1234

ديوان الشاعرة مطلع الشمس

ديوان قصائد الشاعر - ديوان قصائد الشاعره ارسال إلى Twitter ارسال إلى facebook
  1. *مزون شمر*
    11-02-2009, 06:00 PM

    ديوان الشاعرة مطلع الشمس


    ديوان الشاعرة مطلع الشمس

    خطاك الشر


    خطاك الشر يا عمري خطاك ... عسى عمرك تفاريح وربيع

    وتصحبك السلامه في خطاك ... وقال السعد لك دايم ربيع

    ترى مالي هوى إلا هواك ... أنا احبك ومن غيرك أضيع

    حبيبي ومطلبي دايم رضاك ... صوابك ضيق الكون الوسيع

    أحسبك يا عسى عمري فداك ... وشانك يالغلا عندي رفيع

    تأثرت بصوابك من غلاك ... وعشت بحسرتي مثل الوديع

    اصبر قلبي وفكري معاك ... أهوجس فيك يا حلمي البديع

    اطرش لك خيالي في مساك ... يطمني وبعلومك يذيع




    ديوان الشاعرة مطلع الشمس
  2. *مزون شمر*
    11-02-2009, 06:01 PM

    ديوان الشاعرة مطلع الشمس


    ديوان الشاعرة مطلع الشمس

    روحي تحبك


    روحي تحبك والغلا ذابحني ... ودي بشوفك يا حياتي ولاماك

    حب قديم في الضماير سكني ... داخل حنايا القلب رسمك وموطاك

    أهواك أنا ولا حد غيرك فتني ... لك صادق الإحساس والعمر يفداك

    أهواك يا ساكن بفكري وظني ... طيفك يشاغلني وادور على رضاك

    أصون حبك بالغلا لو محني ... غالي معي يا كبر حبك ومغلاك

    إنته وانا والأصل منك ومني ... كل السعادة والأمل في محياك

    حكم الزمن مبعدك يا زين عني ... روح المشاعر تشتكي طول فرقاك

    بادر بوصلك ما يفيد التمني ... وانا مقدر لك ظروفك وارعاك



    ديوان الشاعرة مطلع الشمس
  3. *مزون شمر*
    11-02-2009, 06:03 PM

    ديوان الشاعرة مطلع الشمس


    ديوان الشاعرة مطلع الشمس

    روضة الجنة

    دار زايد روضة الجنه ... مورده بالعز محلاها

    تبتسم .. حلوة ومطمنه ... والبشاشه في محياها

    ما شكت من وقتها انه ... شيخها بالخير غطاها

    عزها زايد بلا منه ... واستتب الأمن بحماها

    دار زايد روضة الجنه ... وشعبها بالعمر يفداها



    ديوان الشاعرة مطلع الشمس
  4. *مزون شمر*
    11-02-2009, 06:05 PM

    ديوان الشاعرة مطلع الشمس


    ديوان الشاعرة مطلع الشمس

    سر الغرام


    كني خطا جيتك وقلبي أحمله ... حالي شغوف ولا تناظر لهفتي

    سر الغرام اللي بقلبي تجهله ... وانته غرامك في حشايه ومهجتي

    أنا عطيتك من غرامي أجمله ... وانته ولا حتى تحس بلوعتي

    لو كان تدري بلي قلبي يحمله ... حب صدوق وانت عمري ومنيتي

    حب وفي كل اقوله وارسله ... عبر الحروف وينقرا في نظرتي

    ليلي سهر .. ليلي حزن ما أطوله ... لولا طيوفك به تخفف علتي

    أسمع صدى صوتك وقلبي يسأله ... والقى ردودك هي عذابي وحيرتي

    رجواك انا رجوى الليالي المقبله ... خل السعاده تبتسم في دنيتي

    مليت من صبري وكثر الأسئله ... ودي أحس بطعم وقتي وراحتي

    واني بقلبك لي مكان ومنزله ... واهنا بحبي وتحقق فرحتي

    يا ضي عمري وراحته ومستقبله ... يا تاج راسي لا تزود حسرتي



    ديوان الشاعرة مطلع الشمس
  5. *مزون شمر*
    11-02-2009, 06:07 PM

    ديوان الشاعرة مطلع الشمس


    ديوان الشاعرة مطلع الشمس

    شوف لاخيار

    يا بو خليفه العيد عيدين ... وثالث اعيادي شوف لخيار

    غايب وعود عقب شهرين ... واستبشروا به القلب والدار

    في خافقي حبه من سنين ... متملكني ملك جبار

    حاز الغلا عن كل حيين ... غالي معي لو صار ما صار

    شوفه غناتي يسعد العين ... ويفرح الضيقه ولكدار

    في ناظري تاج السلاطين ... وعيوني الثنتين له دار

    ما يختلف في شخصه ثنين ... نشمي واخو شما ومغوار

    لو في يدي ما فارق العين ... عين البنفسج دار لحرار

    زايد وضعها في البلادين ... واحة زهر وعيون وانهار



    ديوان الشاعرة مطلع الشمس
  6. *مزون شمر*
    11-02-2009, 06:10 PM

    ديوان الشاعرة مطلع الشمس


    ديوان الشاعرة مطلع الشمس

    عيال زايد

    الوطن زايد وسيف العز زايد ... زايد التاريخ بافعاله العظام

    من نسل شجعان قروم شدايد ... في عتوم الوقت ذكره لا يضام

    عزنا وهو للوطن يا خير قايد ... يا حكيم العرب يالفذ الهمام

    إلبست بك دارنا أحلى قلايد ... واصبحت من حكمتك دار السلام

    يا مزن يا غيث يا راعي العوايد ... يا معاني ما يوصفها كلام

    يا سند داري وأهلي والسعايد ... يا ملاذ الحب والناس الكرام

    لو تبا بعطيك عمري عمر زايد ... كل شيء يفداك أهلي والعمام

    يا عسى تبقى لنا سنين مدايد ... يا عسى تبقى لنا مليون عام

    نفتخر ونقول نحن عيال زايد ... وزايد ع صدورنا أعلى وسام




    ديوان الشاعرة مطلع الشمس
  7. *مزون شمر*
    11-02-2009, 06:12 PM

    ديوان الشاعرة مطلع الشمس


    ديوان الشاعرة مطلع الشمس


    قلايد

    قلايد جبتها من بحر فكري ... وصاغتها حروفي لك قلايد

    لاجل عينيك يا شمسي وبدري ... أسجلها وأدونها قصايد

    ترافقني مثل ظلي وعمري ... وتكتبني بيسري والشدايد

    يحركها غرام وحب عذري ... أقلل قيمته وألقاه زايد





    ديوان الشاعرة مطلع الشمس
  8. *مزون شمر*
    11-02-2009, 06:14 PM

    ديوان الشاعرة مطلع الشمس


    ديوان الشاعرة مطلع الشمس

    مثل المطر


    أقبلت تمشي ومشيتها كنه الخيل ... ترفل وابوها بالمعزه حماها

    مثل المطر شفافة كنها سهيل ... أو وجنة القمرا بعالي سماها

    مزيونة فيها النواعس مظاليل ... كن الليالي ماخذه من مساها

    شفافة الخدين في غنجها تميل ... كن النسايم ميلتها معاها

    وجناتها تشبه ورود الأكاليل ... ورده نديه والبنفسج شذاها

    دانه ثمينه ما لها من مواصيل ... تسبي العقول ونايف مستواها

    الله ايحفظها باليسر والتساهيل ... في عز ابو زايد وتبلغ مناها

    سكنتها في القلب واحبها حيل ... ودي اكحل ناظري بملتقاها




    ديوان الشاعرة مطلع الشمس
  9. *مزون شمر*
    11-02-2009, 06:16 PM

    ديوان الشاعرة مطلع الشمس


    ديوان الشاعرة مطلع الشمس

    هلا وغلا


    هلا وغلا يا بعد روحي ... يا مرحبا يا بعد كل حي

    طلعتك تبعث لي شروحي ... يا نور عيني وسحر الضي

    حبك بقلبي بنى صروحي ... في وسط قلبي وليه لي

    انا متيم ومجروحي ... وانته النسخ والهوا والفي

    يا قمر ليلي ومربوحي ... نروك يضوي بكل الحي

    فرقاك تارث لي جروحي ... ارحم غريم الهوى يا خي

    اشتاق لك وانت بنزوحي ... شوق الصحاري لشوق المي

    يا ليت لي طيفك يلوحي ... لانك معي راحتي وكل شي




    ديوان الشاعرة مطلع الشمس
1234