قصيدة محكمة الحب - فزاع

ديوان الشاعر حمدان ال مكتوم - فزاع ارسال إلى Twitter ارسال إلى facebook
  1. *مزون شمر*
    18-01-2009, 11:10 PM

    قصيدة محكمة الحب - فزاع

    قصيدة محكمة الحب - فزاع


    سألت جفني ليه ياجفن ماتنام

    قال اسأل القلب الشقاوي لعله

    يجاوبك لانه هالايام منضام

    سألت قلبي قال الاحساس خله

    واسأل زمانك لانه اسباب الالام

    رحت اسأله شفت الزمن فيه عله

    والأسئلة تشبه تفاسير الاحلام

    والحلم ما تقدر تفسره كله

    وان الليالي والثقافة والالمام

    اقول لنجوم السما والاهله

    ماترفع الشاعر محطات الاعلام

    ولا الصور على غلاف المجله

    مايرفعه الا مقامه ليا قام

    في موقف ما كل رجل يحله

    والصحف لو جفت ما جفن الاقلام

    سمع قلوب الحاسدين المغله

    وانا قبل عامين والا قبل عام

    والشعر سيف لاتضايقت اسله

    اركب الفكره على حسب الالهام

    واخاف من بيت يجي فيه زله

    والارض ضاقت كره والعالم اقسام

    ولكل قسم بين الاقسام مله

    ولا صار وضع الناس ما بين الايام

    بين المجامل والحياة الممله

    ودي اكون دولة دون حكام

    الحب يحكمها وهي مستقله

    ماحب ابدي راي او اخذ احكام

    قبل اطلع على جميع الادله

    سياسة المتسيد القائد العام

    اللي يقتدره الزمان بسجله

    ابوي عون الجار وضعاف الايتام

    اللي يفز لهم لاجوه ف محله

    الله يعز اللي يعزون الاسلام

    والله يذل اللي يحب المذله
  2. أروى
    19-07-2009, 02:40 AM

    قصيدة محكمة الحب - فزاع


    يسلموووووو على القصيده الرائعه