محشش فاهم صح ............!!!!!

يقولك مرة دخلوا محشش على ضابط في الشرطة


قالوا له هذا الادمي ذبح 26 رجال بسيارته



الضابط ما أقتنع بالسالفة راح وسأل المحشش

قال له : كيف ذبحت 26 ادمي ؟


رد عليه المحشش بكل أدب وثقة بالنفس : أسمعني يا ضابط ، أنت رجال فاهم ومتعلم وان شاء الله راح تفهم السالفة ؟


انبسط الضابط من رده وقال له : طيب قول لي كيف سويت ؟


رد عليه بنفس الثقة بالنفس : شوووف يا حضرة الضابط ، أنا الحين داعس في خط سريع ، حلو الكلام ؟


قال: حلو

قال : تخيل على الرصيف اللي على اليمين واحد جالس ، وعلى الرصيف اللي على يساري 25 شخص

قال : طيب

قال : وعلى يسار الخط فيه قصر أفراح ، وال25 رجال رايحين القصر ، اتضحت الصووورة





قال الضابط : إلا الحين كلامك معقووول





قال المحشش : فجأة وانا ماشي ضرب علي كفر ، والسيارة بتروح علي يا يمين يا يسار .


قال الضابط : أيوه


قال المحشش : يعني فيه خيارين ، يا أدعس الرجال اللي لوحده ، يا أدعس الخمسة والعشرين رجال الثانين ، صح والا أنا غلطان ؟


قال الضابط : فعلا موووقف محرج .


قال المحشش : طيب يا ضابط ، ألحين أنت رجال عاقل وواعي ، وانحطيت لا قدر الله في مثل هذا الموقف ، وش راح يكون



تصرفك ؟


قال الضابط : والله أنا بادعس الرجال اللي لوحده .

قال المحشش : عين العقل ، أنا فكرت نفس تفكيرك وقلت بادعس الرجال لوحده .


قال الضابط : طيب كيف قتلت الباقين ؟







قال المحشش : خلك معي يا حضرة الضابط لا تستعجل ، أنا قررت ألف على الرجال اللي لحاله ،




راح انحاش ابن الكلب عند الخمسة وعشرين الثانين








 
هههههههههههههههههه

من جد ما ينلام المسكين

سوى اللي عليه...

رائع جداً...

اشكرك اختي على مواضيعك الراقية

تقبلي مروري
 
عودة
أعلى