اسبوع مر ولا وصل منك مرسال

الشعر, قصيدة , شعراء, القصايد ارسال إلى Twitter ارسال إلى facebook
  1. بسمة فجر
    22-01-2009, 06:22 PM

    اسبوع مر ولا وصل منك مرسال

    اسبوع مر ولا وصل منك مرسال


    أسبوع مر!!ولا وصل منك مرسال
    ياقو قلبك كيف تقاطعني أسبوع؟!


    الجوع كافر!وانت ماترحم الحال
    وانا عليك من الوله ميت جوع


    يالي غيابك صعب يطري على البال
    تركتني ضايق وحاير ومفجوع


    ماكني الا: شايب فاقد عيال
    وماكنك الا:محرم حق مشروع!!


    يفوع لك قلبي ليا مر الأطلال
    ياليت مالي قلب يشتاق ويفوع


    حسبي عليك شلون قطعت الأمال
    باموت لاصار الأمل فيك مقطوع


    ياصاحبي ماكل نزال رحال
    انت الحيا من وين مارحت متبوع!!


    نسياني لزول بالاعماق يختال
    اصعب على صاحبك من حبة الكوع


    لو الثمن في شوفتك عمر رجال
    كان الثمن من يوم ماغبت مدفوع!!


    ولو القدر ماتم قوله ليا قال
    ماضاق صدر ولانحنى راس مرفوع


    ياصاحبي عشقتني فعل وخصال
    وانا عشقتك شعر واحساس وطبوع


    وشلون تتركني كذا لاشهب اللال
    وقدام عيني تجف ينبوع 00ينبوع!!


    وانا عشانك جيت والغيم همال
    اسيل الوديان واداحم جموع


    ماردني عنك سواليف عذال
    تزعل علي ربوع وتقدر ربوع!!


    كان المهم اعيشك جنون ووصال
    ويكون لي كلمه ولي راي مسموع


    واليوم ضاقت بي من الجال للجال
    فرقاك تقصم ظهر وتحز وتلوع


    لوجيت شفت الحال ماسرك الحال
    في غيبتك ضايق وحاير ومفجوع!!



    هذا غياب اسبوع وشلون لو طال
    طالبك00لايطول غيابك عن اسبوع!!






    م
    ن
    ق
    و
    و
    ل
  2. فيصل الشمري
    22-01-2009, 06:27 PM

    اسبوع مر ولا وصل منك مرسال


    بسمه يسلمو على الابيات الرائعه
    لاهنتي على النقل الجميل
    بانتظار جديدك لاعدمناك
    دمتي بخير
  3. meme
    22-01-2009, 06:36 PM

    اسبوع مر ولا وصل منك مرسال


    الصراحه مررره عجبني ماشاء الله عليك
  4. حنووووووووون
    22-01-2009, 07:05 PM

    اسبوع مر ولا وصل منك مرسال


    روووووووووووعة هذه الأبيات لاحتوائه على معاني بسيطة وملموسة

    سلمت الأنامل
  5. مجروحه وتنتظر من يداويها
    22-01-2009, 10:22 PM

    اسبوع مر ولا وصل منك مرسال


    يسلموووووووووووووووووووووووو


    ع النقل الرائع


    بانتظار جديدك
  6. بسمة فجر
    23-01-2009, 05:12 PM

    اسبوع مر ولا وصل منك مرسال


    يعطيكم العافيه يسعدني انها اعجبتكم وشرفني مروركم
  7. بسمة فجر
    23-01-2009, 05:13 PM

    اسبوع مر ولا وصل منك مرسال


    يعطيك العافيه تسلم اخوي