قصيدة من عرفته ما ذرفته - فزاع

ديوان الشاعر حمدان ال مكتوم - فزاع
  • ارسال إلى Twitter
  • ارسال إلى facebook
  • ارسال إلى google plus
    1. *مزون شمر*
      31-12-2008, 07:40 PM

      قصيدة من عرفته ما ذرفته - فزاع

      قصيدة من عرفته ما ذرفته - فزاع


      من صغر سني وانا انظر للغلا نظره رفيعه
      واعرف ان العشره اسمى من غلاك ومن حناني

      يوم شفتك من ضياع وشفتني مثل الوديعه
      انته بس اللي ضعت فيني وانته بس اللي لقاني

      والله ان الضيعه اللي جابتك ما هي بضيعه
      ضيعة العشاق شي وضيعتي بك شي ثاني

      يا غرام ما استطيع انساه لو قلت استطيعه
      يا كلام من عرفته ما ذرفته من لساني

      اشتر اللي تشتري فيني وبيع اللي تبيعه
      ما التفت لوجه غيرك باعني ولا شراني

      خل طعناتك قويه وخل نظراتك سريعه
      يعني اضرب اهرب اضرب اضرب اهرب في ثواني

      ما انت بأول من شرب صيفي وعطشني ربيعه
      ولا انت بأخر من خذاني من يدي ولا خذاني

      انت ما وسعت صدري ليين ضيقت الوسيعه
      كنك تحطب الجروح من المحاني للمحاني

      كل ساعه لك بصدري رمح اقسى من تبيعه
      وكل جرح له بوجهي حزن غير الاولاني

      وكل ليل يهون الا ليلة البارح فظيعه
      يعلم الله كانت اول ليله تزلزل كياني

      كن رمحك ما يبات الا ورى الحدب المنيعه
      وكن جرحي ما يعرف ينام ورماحك تعاني

      ول يا كيد الظبا ما شفت من يصنع صنيعه
      لو زرعته في حشاك سنين يمحيك بثواني

      في زمنا قالوا ان منا طاوعك الوقت طيعه
      وانته مثل مثل الوقت قاسي طاعني ولا عصاني

      بس ابيك ليا عسفت البعد واسرجت القطيعه
      التفت مره علي وحط نفسك في مكاني

      انته لو اني خدعتك راح ترضى بالخديعه
      بعتني مليون مره ... حبني مره عشاني

      خايف تحمل خفوقي فوق مالا استطيعه
      ويبتليك الله بغيري مثل ما فيك ابتلاني

      خلني مثل الضياع وشلني مثل الوديعه
      انت اللي ضيعتني وما في حد غيرك لقاني

      واشهد ان الضيعه اللي جابتك ما هي بضيعه
      ضيعة العشاق شي وضيعتي بك شي ثاني
      250*300 Second
    2. أروى
      19-07-2009, 03:14 AM

      قصيدة من عرفته ما ذرفته - فزاع


      يسلموووووووووووو