قصيدة وشفيه بالك - فزاع

ديوان الشاعر حمدان ال مكتوم - فزاع ارسال إلى Twitter ارسال إلى facebook
  1. *مزون شمر*
    27-12-2008, 11:33 PM

    قصيدة وشفيه بالك - فزاع

    قصيدة وشفيه بالك - فزاع


    وشفيه بالك بعيد وجالس تفكر
    بدري على الحزن توك في بداياتك

    لاتحسب الوقت لي فاتك وتتحسر
    عمر الندم مايرد الوقت لي فاتك

    لا تترك الدمع فوق الخد يتحدر
    حاسب ترى كل عمري فوق وجناتك

    يانور عيني مادامك عيني بك تنظر
    حرام تبخل على خلك بنظراتك

    ماشفت كيف القمر عقب الظلام انور
    بالضبط نفس الشعور ان شفت بسماتك

    ان كان في خاطرك حاجه علي ابشر
    والله لاسوق العمر كله لمرضاتك

    ماتدري انك اذا تكدرت انا اتكدر
    وافرح لجل فرحتك واشره لشرهاتك

    عودتني ع السهر وامسيت ماتسهر
    ماغير طيفك يعوضني بسهراتك

    احلى سنين العمر بلقاك تتعطر
    يادنيتي وابرك الساعات ساعاتك

    يمر طيفك واضمك وارجع استغفر
    وارد اشوفك واقول الله محلاتك
  2. أروى
    19-07-2009, 03:25 AM

    قصيدة وشفيه بالك - فزاع


    صح لسانك
    والله يعطيك الف عافيه
    على القصيده الجميله