1234567891011 ...

روايه: حب مع الأيام ....كامله

قصة كاملة - رواية كامله جميلة للكاتبه
  • ارسال إلى Twitter
  • ارسال إلى facebook
  • ارسال إلى google plus
    1. خ عافك الخاطر لاص
      18-02-2009, 03:00 PM

      روايه: حب مع الأيام ....كامله

      روايه: حب مع الأيام ....كامله


      روايه حب مره تجنن وروعه
      الجزء الأول :
      في الصالون :

      نور : بسرعة تراني متأخرة على الحفلة
      الكوافيرة : أوك مدام
      نور : أي عفية

      و بعد ربع ساعة كملت الكوافيرة تسريحة شعرها .. فخذت ثيابها و راحت تبدل ..

      نور : كم صار ؟
      الكوافيرة : 20 دينار
      نور : تفضلي .. مع السلامة
      الكوافيرة : مع السلامة

      ركبت سيارتها و قعدت تمشي بسرعة جنونية لأن حفلة زواج خالها بدأ و هي لحد الحين مب هناك .. و ما أنتبهت الا على صوت ارتطام .. فطلعت من سيارتها مستحمقة ..

      نور : أنت عمي ما تشوف ؟
      .... : مسامحة أختي ما كنت أقصد أدعمج بس لأني مستعجل ..
      نور و هي تقاطعه : لا و الله بس تفكر بنفسك حتى انا مستعجلة
      .... و هو يطالعها من فوق لتحت : اي يبين عندج حفلة .. عيل ماني معطلتج و لة معطل نفسي .. بعطيج رقم موبايلي عشان تتصلين فيني و نحدد تكاليف سيارتج ..
      نور : شوف يا ..
      .... : يوسف
      نور : شوف يا أخ يوسف أنا ما أقدر أطول الحين .. أنت هات الرقم و انا بعطيه لأبوي عشان يتصرف
      يوسف : تفضلي
      نور : دام فضلك
      يوسف : أكرر أسفي .. في أمان الله
      نور : مع السلامة .. و ركبت سيارتها بس ها المرة كانت تمشي بهدوء و تفكر بالحادثة اللي صار لها الى أن وصلت تفكر في الأخ اللي دعمها .. كان وسيم بطوله و شكله ..
      نور و هي تقول بقلبها : أعوذ بالله أنا في شنو قاعدة أفكر .. بس شخصيته كانت قوية .. ليكون هاي أعجاب ؟ .. و استغرقت في تفكيرها الى أن وصلت للفندق
    2. خ عافك الخاطر لاص
      18-02-2009, 03:04 PM

      روايه: حب مع الأيام ....كامله


      في الفندق ::

      نور : السلام عليكم
      نوف : و عليكم السلام .. و ينج ؟ جان رقدتي أكثر ؟
      نور : شاسوي في طريجي واحد دعمني
      نوف و هي تشهق : الله يقطع ابليسه ما لقى الا اليوم يدعمج .. بس عسى سيارتج ما تضررت وايد ؟
      نور : لا بس انشمخت شوي .. و هو عطاني رقمه عشان يدفع تكاليف التصليح
      نوف : لازم يدفع الا تعالي امج وايد تحاتيج
      نور : وية عليها مسكينة
      نوف : بسرعة امشي ندش القاعة عشان تتطمن عليج
      نور : يالله عيل أمشي

      ( نوف هي أعز رفيجة عند نور .. و اللي قوى علاقتهم أكثر هو أن اليوم عرس خال نور ( حسن ) من خالة نوف ( أحلام ) )
    3. خ عافك الخاطر لاص
      18-02-2009, 03:06 PM

      روايه: حب مع الأيام ....كامله


      في القاعة :

      أم نور : وينج يمة تأخرتي وايد ؟
      نور : شاسوي يمة تدرين زحمة الشوارع و لا واحد دعمني
      أم نور و هي خايفة : وية على بنيتي الوحيدة عسى ما صادج شىء ؟
      نور : لا يمة الحمدلله بس سيارتي شوي تشمخت
      أم نور : الف حمدلله بدال السيارة عشر .. ما يغلى عليج شىء بنيتي
      نور : يعلني ما انحرم منج يمة
      أم نور : شخبارج نوف ؟ و شخبار أمج ؟
      نوف : الحمدلله كلنا بخير ..
      أم نور : أمج ما تبين وينها ؟
      نوف : اكاهي عند العروس
      أم نور : عيل أستأذنكم بروح عندها
      نوف : نوارة قومي نرقص ؟
      نور : اوك
    4. خ عافك الخاطر لاص
      18-02-2009, 03:08 PM

      روايه: حب مع الأيام ....كامله


      في قاعة الرياييل :


      يوسف : تدري أحمد شصادني في الطريج
      أحمد : شدراني .. ليكون شايفني ساحر
      يوسف : خخخخ تنكت وية ويهك
      أحمد : الا تعال شصادك ؟
      يوسف : دعمت سيارة من السرعة
      أحمد : عسى ما صار شىء ؟
      يوسف : لا الحمدلله سيارتي صاحية بس سيارة البنية شوي تشمخت
      أحمد و هو فاج عيونه : داعم بنية ؟
      يوسف و هو سرحان : ولة كل البنات
      أحمد : أقول يا السرحان .. شتفكر فيه ؟ تراني أفهمك .. فضفض اللي في قلبك
      يوسف : ها مدري شصادني من أول ما شفتها
      أحمد : نقدر نقول حب
      يوسف : هه روح ول .. اي حب يا ريال .. اممممم بس يمكن اعجاب
      أحمد : كل شىء ممكن .. بعدين بنسولف عن ها السالفة .. قوم الحين نشاركهم بحفلة زواج خالتك أحلام ..
    5. خ عافك الخاطر لاص
      18-02-2009, 03:11 PM

      روايه: حب مع الأيام ....كامله


      هذا الجزء الأول من الرواية أذا اعجبتكم قلولي عشان اكمله
    6. نمله متكحله
      18-02-2009, 04:22 PM

      روايه: حب مع الأيام ....كامله


      حلوه مره كمليها
    7. حلا الاحساس
      18-02-2009, 06:23 PM

      روايه: حب مع الأيام ....كامله


      حلوووة

      كمليها
    8. خ عافك الخاطر لاص
      18-02-2009, 07:33 PM

      روايه: حب مع الأيام ....كامله


      حاضر
    9. خ عافك الخاطر لاص
      18-02-2009, 07:36 PM

      روايه: حب مع الأيام ....كامله


      الجزء الثاني..



      أحمد : كل شىء ممكن .. بعدين بنسولف عن ها السالفة .. قوم الحين نشاركهم بحفلة زواج خالتك أحلام ..
      يوسف : لا أمش نطلع برع .. أبي أشم شوية هوا بعيد عن الازعاج
      أحمد : زين عيل قوم

      ( يوسف و أحمد ربع من هم صغار .. جنة أخوان و أكثر )
    10. خ عافك الخاطر لاص
      18-02-2009, 07:37 PM

      روايه: حب مع الأيام ....كامله


      في قاعة الحريم ::


      نور : وايد ازعاج أمشي شوي نطلع
      نوف : اي و الله انا مصدعة
      نور : زين بروح اييب شيلتي و برد
      نوف : ييبي شيلتي وياج
      نور : تامرين أمر
    1234567891011 ...