حلم الفقير .. منقووله

حلم الفقير

--------------------------------------------------------------------------------

ناسٍ توفر لقمة العيش بالدين وناسٍ مفارشهم حرير النعامه
وناسٍ مطالبهم كثير الملايين وناسٍ مطالبها الستر والكرامه
وذكرىً تهز القلب وتبكّي العين وذكرىً تمر إبنا مرور السلامه
ودمعٍ ذرف من جاير البعد والبين من حرقته في لجون خدي علامه
دمعٍ ذرف من حر فرقى المحبين دمع الغرير اللي ماكمل فطامه
وصمت الرحيل اللي فقدناه يومين الله علم ينزاح عنّا ظلامه ؟!
وحلم الفقير اللي له ايام وسنين ماضنتي بيصير حتى بمنامه!
ماهوب حلم املاك ولا بلايين ولا هوب حلم هياط ولا زعامه
حلمٍ حلمته وأحلمه حد هالحين والظاهر اني بحلمه للقيامه
حلمٍ غرس في صدر الاحلام سكين حلمٍ حلمته فوق متن الغمامه
حلمٍ حلمته في رجاء داعج العين اللي قسم قلب المعنى حسامه
طرنا من الواقع بليا جناحين في كوكبٍ مكسي من الزيف خامه
عشنا خيال وغيرنا واقعيين لين انصدمنا فالالم والندامه
الله يسامح من حداني على البين اللي قطع حبل التواصل سهامه
صديت مثل اللي على غاربه دين يوم الزمن باخل علينا إبتسامِه
 
كلمات و لا أروع ...

و أبداع و لا أجمل ..

و أبيات تغريك ببساطتها و تأسرك حبكتها ..

تقبل تحياتي ....
 
قصيدة جميله
يعطيك العافيه عالنقل
ارجو منكِ التقيد بقوانين القسم
كتابة منقول و تنزيل مشاركتين باليوم
حتى ماتحذف مشاركاتك
دمت بخير
 
عودة
أعلى