ضحكو تحشيش عراقي

اجمل نكت مضحكة - اضحك على سوالف الشباب والبنات ارسال إلى Twitter ارسال إلى facebook
  1. الأسدي
    27-01-2009, 08:18 AM

    ضحكو تحشيش عراقي

    ضحكو تحشيش عراقي


    ضحكو تحشيش عراقي
    زوجه قالت لزوجها اريد تكلي شي حلو قال الها بقلاوة

    قالت له لا اريد شي يهزني قال الها مرجوحه

    قالت له اريد شي يحسسني بالامان قال الها حرس وطني

    قالت له اريد شي يحسسني اني زوجتك قال الها انتي طالق

    زوج كال لزوجتة الحياة صايرة مثل حديقة الحيوان! كالتلة ليش ؟ كللهة اكوم من النوم مثل الحصان واروح اشتغل مثل الزمال وارجع بلليل الهث مثل الجلب واخرتها انام ويا هايشة

    محشش سألو شنو احلى صدفة بحياتك؟ قال امي وابوية أزوجوا بنفس اليوم

    ام اربعه واربعين تزوجت ابو اربعه واربعين... كضوا ليلة الدخله كلها بس نزع قنادر

    واحد يصلي بجماعه وچان أكو نسوان همينه يصلن.. المهم كال ولا الضالين ردو امين ..كال :أروح فدوه لهل الصوت

    محشش يحجي ويه نفسه : ضفدع بالماعون لأ . تمساح بالبانيو هم لأ .. سلحفات بالسطل لأ . أحسن شيئ اخابر على الدكتور واساله : دكتور شنوكتلي مرضي ؟ كال سرطان بالحوض

    عراقي واكف على بير زمزم كال اخوان بلا جليكانات لا تخلونا نسويها فردي وزوجي .

    تخيل حديقه بدون حشيش وكبه برغل بدون جريش ودجاجه بدون ريش واني بدونك شلون اعيش

    واحد كالوله شنو أصعب موقف بحياتك؟.. كال من ازين لحيتي وأني اعلج



    غبية قرت بجواز رجلهه مكتوب( رجل اعمال) كالت سواهه الكلب واتزوج عليه

    بخيل كالوله: اذا بردت شتسوي؟ كال: ادني الصوبه يمي.. كالوا: واذا بردت حيل؟ كال : ادنيهه يمي حيل.. كالوا: واذا بردت حيل حيل حيل؟ كال اضطر اشعلهه

    امام مال جامع ديخطب بناتكم يحملن الموبايل...بناتكم يحملن الموبايل...هل تعلمون ما يفعلن بالموبايل..انهن يتصلن بالحبيب .. الناس ردت صلى الله عليه وسلم

    واحد من الناصرية إسمه رزق الله صار عنده ولد سماه كاطع

    واحد بخيل راح يخطب كالوله المهر عشرة الاف كال اشدعوة لكيت بالفين وحامل

    واحد كال للثاني اشو اليوم طولت الاخبار كله يمكن هاي الحلقة الاخيرة

    وحدة سلمت على واحد شايب كالتله شلونك حجي كلها اني مرايح للحج اني رايح للعمرة كوليلي هلو عمري

    وحدة كالت لامها دا اتصل بزوجي ومدا يرد اخاف يطلع متزوج ردت الام :ماما تفائلي بالخير يجوز صار انفجار ومات

    اكو واحد سوداني وكفوا السيطرة كالولة انتة سوداني كال لا اني لبناني مضلل

    محشش طلعله جن باليل مجان حافظ شي من القرأن غناله طلع البدر علينا

    واحد محشش كال للبصفه هم محشش ادنه دا اكعد جاوبه ذاك كله ادنه تحت اقدام الامهات

    محشش اشترئ لامه عصفورين واحد بس يغرد والثاني ساكت كلتله ليش ساكت هذا كلها هذا الملحن .

    عجوز شافت جني كالت اعوذ بالله منك ومن شكلك ...كاللها:شلونج انتي عاد ليلى علوي

    واحد بالخارج دز ببغاء هدية الى زوجته بعد فترة اتصل بيها وسألها شلون الببغاء قالت له عادي نفس طعم الدجاج

    حشاش حط عبوة ناسفة على الطريق العام فات الرتل ورة(3) دقايق يلة انفجر ليش؟؟؟ خال جهاز حماية

    قال علي كيمياوي للاكراد سوف اقتلكم واحد واحد , قالوا الاكراد واحد واحد عطلة راس السنة

    واحد مصلاوي راح للدكتور يشلع سنة كلة ابيش كلة الدكتور ب2000 كلة المصلاوي اطيك 500 بس اترخية

    مرة بخيل خطفوا ولده و كالوله ادفع 10000$ كال تطعموة كالوا نعم كال تشربوة كالوا نعم كال تنوموة كالوا نعم كاللهم تعالوا وخذوا ابني الثاني هم

    قال الشاعر الحشاش .. حبك يابعد الروح سوالي مشاكل اشوي كباب يطلع فلافل ..اربي دجاج يطلع بلابل ..اعيط ابفاتحه تطلع هلاهل

    محشش احترك محله , كالوله : خو ماخسرت هوايه ؟؟ كال : لا .. الحمد لله جنت مسوي تنزيلات

    حشاش اشترة تنكر مال مي راح للخطاط كلة اكتبلي علية جاسم للشرب الخطاط كلة بابة شنو هالحجي مترهم الحشاش كال لعد ليش صالح ابن عمي من اشترة التنكر كتب علية صالح للشرب


    محشش سألوه شنو أقدم حيوان قال الحمار الوحشي قالوا ليش ؟ قال لانة أسود وأبيض
    اشوفك ادوخ اقترب منك انسطل المس ايديك افقد الوعي دخيلك........فوت اسبح

    واحد جان راح يتسلب و ديرجف وميت من الخوف ديحجي سالفة : ما اطولك السيارة صعدنة بالسالفة رحنة لشفق النرطة لكينة لاندكلوب مكروزة يالوسطة الجزرية . شكد مات ناسو

    دزيتلك سلامي وغلفته بغرامي ...واذا ماوصلك المسج ترة الياهو حرامي
    كردي لازمله ثلجايه ويكول: والله أموت لو بس أعرف منين مزروفه؟

    * دليمي كللوله: شنو رأيك بالدوندرمه؟ كلهم: والله طيبه بس الكلاص شويه يسوي عندي جالي.

    * دليمي معزوم بعيد ميلاد من خلصت الحفله كللهم:ياجماعه عود باجر عيد الميلاد عليه.

    * واحد من الناصريه طب للجنه قفل الباب وراه.

    * دليمي ديمشي عالجسر ويكول: أيباه غير بالكونه ضخمه!!

    * ناصريه يسبح بالشط ويندعي: يا إلاهي لاتفطسني لخاطر المرهوالفريخات..صديقه سمعه كال له: لك يامره يافريخات؟جا إنته يمته متزوج.. ناصريه غمزله وعض له شفه.

    * كردي يم صاحبته دك عليه الموبايل ..طلعت مرته.. كال عجيب شمدريهه أني هنا؟
  2. *عبير الزهور*
    17-10-2010, 05:20 PM

    رد: ضحكو تحشيش عراقي

    ضحكو تحشيش عراقي


    هههههههههه
    يسلمو
  3. قريبا منها
    17-10-2010, 05:31 PM

    رد: ضحكو تحشيش عراقي

    ضحكو تحشيش عراقي


    هههههههههههههههههههههههههههههههههههههه

    على الرغم ان بعضها قديم لكن ضحكت كثيرا

    اضحك الله سنكم
  4. عاشق دمعتي
    19-10-2010, 09:19 PM

    رد: ضحكو تحشيش عراقي

    ضحكو تحشيش عراقي


    ههههههههههههههههههههههههه
    يسلمو
  5. صمت الشقاء
    19-10-2010, 10:30 PM

    رد: ضحكو تحشيش عراقي

    ضحكو تحشيش عراقي


    يسلمو
  6. *دلع عراقي*
    19-10-2010, 10:40 PM

    رد: ضحكو تحشيش عراقي

    ضحكو تحشيش عراقي




    هههههههههههههههههههههههه

    حلوة ..

    مشكورة .,

    صدك ضحكت من قلبي