هسكت ان شاء الله

      شكرا علي المرور الجميل
    5. نسر الحب
      17-03-2009, 05:23 PM

      هما عاوزين منا ايه؟؟


      المشاركة الأصلية كتبت بواسطة عروس النيل
      كلام فى الصميم

      تسلم على روعه كلماتك

      صحيح الحقيقه مره

      لكن ده الواقع فعلا

      بس برده

      يكفينا اننا بنعيش فى بلدنا امنين

      رغم مافيها من فقر

      الا ان محدش بيبات جعان

      عيش على قدك وارضى بما قسم الله لك

      واحلم بغد مشرق

      ويكفينا ان مالا نلاقيه فى الدنيا ربنا هيعوضنا بيه فى الجنه

      تحب العربيه تكون نوعها ايه

      فيرارى ولا لانسر ولا ايه

      لكن من جد

      احساس عالى وقلم رائع

      ويكفيك انك عقدتنا فى حياتنا

      واحنا لسه بننظر للدنيا بمنظار الامل

      ريحانه المصريه
      شكرا يا ريحانه علي الكلام الجميل

      وادينا بنحاول نقول الحقيقه يمكن نرتاح

      وان شاء الله ربنا يوفقك

      ولا تفقدي الامل

      شكرا علي المرور
    6. rory
      17-03-2009, 07:51 PM

      هما عاوزين منا ايه؟؟


      والله عندك حق فى كل كلمه يا احمد

      وادينا عايشين مش عارفين عايزين منا ايه

      ربنا يرحمنا منهم

      ابدعت يا احمد فى كل كلمه

      مع خالص تحيتى
    7. نسر الحب
      17-03-2009, 09:08 PM

      هما عاوزين منا ايه؟؟


      المشاركة الأصلية كتبت بواسطة rory
      والله عندك حق فى كل كلمه يا احمد

      وادينا عايشين مش عارفين عايزين منا ايه

      ربنا يرحمنا منهم

      ابدعت يا احمد فى كل كلمه

      مع خالص تحيتى
      ربنا يخليكي يا روري

      مش عارف ارد اقولك ايه

      بس الحمد لله انها عجبتك

      شكرا علي المرور وعلي الرد