ياقبر سلم لي على اللي نزل فيك..رثاء ,,!!

الشعر, قصيدة , شعراء, القصايد ارسال إلى Twitter ارسال إلى facebook
  1. *مزون شمر*
    03-02-2009, 08:24 PM

    ياقبر سلم لي على اللي نزل فيك..رثآآآء ,,!!

    ياقبر سلم لي على اللي نزل فيك..رثاء ,,!!



    قصيدة رثاء ،،

    من اروع ماقريت ,,


    //

    //




    ياقبر سلم لي على اللي نزل فيك
    مع النبي الهاشمي والصحابه

    يا ابوي ياللي طيبات مماشيك
    اسمع ولدك اليوم يكتب جوابه

    بجيرة الرحمن يا ابوي اهنيك
    الواحد اللي مايخيب الرجا به

    يا ابوي جعل الغيث يمطر ويسقيك
    يرش قبرك لين يربع جنابه

    ماعنك خافقي كل ما حل طاريك
    يهل دمعي مثل وبل السحابه

    وتبكي الحنون وتنتخي بك وترجيك
    من لامها جعله يضيع صوابه

    وذي بندقك تبكي وبشتك يناديك
    وعليك راعي الطيب شقق ثيابه

    ويبكي عليك العود الأزرق ويرثيك
    المجلس مابعد صك بابه

    وتبكي عصاك اللي وزانك تباريك
    والدله الصفرا وباقي زهابه

    يا ابوي ليتك تسمع الي يشاكيك
    وتشوف عقبك ماجرى له وصابه

    على النعش سجت عيوني تراعيك
    واشوف قبرك يوم هلوا ترابه

    وشفت النصايب فوق قبرك تحييك
    ياشين هاك اليوم واللي جرى به

    اقفوا وانا قلبي من الشوق قافيك
    اقنب من الفرقا قنيب الذيابه

    يا ابوي انا لك برفع الصوت وابكيك
    وقت مضى وياك لا واسفابه

    لو طالت الأيام مانيب ناسيك
    وشلون ابنسى من عطاني شبابه

    وياتمير انا عقب احمر العين مابيك
    تمير عقب العود وش ينبغا به

    لولا رجال فيك ماجيت ناصيك
    اللي لهم عز وجلال ومهابه

    كل يغيب ورجعته لك تسليك
    الا طريح الموت يبطي غيابه

    مرحوم ياللي كل الاجواد تغليك
    فيك الكرم والجود كل درى به

    سبع سنوات مالقينا مداويك
    عسى لك الجنه من الله وهابه

    في جنه منازلها عند واليك
    مع النبي الهاشمي والصحابه




    القصيدة لشاعر: فهد المفرج التميمي
  2. ღ ‏آسيرة الصمت ღ
    03-02-2009, 08:44 PM

    ياقبر سلم لي على اللي نزل فيك..رثاء ,,!!



    مشكوره يالغاليه على القصيده الاكثر من رائعه
    صح لسان قايلها
    وتسلم الانامل على النقل
    تسلمي وننتظر مزيدمن مواضيعك الجميله

    دمتي بود

    اسيرة الصمت
  3. السحاااااااااااب
    03-02-2009, 11:24 PM

    ياقبر سلم لي على اللي نزل فيك..رثاء ,,!!


    مشكوره أختي مزووووووووووون على النقل الرائع والله يعطيك العافيه تقبلي مروري مع تحياتي
  4. مشعل الحب
    03-02-2009, 11:35 PM

    ياقبر سلم لي على اللي نزل فيك..رثاء ,,!!


    صح لسان شاعرها ..
    و تسلم يدينك أختي مزون ..
    الله يسعدك
    :
  5. قرين الليل
    04-02-2009, 08:46 PM

    ياقبر سلم لي على اللي نزل فيك..رثاء ,,!!


    صح لسانك
    على روعة النقل

    وصح لسان شاعرها

    ورحم الله سائر موتى المسلمين


    مشكورة أختي مزون شمر

    تقبلي مروري وتحياتي
  6. ஜ .¸¸ مزاج ¸¸. ஜ
    04-02-2009, 09:03 PM

    ياقبر سلم لي على اللي نزل فيك..رثاء ,,!!


    والله ابيات قمه ,,يسلمؤ يالغلا على هالابيات وماقصرتي