قصيدة الهجن - فزاع

ديوان الشاعر حمدان ال مكتوم - فزاع ارسال إلى Twitter ارسال إلى facebook
  1. *مزون شمر*
    24-01-2009, 01:02 PM

    قصيدة الهجن - فزاع

    قصيدة الهجن - فزاع


    هلا ويا مرحبا باللي
    تنير بشوفهم الأوطان
    لفوا من دار مصيونه
    وحلوا دار مصيونه
    هلا حي الكرام اللي
    لهم قدر ومقام وشان
    هلا وسيوفنا بالسبق
    قبل السبق مقرونه
    نحن بضيوفنا نفرح
    ونرفع شارات الميدان
    تنومسنا خيار الهين
    و الشارات مضمونه
    لهم سقنا من الهين
    الأصايل غاليات أثمان
    عسى إن الجو قبل
    العاصفه يغريهم سكونه
    نقدم كل ظامر فوق
    لها تسمع صفير الجان
    نهار السبق مسكونه
    ولو ما هي بمسكونه
    تقول الأرض تحت أقدام
    ماها شعله من النيران
    يسابقها النظر واللي
    نظرها تسبق عيونه
    اذا مدت قدمها خيل
    واذا ما دربت سرحان
    واذا فزت شرا ظبين
    وثب والليث من دونه
    لها التاريخ يشهد قبل
    لا يشهد لها العربان
    وهي في السلم ميمونه
    وهي في الحرب ميمونه
    انا اهدي السبق الى خليفه
    بن زايد بن سلطان
    والى محمد بن راشد
    ولي منهم يودونه
    وأنا نصي من المكتوم
    ونصي الثاني نهيان
    وروحي لأجل داري
    حزة الفزعات مرهونه
  2. أروى
    19-07-2009, 02:09 AM

    قصيدة الهجن - فزاع


    يسلموووووو على القصيده الرائعه