قصيدة اتصالات الغلا - فزاع

ديوان الشاعر حمدان ال مكتوم - فزاع ارسال إلى Twitter ارسال إلى facebook
  1. *مزون شمر*
    23-01-2009, 08:03 PM

    قصيدة اتصالات الغلا - فزاع

    قصيدة اتصالات الغلا - فزاع


    كل اتصالات الغلا في خافقي مشبوكة
    لاني اتصلت بخافقك وانت تبي تشبكني

    واكثر احاسيسي للجنة خافقك متروكة
    وكأنك متنك لاتزيد الهم وتنكني

    ضمك خفوقي مثل ماضم الفضاء مكوكة
    واقفيت مثل الغول والعنقاء والا السكني

    اللي من اول احسبلهم في الحياة اضحوكة
    لين عرفتك يامعذبني ويامربكني

    تجارب الايام منها مهجتي معروكة
    عركت نفسي ياحبيبي قبل ماتعركني

    أفكر بعقلي وخطة سيري المحبوكة
    واعالج الايام وادركها قبل تدركني

    يابرك ردي العزم من حمله لو انه شوكة
    وانا ثقيل الحمل في كتفي ولا بركني

    واذا لقيت ابواب حبك يالغلا مصكوكة
    ماني بكاشف سدي لخلق الله الا بكني

    ترى مصابيح السحر تحت يدي مفروكة
    وانا ماني بمصباح لاجل انك تجي تفركني

    لي محزما ماهو يلين وبندق مفلوكة
    مشاعري مترابطة وايشلون بتفككني

    ومن كثر تصريحاتك اللي في الغلا مشكوكة
    حتى الهبوب الي تحرك توبك تشككني

    ومن يوم شفتك تنسجي عذر الردي وتحوكه
    وانا مقرر اتركك قدام ماتتركني

    لو كل غاية تشتهيها نفسنا المدروكه
    كان ادرك الراعي طموح الشيخ يامهلكني

    يفداك عدد ماتمتلك جيوب الي عشقك وبوكه
    هاذي مقولة كثر ماردتتها تضحكني

    انا ملك عاشق ونفسي في الغلا مملوكه
    املك قلوب المرهفين وطيبها يملكني
  2. أروى
    19-07-2009, 02:34 AM

    قصيدة اتصالات الغلا - فزاع


    يسلموووووو على القصيده الرائعه