قالت امسك ريشتك

الشعر, قصيدة , شعراء, القصايد ارسال إلى Twitter ارسال إلى facebook
  1. الحنـ** كويتيه **ـــــين
    23-05-2006, 11:01 PM

    قالت امسك ريشتك

    قالت امسك ريشتك


    قالت امسك ريشتك خل الشعر

    ارسم اللي شوقها موج البحر

    حرك الريشه على شوف النظر

    وبوقف قبالك على طول النهار

    قلت أبرسم لوحة فيها بحر

    وفيها ليل وفيها نور بلون نار

    وشاطي ودي ماوطي فوقه بشر

    والف حارس يذبحون اللي استجار

    وفيها ورد إستحي منه الزهر

    وفيها سيف مايبي ريح الغبار

    وفيها ثلج بجوف شمس استقر
    قالت ارفض كل أنواع الفكر

    ما طلبتك شمس وحراس وبحار

    ابغي ترسمني انا دون الصور

    مطلبي واضح و لا عندك خيار

    قلت عندك يا أجمل أحلامي خبر

    انك انتي من خيالات المدار

    وانتي كذبه بعت لك كل العمر

    فيك حلمي جاوز أحلام الصغار

    انتي رسم شدله فكر النظر

    قمت أهوجس واتخيل باختصار

    كنتي لوحه ثم نزلتيلي حدر

    ثم حكينا ثم رجعتي للجدار
  2. بدوي ذوق
    25-05-2006, 07:54 PM

    قالت امسك ريشتك


    أسلوب رائع في الكتابة
  3. جريح الغدر
    27-05-2006, 01:11 PM

    قالت امسك ريشتك


    تسلم يالحنين كلام مشدود بالروعه والوصف الجميل
    (كنتي لوحه ثم نزلتيلي حدر00ثم حكينا ثم رجعتي للجدار)
  4. الحنـ** كويتيه **ـــــين
    06-06-2006, 10:06 AM

    قالت امسك ريشتك


    تسلمون مروركم الاحلى... دلووووعه