بست راسه .. وودعته..وخليته!!

الشعر, قصيدة , شعراء, القصايد
  • ارسال إلى Twitter
  • ارسال إلى facebook
  • ارسال إلى google plus
    1. Ẳ£๓ỉяέќħĭά
      16-03-2009, 01:04 PM

      بست راسه .. وودعته..وخليته!!

      بست راسه .. وودعته..وخليته!!


      لين العود مال وميل ظلاله

      وايق بصدري شاعره و قفل و بيته

      فوق قلبي ترك يمناه وشماله

      واسبل الدمع وابكاني وبكيته

      كنه يقول شي رحت ما قاله

      وكني أقول لا توصيه وصيته

      وإن تنهت من الفرقا على فاله

      كنها رماح في صدري تناهيته!!

      : قلت له و (الظروف)أقوى من اماله

      .. اعتبر حبنا موقف وعديته

      عيش دنياك .. وانسى الحب وهباله

      وأنا بنساك !! وازعلته وخليته!!

      عندي اني ليا ضايقته اشواله

      وعنده اني تنكرت وتناسيته!!

      و يعلم الله ..ماني سالي وداله

      ما أخبر يوم(مر)ولا تمنيته

      أحلم فيه .. واصحى .واتهيى له

      كم تخيلته وزاني وناديته

      مايس القد..صالبني على اطلاله!!

      من تركته مكاني ما تعديته

      ما اقدر انساه وانسى وفرة اخصاله

      اقسم بربي اغليته و حبيته

      من تقهواه عشق.. وهز فنجاله

      جعله يموت قبل يشوف ذريته

      والله اني حزين وحالتي حاله

      كل ما يمكن اسويه..سويته

      ليتني اقدر اعرف وشهي احواله؟

      ولا عن حالتي عقبه درى .. ليته!!

      وليتني كل ما مريت في باله:

      أدري اني على باله .. و مريته!!

      يكفي احساسي بوصله عن وصاله

      باشعر بجيته لو كان ما جيته

      وليتني قبل ما اخليه بلحاله

      بست راسه .. وودعته..وخليته!!




      القصيدة للشاعر محمد جارالله السهلي ..
      250*300 Second
    2. *مزون شمر*
      16-03-2009, 05:51 PM

      بست راسه .. وودعته..وخليته!!


      قصيدة جميله
      صح السان الشاعر
      ويعطيك العافيه عالنقل
      بس ياليت نتقيد بالقوانين ونكتب اسم الشاعر
      او منقول للامانه حتى ماتنقل للمحذوفات
      ولك كل الشكر
    3. السحاااااااااااب
      16-03-2009, 09:11 PM

      بست راسه .. وودعته..وخليته!!


      صح لسان الشاعر وسلمت يد الناقل تقبلي مروري مع تحياتي
    4. Ẳ£๓ỉяέќħĭά
      16-03-2009, 11:54 PM

      بست راسه .. وودعته..وخليته!!


      يسلمكم ربي ع المرور الأكثر من
      رائع

      مودتي ..
    5. « ؛لعٍَيونہ.الغ.لا »
      13-06-2009, 05:09 AM

      بست راسه .. وودعته..وخليته!!


      ~بنت المريخي .}
      شكرا على هذا النص الراقي
      الله يعطيك العافيه يارب
      رائعه,, ومبدعه,, بنت المريخي بما طرحتي
      فضلا كوني دائما هنا
      ليكون الجمال والذوق الرفيع
      استمتعت كثيرا بما قرات بمتصفحك ونال اعجابي
      وسوف نبقى بانتظار جديدك القادم
      الذي نراهن على تميزة
      ولكن نتمنى أن لايطوول بنا الوقت على مقاعد الأنتظار
      وتقبلي تقديري وسعادتي

      دمتي بوود
    6. Ẳ£๓ỉяέќħĭά
      13-06-2009, 07:44 AM

      بست راسه .. وودعته..وخليته!!


      مشكوووور لعيوونه

      ع المرور العذب

      و التعليق الرائع

      لاهنت ..
    7. King-10
      13-06-2009, 10:37 PM

      بست راسه .. وودعته..وخليته!!


      لوحه جميله ومعبره.

      تسلم يدينك "بنت المريخي" وصح الله لسان الشاعر محمد جارالله

      تحياتي
    8. طير القوافي
      13-06-2009, 10:44 PM

      بست راسه .. وودعته..وخليته!!


      عيش دنياك .. وانسى الحب وهباله

      وأنا بنساك !! وازعلته وخليته!!

      عندي اني ليا ضايقته اشواله

      وعنده اني تنكرت وتناسيته!!

      صح لسانك ولسان شاعرها
      احترامي
    9. بوعبدالله
      13-06-2009, 10:56 PM

      بست راسه .. وودعته..وخليته!!


      قصيدة جميله
      صح السان الشاعر
      ويعطيك العافيه عالنقل