مكتبة ( القصائد المغناه )

قصائد في قمه الروعه....

السلام عليكم ورحمة الله وبركاته



كلمات اغاني الفنان الراحل عيسى بن علي الاحسائي <الحنجره الذهبيه> وهي من تأليف شاعر ربوع الجزيرة علي بن محمد القحطاني


((تمنيت أشوفك))
تمنيت أشوفك يوم نامت عيون الحي ،، وعذالنا نامواولابواب مصكوكه
وجو البلد هادي والاشجار تقطر مي،، عليها الندى وأغصانها الخضر مشبوكه
وتميت يم الباب في الليل رايح جي،، معني لك الاقدام والروح مملوكه
أنا كيف أطيق الصبر والقلب ولع ضي،، وعين المولع كن في حجرها شوكه
ترفق بحال اللي كواه المفارق كي،، حبل الرجاء ممدود لاتقطع سلوكه
وزرع الهوى بين المحبين مشبوكه


(( دارت الارض ))

دارت الارض بي وحدي ثلاثين دور،، هوالعرب مادرواعني وأناألف وادور
بعد ماشفت زوله صارت الارض كوره ،،والهدى صارفي عين الفتى كبر عصفور
نظرة العين خلتني بأقصى خطوره،، واعرضوني على خمسة وسبعين دكتور
والحشا هدمت سوره وهدت جسوره،، لانوىخير في لحظة يخليه معمور
يوم مرت علي قلت القمر في ظهوره،، ماتغير كلام اهل الفضاء زور في زور
كنت من قبل افكر بالقمر كيف أزوره،، هوسبقني وجا عندي زياره ومشكور
يوم مرت بوسط السوق فاحت عطوره،، كن صندوق عطر لوشن بالسوق مكسور
بعد مشفت خطك واعجبتني سطوره،، ومن جمالك قريت الخط كله على الفور
كل شعرك قوي لاشك تحتاج دوره،، تجبر الشعر لالالشعر بك صار مجبور
انت فنان والفنان مطلوب صوره،، أي فنان مثلك نال شهره وجمهور


((ياناعسه))

ياناعسه ردي علي وارحميني،، شوقي تعيس الحظ صابر وملهوف
جيتك واشوف الهم قدام عيني،، وياويل قلب انهد من داخل الجوف
كنت احسب اني بقضبك بين ايديني،، واثري بلياحب اعمى ولاشوف
الحبل مقضوب وربي يعيني،، والله اللي ماغدالسعي مخلوف
والله أحبك مير بينك وبيني ،، وبينك لابغيت أقبل اصفوف
جودي علي بنظرة واسمعيني،، لوني بعيد اسوق لك الدمع مظروف
كانك تبيني قولي انك تبيني،، عشرة شرف يابنت لايطري الخوف
كانك رحلتي بالهوى سامحيني،، يخطي طريق الحب مابيننا اظروف
بينت لك مابديت خافي كنيني،، وأظن صار القصد واضح ومعروف



((قضيت العمر))
قضيت العمر كله با التمني،، ويا حسرة على ما فات مني
ويللي طال هجرك وامتحني،، كويت القلب كيه فوق كيه
وابطى الوقت واسهرت الليالي،، ابوح بونتي وابكي لحالي
صفى لي من زماني ما صفالي،، وباقي العمرلعيونك ضحيته تدور
تذكرقبل يوم انك تبينا،، وتتعذرمن شانك تجينا
وذا لحينه ما كنا التقينا،، تعبد كل واحد عن خويه
حشى لله لحظة ما نسيتك،، ولا أرخصتك بك الغالي فديتك
ولا مني بعيني شفت بيتك،، على الجدران رديت التحية
ولا منه بدا لي نجم لامع،، تصورتك وهليت المدامع
واذا مني دعيتك ما انت سامع،، يرد البيت صرخا في عليه
انا مليت من باقي حياتي،،خلاص الحق علي قبل المماتي
ترى حبك بصونه يا جزاتي،، بسرعة قبل لاتجري المنية
ولا لك عذر بعد اليوم تبطي،، حلاة الحب من ياخذ ويعطي
وسامحني لواني كنت مخطي،، تراك اتعبتني روحه وجيه


((فوق بحر الهوى))
فوق بحر الهوى تجري مراكبنا،، نقضي الليل كله فوق موجاته
نرضي احبابنا نوفي بواجبنا،، من نقض عهدنا نقطع علاقاته
ما لنا غير خالقنا يحاسبنا،، نبلغ اهدافنا والنفس مواته
با الصراحة نخاطب من يخاطبنا،، لين يظهر لنا قصده وغاياته
الردي لا حشى ما هو بصاحبنا،، حيث عاداتنا ما هي بعاداته
الوفى عند جاهلنا وشايبنا،، راعي الطيب ما يحسب خساراته
نعرف اللي من الغيرة يحاربنا،،الغلط حيلته والغيض قواته
انتهينا وصفينا تجاربنا،، نعرف الهرج الى من جاء مجلاته

((الا يا حمامة))
الا يا حمامة صوتها للعرب مسموع،، سلامات هل جاها من الوجد ما جاني
عليك البكى وانا عليه سيول دموع،، وكل يساعد في البكى مننا الثاني
فلاني بحزنان ولا خاطري مفجوع،، ولكن سبب ما بي نزح دار خلاني
لك الله قلبي يا حمامة غدا ممزوع،، فكوني شريكه با الهوى لأبن قحطاني
مساكين من حبل الوصل بينهم مقطوع،، وكان السبب في قطعته بعد الاوطاني
فرحمة على اصحاب الهوى لو يموتوا جوع،، بعيشون في برخلا بين ظلعاني
الا يا حمامة والعتب بيننا مرفوع،، تعيشين في وحده وانا اعيش وحداني
تعالي نساعد بعضنا لو غدينا ربوع،، تخفف من احزانك واخفف من اشجاني


((البارحة مامسيت))

البارحة مامسيت متعومس الرأي،، على الذي عند الضحى فارقوني
معاهم اللي من العرب غاية مناي،، اللي عقب فرقاه هاضت شجوني
أقبل يوادعني ومديت يمناي،، وزاد البلى بي عقب ماودعوني
والله لولا صورتة وسط مخباي،، ان انتحر لجله وأقول أدفنوني
ابكي ولكن ما نفع كثرة ابكاي،، خطير كثر الدمع يضعف عيوني
اش حالتي والزين ما هوب وياي،، مالي امل بعيش بس اعذروني
من عقب ذاك العقل شمتوا بي اعداي، كل يقول افلان صابه جنوني
عزالله ان ما احد ابتلى مثل بلواي،، وش حالتي ان طال الفراق ونسوني
حتى هلي جو يسئلوني وش دعواي،، قلت انظروا ما صابني واتركوني
قالوا تعالج قلت انا عارف ادواي،،لوجو الاطباء كلهم ما شفوني
أدواي طفلا شوفته تزيل بلواي،، اذا قدرتوا جيبته فا سعفوني


((دلعوك أهلك))

دلعوك أهلك وتوك صغير،، واكتمل عمرك وصارت طبيعه
ماتغير لاتحاول تغيرأمر،، ياذا الحلو ماتستطيعه
وانت ماتعرف رجب من قصير،، والعمرتوه على أول ربيعه
ماربيت الا وسط بيت خير،، عايشين أهلك بدنيا فظيعه
كلما شفتك علينا تسير،، ودي اسكن قصر والبيت أبيعه
مستواك أعلى وحسنك يحير،، والحلى والدل أخذته جميعه
والجعود السود والوجه المنير،، لو كلامك بالذهب ماتبيعه


ا((الأيام دواره))

الأيام دواره حذيرك نذيرك،،وما فات منها مات لاترتجيها
ومن حد ها التاريخ ماني عشيرك،،محبه تنزل روسنا ما نبيها
تعوضني الأيام عنك بغيرك،،وكلا له اعماله يحاسب عليها
أبا راقبك من بعد واعرف مصيرك،،أنا وأنت في الدنيا وذا الناس فيها
أنا كنت في كل الامور استشيرك،،أتلقى الاوامر منك واعتز فيها
ومن وين ما تمشي مصيري مصيرك،،أباقبلك في اي ديرة تجيها
واذا كان قلبي ما هوى شخص غيرك،،فباقي حياتي وش ابي بس فيها


((رحال))

رحال عن ديرتك رحال ،، أسلم عليكم فمان الله
يا بعد عمري وراس المال ،، يا أعز وأغلى عباد الله
صبرت واليوم صبري طال ،، ودعتكم وأمرنا لله
رحلت يومك بريت الحال ،، أهوم انا في بلاد الله
طاوعت بي نمت العذال ،، وأقوالهم منكم لله
واشعلت نار الغرام اشعال ،، مارفت حالي لاجل الله
ليتك ترى دمعي الهمال ،، سحايب تشتكي لله
وافراقكم ما طرى في البال ،، واليوم يا قلبي استعن با الله


((هب الهوى))
هب الهوى واقبل علينا شمالي،، وانعش عروق بعضها كان مشيول
ارتاح قلبي يوم خلي وفالي،، وأنا من اول حاير الفكر مشغول
لابعد من حب أول وتالي،، وأنا أشهد ان انتا من البيض مدلول
الصاحب اللي ما بخل في وصالي،، يفداه عمري وعن هوى كل مجمول
بس اسمعوا ياللي سمعتوا مقالي،، مير لا خطيت في بعض ما اقول

شعر: علي القحطاني // غناء الراحل عيسى الأحسائي.
 
لو يوم احد


لو يوم احد في وحدتك نادى عليك
ثم التفت وشفت ما حولك أحد
هذا أنا من كثر ما فكرت فيك
ناديت لك والكل منا في بلد ..
يكفي .. إلى هنا وما أقدر
اوله عليك أكثر ..
من الوله كني .. طفل نسى يكبر !
يحبك بإحساس .. يكفي قلوب الناس !

من علمك صوت المطر كيف احتريك
ولا المطر ما جاب لي طاري ابد
كم قلت لك في غيبتك وش كثر
ابيك اشتقت لك تقول لي وانا بعد
عود للموعد اللي زل .. لك في عيوني ظل
مشتاقه عيوني والشوق ماله حل
ما ظل فيه اشواق .. انا اخر العشاق




كلمات: فهد المساعد
 



" وش أخباري "

وش اخباري ... ؟!
شللي جابني ع البال ... وش الطاري

من اللي شاغل اللي شاغلك عني
عسى ما شر ... وش خلاك تذكرني

بعد ما اعتدت هجراني
ليه تجدد اشجاني
بعدها تروح و تنساني
و ترجعلي في عمر ثاني
تسالني عن اخباري

وش اخباري

ابد على حطت يدك ... لو كان هذا يسعدك
ماشي تغير للاسف ... لليوم كلي في دبرتك

صدقني لو كان بيدي ... انا تركتك من زمان
تسالني شللي حدني ... شللي جبرني ع الهوان
اللي جبرني اني احبك
يللي خذاني مني حبك
رجعني لي ارجوك ... حلفتك بربك

وش اخباري ... هذي اخباري
لكن بسالك بالله وش الطاري


كلمات: تركي

 
كلنا عشاق لكن ..

إنتي لا ما انتي معايا ..

لما تجمعنا الأماكن

تاخذك مني المرايا ..

انتي مشغوله بروحك

ما ملك عقلك وروحك

لا أنا ولا سوايا

اعطي ظهرك للمرايا وشوفي غيرك

اظهري من ليل كحلك ومن أساورك وحريرك

افتحي الشباك مره شوفي الناس والشوارع

وش كثر هالغربه مره للي وسط الزحمه ضايع

انتي مشغوله بروحك ما ملك عقلك وروحك

لا أنا ولا سوايا

كلنا عشاق لكن

كل واحد له حكايه

كلنا عشاق لكن

كلنا نحبك نحبك

وأنتي جرحك في ساكن وأنا جرحي برا قلبك

أمشي لو نصف المسافة وقفي بينك وبيني

أكسري كل المرايا أنتي أجمل وسط عيني

يا للي مشغولة بروحك من خذا قلبك وروحك

هو أنا ولا سوايا

كلنا عشاق لكن

كل واحد له حكاية





بدر بن عبدالمحسن
 
عودة
أعلى