خلاص يعني كل شي انتهى وراح
خلاص يعني ما بقينا حبايب
يعني وعودك كلها كانت مزاح
والا انت ما لك في المحبه رغايب
وين العهود ووين لحظات الافراح
يعني تلاشت مع هبوب الهبايب
أجهلك .. و لي سنين اتخيلك اتمثلك في كل طيف .. والقاك في قسمات ضيف كل المشاعر له تقول .. حنا هلك أجهلك .. ولي سنين اتخيلك القاك في بعض الوجيه .. ويمرني طيفك واجيه يا باكر اللي اجهله .. ارقتني الأسئلة وابطى العمر يستعجلك .. أجهلك .. ولي سنين اتخيلك بالعيوب وبالمزايا .. بالألم لامن هجرتي يجتاحبي ضلوع وحنايا اتخيل شكوكك وظنك .. اتخيل التقصير منك حتى الجفا اتخيله .. وكيف انا باتحمله .. واتحملك أجهلك .. ولي سنين اتخيلك وجهك اللي قد حبسته داخلي في غمضة عيوني واللي ياما قد رسمته .. من عبث طيشي وجنوني
سواها قلبي .. يا حبيبي وحبك ..
ما طاعني وانا عن الحب ناهيه ..
الظاهر انه .. ما يبي غير قربك ..
عاف الجميع واول الناس راعيه ..
عليه ما اوصيك لاصار جنبك ..
صبح عليه بحب .. وبحب مسيه ..
نبضه وفا .. وبتضحياته يعجبك ..
صافي ولكن ما لقى من يصافيه ..
خلا دروب الكل واختار دربك ..
داريه تكفه قد ما فيك داريه ..
وابشر بقلب ما يبي غير قربك ..
يموت وغير محبتك ما سكن فيه ..
من يحبك كثر ما احبك انا ... و من يحبك حاول و يا ما اجتهد
و من في عينه شوفتك كل المنا ... لا و رب العرش ما غيرك ابد
انت شوفي و انت عمري و الهنا ... يا جسد بي روح و لو رحي جسد
و انت عيني و انت نوري و السنا ... و انت اسبابي اذا حبي خمد
و انت ميعادي و سهدي و العنا ... و انت تعذيبي و صبري و الجلد
و انت راحاتي و روحي و الضنا ... و انت الاول ما بها قبل و بعد
لمنا جو المحبة و ضمنا ... و من بعد قربك انا كيف ابتعد
شوف ما اكبر يا حبيبي عشقنا ... فاق كل العشق وحده و انفرد
لو يوزع على البسيطه حبنا ... ما بقى حد بها يكره احد
يا كثر ما رافقت خلان واحباب ويا كثر ما في شدتي هملوني على كثر ما أعدهم ستر وحجاب على كثر ما احتجتهم واتركوني من صارت الخوه ثمن حفنة تراب نفس الوجيه اللي نصوني... نسوني من غير ذكر فروق، وعروق، وأنساب كانوا ثلاثة ...والثلاثة جفوني علمتهم وشلون الأهداف تنصاب ولما سواعدهم قوت... صوبوني عشاني أصغرهم عمر صاروا أحزاب عشاني اصدقهم قصيد اظلموني اللي نجاح اسمي زرع فيهم أنياب حتى النصيحة ما بغوا ينصحوني دام العطايا عندهم دين وأتعاب والله لو أطلب ذنبهم ما عطوني طالب نصيحة، كني طالب أرقاب وهي نصيحة؟!كيف لو زوجوني؟ كنت أكتب لنفسي مشاريه وعتاب ولا ادري إن اللي قروني... قروني تضاربت من دوني عقول وألباب واجد بغوا غيري... وواجد بغوني أقفل هدب... تسهر على شعري أهداب كني حبست إرقادهم في جفوني لو شفتهم واحد... يشوفوني اسراب من وين مالدوا نظرهم لقوني أثري وجودي بينهم محرق أعصاب ومزعل بعضهم من بعض لو طروني يا كبري بعيني وأنا توني شاب
ماجور ياللي من فراقك تعلمت ..
........................... ان الزمن يومين طيب وخيب
فاجأتني بمفارقك ماتولمت ..
........................... كذا بدون اسباب عني تغيب
ما مت من فراقك لكن تالمت ..
........................... شيبت بي ياصاحبي قبل اشيب
لولا السحا عاذلي ماتلعثمت ..
........................... طاولته اللي في يدي من قريب
اضحك واسولف وان لحقني سهر نمت ..
........................... لكن ورب البيت مانيب بطيب
تعال من السفر كافي من الفراق .... ما هزك حنين ولا يوم تشتاق.... قلت يومين لكن صارن سنين.... لا قلبك يسألك صاحبك وين .... كثر حزني بغيابك .... ليش الفراق ..؟؟؟!!!! اريد اتباهى بيك ويا المحبين .... انا روحي غريبه وبين عشاق ... بكت يمه وقلت باكر تفرحين واصبرها واقول ... تجيبه الاشواق ... واشوف بعيني جيات المبعدين انا لجيتك حبيبي هواي مشتاق ولك في القلب شايل حب مجانين اريد اشفق حبيبي بروحك شفاق واريد انقلب كل لشوفتك عين ذكرتك والسما مغيمه وعليك الروح محتاره وينك ما الك عنوان؟؟!!! واسمك ضاعت اخباره دلني واجيك اليوم ودمع العين يا الجاره البحر لو يبعدك عني اسوي القلب عباره فوق الغيم ... جو الغيم ... اطير بغير طياره
به قلوب يا هي تشقى لو يبات الحقد جايع
و به قلوب لو هي تقوى ما بقى في الدنيا جوع
و به عيون في هدبها تسكن الام و مواجع
و من سواد اليأس فيها ما قوت تذرف دموع
به فقر مدقع يبكي و به غنا فاحش و رائع
به بخل ظاهر و شامل به كرم لكن قنوع
به بشر ينسى صلفها ان كل من راح راجع
و به بشر تنطر اجلها ترتجي ذاك الرجوع
هذا الموقع يستخدم ملفات تعريف الارتباط (الكوكيز ) للمساعدة في تخصيص المحتوى وتخصيص تجربتك والحفاظ على تسجيل دخولك إذا قمت بالتسجيل.
من خلال الاستمرار في استخدام هذا الموقع، فإنك توافق على استخدامنا لملفات تعريف الارتباط.