12

مرثيات في الشاعر فيصل الرياحي البقمي

الشعر, قصيدة , شعراء, القصايد ارسال إلى Twitter ارسال إلى facebook
  1. عاشق وتايب
    09-01-2009, 12:06 PM

    مرثيات في الشاعر فيصل الرياحي البقمي

    مرثيات في الشاعر فيصل الرياحي البقمي



    السلام عليكم


    اخواني وخواتي احسن الله عزاكم في الشاعر الاسطوره فيصل الرياحي البقمي

    الذي اعتزلو بسب وفاته الكثيرا من اشعار الكبار والذي ابكى الجميع بوفاته

    اعتزلوووو لن اشعر بعد ابو بدر ليس لهو طعم او لون


    وانا احاول ان اجمع جميع القصايد التي كتبت في اراحل ابو بدر

    واتمنى من الجميع بالمشاركه

    وقريبن سوفا يصدر ديوان بالمرثيات التي كتبت فيه



    الله يرحمك يابو بد ويسكنك فسيح جناته




    يا لساني ينطق القلب باشعوره
    والعيون تهل ( منها ) عبايرها
    يا هجوس الشعر مانتي بمعذوره
    والمشاعر ماش عذر يعذرها
    يا قصيدي هات بالصوت والصوره
    فاللوزام وقفتك مانت ذاخرها
    يا وجودي نفس الانسان ماموره
    في يد اللي خالق الخلق وامرها
    يا وجودي راية الحزن منشوره
    ويا وجودي عد ما هل ماطرها
    غاب نجم سهيل والناس مذعوره
    بالغياب انفوسنا الله يصبرها
    غاب سيف العز والشعر وابحوره
    غاب من روحه على الطيب سخرها
    غاب منهو ناخذ الشور من شوره
    سيف عز للبقوم وماثرها
    العصا من عقب ( ابو بدر ) مكسوره
    الله اكبر كيف نقدر نجبرها
    شاعر في الشعر دكتور واسطوره
    والمواقف ذكر ( فيصل ) يعمرها
    سمعته بالطيب والخير مذكوره
    سيرة الابطال كل يدورها
    والقبيله تبكي الرمز ماجوره
    وتربه تنعى ولدها وشاعرها
    والقبايل في المواجيب مشكوره
    وقفة اهل الطيب لا بد نشكرها

    وسلامتكم


    الشاعر سعد البقمي
  2. ملآمَح مَلكيًةُ
    09-01-2009, 12:11 PM

    مرثيات في الشاعر فيصل الرياحي البقمي


    تسلم يمينك على هلشعر الأكثر من رائع





    تقبل مروري
  3. عاشق وتايب
    09-01-2009, 12:12 PM

    مرثيات في الشاعر فيصل الرياحي البقمي


    الظلم في غزه, وموت الرياحي



    عاجل:

    رحم الله فيصل الرياحي وموتانا وموتى المسلمين.. امين

    مشاركه مستعجله لاتعبر عما في القلب فما في القلب أكبر وأعبر:




    أكبر حزن خيم بعام الثلاثين!
    ,,,,,,,,,,,,,,,,, الظلم في غزه, وموت الرياحي

    يارب يامعبود تنصر فلسطين
    ,,,,,,,,,,,,,,,,, وترحم فقيد المرجله والكفاحي

    صباح يوم السبت.. ذقت الامرين
    ,,,,,,,,,,,,,,,,, وش هالخبر؟..وش هالحزن ياصباحي؟

    مرحوم يامذكور في العسر واللين
    ,,,,,,,,,,,,,,,,, ذكره بطيب,وعز,وامجاد..فاحي

    ابو بدر غالي ومن قوم غالين
    ,,,,,,,,,,,,,,,,, اظهور السواني, موردين السلاحي

    جيره,وصحبه سايره في الشرايين
    ,,,,,,,,,,,,,,,,, وانساب واعنوه..ووصل مباحي

    وفيصل صديق..وله بقلبي عناوين
    ,,,,,,,,,,,,,,,,, ماغيرت فيها هبوب الرياحي

    يابو بدر والله ماحنا براضين
    ,,,,,,,,,,,,,,,,, لكن حمام الموت بالغصب ناحي

    يامال جنة خلد بين الكريمين
    ,,,,,,,,,,,,,,,,, اهل السعد,والدين,والانشراحي

    ويحسن عزا ربعك كعام المعادين
    ,,,,,,,,,,,,,,,,, واهلك,واعيالك..وماراح! راحي


    واختامها.. ننعاك والدمع في العين
    ,,,,,,,,,,,,,,,,, ونلقاك يافيصل في بدر الرياحي



    الشاعر عبد الرزاق الذيابي
  4. ~(فجر الأمل)~
    09-01-2009, 02:24 PM

    مرثيات في الشاعر فيصل الرياحي البقمي


    القصيده روووووعه...
    والله يرحم فيصل ويسكنه الجنه....
    تقبل مروري...
  5. عاشق وتايب
    22-01-2009, 02:51 PM

    مرثيات في الشاعر فيصل الرياحي البقمي




    حزن من الخرمه تزبر مخيله
    سند لدار مكملين المعاني

    على تربه صقعه ووقعه وسيله
    وصواعقه تنسد عنها الاذاني

    يبكون اهلها اليوم الاسود وليله
    حزن على فرقا عريب المجاني

    فجيعة على القبيله مهيله
    لانهد حصن من حصون المباني

    أأأواه يافيصل ونعم الفصيله
    سعد الرفيق وسعد من جاه عاني

    هاك الحصان اللي ينومس صهيله
    اللي مامثله فالمحافل حصاني

    اللي لياقابل عميل عميله
    يضرب بحد السيف والعمر فاني

    والله لنبطي مالقينا بديله
    ووالله لنبطي من غيابه نعاني

    عساه في جنات عدن الظليله
    ينعم ويهنى في نعيم الجناني

    اخذ من الدنيا العلوم الجميله
    الوجه الابيض وانطلاق اللساني

    وشجاعة يندر بها بين جيله
    يشهد بها لاذكر قاصي وداني

    تنكس له اعلام العلوم الاصيله
    المرجله والمعرفه والمعاني

    احد مايونس حزنه الا الحليله
    ماهوب لاهادم ولاهوب باني

    واحد مثل فيصل يشيل الثقيله
    يبكي على موته ربوع وعواني

    وعين ماتبكي موت فيصل بخيله
    ابو بدر حلو النبا المرحباني

    والله ماكنه من اقصى القبيله
    ماكنه الا واحد من خواني



    الشاعر سعود الدهيمي
  6. عاشق وتايب
    23-01-2009, 03:11 AM

    مرثيات في الشاعر فيصل الرياحي البقمي


    لاوالله .. الا غاب عن قبة الليل
    نجم البقوم اللي رفيع مكانه


    نجم طلع مع مطلع الجدي وسهيل
    حتى إعتلا .. في قمة المجد شانه


    فيصل ولد منصور عذب التماثيل
    طلق الحجاج اللي طليق لسانه


    حر شهر بين الحرار المشاكيل
    نار على قمة علم في زمانه


    من لابة في كل موقف حلاحيل
    تفوقوا .. بالمرجله والذهانه


    مثله نعزي فيه كل الرياجيل
    أهل الوفا وأهل الشرف والامانه


    ومثله علاه الدمع يذرف هماليل
    عبرة حزن .. ماهيب عبرة مهانه


    كبر المصيبة ينهك العزم والحيل
    الله يجيب الصبر .. والاستعانه


    ولانقول الا من الحق ماقيل
    مابه على الدنيا .. قرار وضمانه


    والله ماننساه جيل بعد جيل
    الشاعر القرم الشجيع التكانه


    كل شهد له بالوفا موفي الكيل
    والطيب والطاله وحسن الديانه


    خلد بشعره للمواقف تفاصيل
    جزل المعاني مع فصاحة بيانه


    والذكر خالد فالسنين المقابيل
    يامال جنة خلد .. واعلى جنانه


    واما بدر والله مايشكي غرابيل
    وحنا بني عمه .. وحنا اخوانه




    الشاعر.. محمد بن راشد
  7. عاشق وتايب
    23-01-2009, 03:30 AM

    مرثيات في الشاعر فيصل الرياحي البقمي


    الشعر عيا يطاوعني و حزنه شديد
    الله يحسن عزانا و أحسن الله عزاه


    فاللي على الشعر و الشعار يحسب فقيد
    و سكن قلوب الرجال أهل المروه غلاه


    فيصل و فيصل على الساحات ما هو جديد
    شاعر مخضرم من الماضي سمعنا صداه


    من فكر واسع قوي ينحت بيوت القصيد
    وقته و جهده لتصخير المعاني عطاه


    يشهد له اللي قريب من العرب و البعيد
    الأرض ميدان شعره و المعاني سماه


    بحر من الشعر كم واحد منه مستفيد
    يساعد المبتدي و يعلمه عن خطاه


    قيم شعر فالمنابر و الدليل الأكيد
    بمسابقة شاعر المعنى و كل راءه


    غاب الرياحي عن الدنيا و خلف رصيد
    في كل قلب عرف شخصيته ما نساه


    ما نملك إلا الدعاء و الا الحزن ما يفيد
    عساه في جنة الفردوس بأمر الإله


    هذي مواساه تعلن بإسم الاد الجعيد
    للشعر كله و ربعه كلهم و اصدقاه




    الشاعر عيد الجعيد
  8. عاشق وتايب
    23-01-2009, 11:27 AM

    مرثيات في الشاعر فيصل الرياحي البقمي


    يازمان التعاسه والشقا والهموم
    ماحد من غرابيلك وجورك مجار


    تاخذ الطيبين ولاتعاف الرخوم
    كل مخلوق فالدنياتحطه دمار


    كل يوم تفاجينابضرب السهوم
    والنقايص رجال ماعليهم خيار


    مات فيصل وبعده ماتفيد العلوم
    ماتساوى لابن منصورفيك المسار


    يالله انك بعفوك يالغفورالرحوم
    ترحمه وتغفرله في ديارالقرار


    ماتدوم الحياه وعزها مايدوم
    حلمها ينتهي في ليل واللا نهار


    احسن الله عزاء وازع وكل البقوم
    واحسن الله عزاء الشعارفي كل دار


    واحسن الله عزاء العراف لما لموم
    واحسن الله عزاء اهل الطيب واهل الوقار


    واحسن الله عزاء الجاوي وسلم القروم
    واحسن الله عزاء البن الخضروالبهار


    واحسن الله عزاء صف جداه الضيوم
    كيف يطرب ويصفق باليمين اليسار


    في فقيد رسم بالشعرعدة رسوم
    رسم حكمه وذوق ورسم للافتخار


    ياسم الشرد ويصيرالنزاع محسوم
    ويحكمهن ويضفي فوقهن الخمار


    قاضي الشعروسمه غيركل الوسوم
    مانهج نهج ابن لعبون واللا نزار


    منهجه عن مناقيد الرجال محشوم
    من فحول المعاني ماسلب واستعار


    كل ماطب سوق فيه بيع وسوم
    ينتقي من ثمينات البضايع جهار


    شاعر فالملاعب مثل بحر لطوم
    بين مده وجزره ساحله مايزار


    دون ربعه يقوم ويرتكي للخصوم
    وأن عطوه الكباريشوفهنه صغار


    يحتمي ماقفه دفاع واللاهجوم
    ماتعذربعذرمكثرين العذار


    فالمواقف لياشان اللغا فيه زوم
    يعتبر صدة عن لطمة الخصم عار


    والبنادم عن الاخطا ماهوب معصوم
    والرياحي وصوفه ماعليها ستار


    بالكرم والشكاله والسطر والعزوم
    والنقا والحميا للقبيله شعار


    من ظهورالسواني طيبين السلوم
    متعبين النضا مرذين قب المهار


    يوم رد البرا مابين قوم وقوم
    كم حريب غزوه وقنعهوه الكرار


    وكم قطيع غدوبه في نحاهم قسوم
    عزلوفالمحاوي فطره والبكار


    واخلصومع معزي يوم شن الهجوم
    من حدود الكويت لياضواحي ذمار


    لين وحد على القرأن شمل العموم
    واستتب الامان وماتمناه صار




    الشاعرسعدون بن فهد بن عقاب الهرس العتيبي
  9. عاشق وتايب
    23-01-2009, 11:37 AM

    مرثيات في الشاعر فيصل الرياحي البقمي


    أعزي دموع العين في موتة العملاق
    وأعزي جماهيره وأعزي محبينه


    وأعزي هل الموروث من داخل الأعماق
    وأعزي حضوره وألسنته ودوواينه


    وأعزي صفوف اللعب والحبر والأوراق
    وأعزي الشعر مفجوع وأنعى ميادينه


    وأعزي البقوم وثغرة الفقد ما تنطاق
    وأعزي القبايل من تهامه ليا لينه


    وأعزي الخليج وثومة الكبد بالمعلاق
    وأعزي وأنا أدري الأدمي ويش في ايدينه


    على فيصل العبره تزاحم ولا تنساق
    يا قو المصاب اللي كلتنا سكاكينه


    فجيعه وهشمة عظم والكون فينا ضاق
    يا وين اتونس والخبر صر لي عينه


    عسى قبره المرحوم يفتق له البراق
    ويذرف دموعه لين تنبت رياحينه


    فراق المنايا لا بكينا صحيح فراق
    وكل يذوق الموت لو طالت سنينه






    وسلامتكم ...

    الشاعر عبدالرحمن السمين
  10. عاشق وتايب
    23-01-2009, 11:42 AM

    مرثيات في الشاعر فيصل الرياحي البقمي


    ياناس غطوا ساحة الشعر بلحاف
    حتى تخف مضمدات الجراحي


    لفوا على الكسر المغمد بلفاف
    كي لايسبب للكبود انجراحي


    لاواخسارة كل من يصخر القاف
    وكل امتذوق للقصيد ابنصاحي


    بالشعر اعزي كل مدرك وعراف
    في اربعة اشاوز من صقور الفلاحي


    مات الثبيتي وابن باتل وصياف
    واليوم لحق السابقين الرياحي


    إللي لهم في ساحة الشعر ميقاف
    وأصحاب مبداء في جميع النواحي


    أساتذة رمز المعارف والاعراف
    ومكملين أعمالهم بالنجاحي


    والموت حق ولا عن الحق محراف
    لكن حي على التقى والصلاحي

    الشاعر علي السبيعي
12