قصيدة امجاد الجدود - فزاع

ديوان الشاعر حمدان ال مكتوم - فزاع ارسال إلى Twitter ارسال إلى facebook
  1. *مزون شمر*
    13-01-2009, 07:13 PM

    قصيدة امجاد الجدود - فزاع

    قصيدة امجاد الجدود - فزاع


    هذه القصيدة مهداه الى اخوه سمو الشيخ مايد بن محمد بن راشد ال مكتو م

    بمناسبة حصوله على سيف الشرف والمركز الاول
    وتخرجه في اكاديمية ساندهيرست العسكريه الملكيه البيرطانيه










    في ظل من يسجد لجاهه عبيده
    والاعمار تمضي والليالي مقيمه

    واللي يقول اللي خذ المجد بيده
    المجد مايوخذ بليا عزيمه

    سلام ينبض بالفخامه وريده
    كله علو وفيه قدر وحشيمه

    ينصاك ياشبل الاسود العنيده
    يا ابن الكريم ويا سلاله كريمه

    (مايد) مليك المجد, والمجد عيده
    علاقته مع التقدم .... حميمه

    يذخر بالاعجاز الخيالي رصيده
    بفضل من يحيي العظام الرميمه

    فريد وانجازات فعله فريده
    عظيم ويحب الفعول العظيمه

    حثيت رجلك والمسافه بعيده
    والعقل ناضج والجوارح سليمه

    خطوه فدائيه ... وخطوه سديده
    طولت في الغيبه وجبت الغنيمه

    الناقص بفعله فعولك تزيده
    والزايد فعوله معك دون قيمه

    مالك شبيه وكل فعل تجيده
    قلي من اللي يقول بأنك خصيمه

    وشلون احفر فكرتي في قصيده
    وابوك من مجده على متن غيمه

    لكن ... تأكيد العلوم الاكيده
    يحتاج له شهادة مستقيمه

    قررت انشرها بوسط الجريده
    لاجل يغنيها السحاب ونسيمه

    في كل عام تجيب فرحه جديده
    وتكمل امجاد الجدود القديمه

    السيف في إيدك عبد يخضع لسيده
    ويدك تزيد السيف رونق وقيمه
  2. أروى
    19-07-2009, 02:47 AM

    قصيدة امجاد الجدود - فزاع


    يسلموووووو على القصيده الرائعه