مفاخر العروبة تونس

الشعر, قصيدة , شعراء, القصايد ارسال إلى Twitter ارسال إلى facebook
  1. ام يوسف
    24-12-2008, 10:49 PM

    مفاخر العروبة تونس

    مفاخر العروبة تونس


    مازلت كيما شامخ البنيان ** على الصح مبني مركزة سيساني

    ومازلت مهما تخلطت لديان ** صافي العقيدة حنيف عربي لساني

    ومازلت رغم الظلم والطغيان ** ورغم الجهالة ثابت على ايماني

    **********

    برغم الجهالة واهلها والريب ** مازلت ساير عل ضيا سيراجي

    مازلت كي مشعال لمشاهيب ** مشعشع شعاعي في الظلام الداجي

    ومازلت رغم محاين التحزيب ** سني العقيدة سلفي منهاجي

    ومازلت رافض دعوة التقريب **خايف يدنس قربها ديباجي

    ومازلت رغم الغرب والتغريب ** معروف عربي والعروبة تاجي

    ومازال عهدي بالكرم قريب ** موجد طعام الضيف ديمه ساجي

    ومازال عرضي والرقيب رقيب ** مصيون حايط بالشرف سياجي

    ومازلت راقب فوق لمراقيب ** حارس مأمن ملجئي للاجي

    ومازلت أنس اوحاش كل غريب ** نفرج كروب الضايقة ونفاجي

    ومازلت ف اصل الصايبات طبيب ** نعالج وينفع في السقيم علاجي

    ويوم اللي يعكر صفوها تضيهيب ** وتطبق وتحرق يلعج اللعاجي

    ويرزم رعدها خايب التسحيب ** تردم الظالم عاصفات عجاجي

    ويا بو قوافي يا بحر عجيب ** خليك باقي ذخر لاحتياجي

    مازال وادي بيك ماه سكيب ** ومازال ديمه غزير بيك انتاجي

    مازلت بين الناس بيك اديب ** ومازلت شامخ بيك بين انتاجي

    ومازال صدري بيك رحب رحيب ** ونقصد قصيدك كي تضيق انهاجي

    ومازلت حاضر محضري وكي نغيب ** نخليك حجة مبينة احتجاجي

    ومازلت وارث من جدودي نصيب ** وتاريخهم كي الوشم فوق حجاجي

    مازال غصن الأندلس رطيب ** وطيف عهدها مازلت فيه اناجي

    مازال يحكي بيه نفح الطيب ** ولصغارنا مازلت بيه نحاجي

    مازال عندي علم بن حبيب ** واخبار هلها مشرقي و صنهاجي

    ومازال في بغداد للخطيب ** تاريخ شاهد عصر كان زجاجي

    واليوم هاو صبح فيها الذيب ** راعي الرعية وسلمولو نعاجي

    وذاقوا مرار القهر والتعذيب ** وشافو حقيقة مشابهة الا حاجي

    شافوا غرايب جت من بوغريب ** وراجيت يتنو وش واني نراجي

    يا شيبنا بلا شيب قبل الشيب ** من كان مادح صار لينا هاجي

    كان سهمنا كي نصوبوه يصيب ** نردوا جموع الظلم بالبعاجي

    واليوم سوس ساسنا التخريب ** صبحنا رمية قليل فينا الناجي

    عيب المذلة يا عروبة عيب ** تعبيركم بالصمت زاد احراجي

    ويا زارعين الرعب والترهيب ** فاوطاننا راجو غضب امواجي

    مازالت صاعب كي الزمان صعيب ** ومازلت يم يكيد خوض لجاجي

    ومازال شاني عظيم كيما كان ** لا تفرحوا لا تغركم لاماني

    ولا تحسبوه يدوم لاستيطان ** لابد باش نعيد مجد اوطاني

    نحرر تراب القدس والجولان ** ونهدم الصور العازلة على الباني
    **********

    ومازلت كيما شامخ البنيان ** على الصح مبني مركزة سيساني

    ***

    ومازال في القصيدة بقية

    والسلام عليكم ورحمة الله وبركاته
  2. FARIS - BALDNA
    24-12-2008, 11:35 PM

    مفاخر العروبة تونس


    اختي ام يوسف
    بعد التحية
    سلمت لما كتبت من اروع ابيات الشعر العربي الاصيل تميل له اللهجة التونسية الاصيلة
    يجب عليك ان تكتبي دائما
    حتى يعرف القراء في منتدانا الشعر واللهجة التونسية
    قرأت ما كتبتي وفهمته جيدا
    رائع والى الامام دائما
    بانتظار جديدك
    ابن البلد
  3. ** عبورة عتيبه **
    25-12-2008, 01:36 AM

    مفاخر العروبة تونس


    يعطيك العافية ..
    وأنا فهمت بعد ^_^
  4. *مزون شمر*
    25-12-2008, 07:04 AM

    مفاخر العروبة تونس


    يعطيك العافيه عالقصيدة
    ياليت توضحين القصيدة لك اولا
    تحياتي
  5. البي
    25-12-2008, 07:41 AM

    مفاخر العروبة تونس


    تسلمي على هذه القصيدة الرائعة ..

    تقبلي مروري
  6. ام يوسف
    25-12-2008, 03:01 PM

    مفاخر العروبة تونس


    مشكورين اخواني على المرور هاى باللهجة التونسية للشاعر بلقاسم عبد اللطيف ان شاءالله عجبتكم
  7. عزالدين11
    25-12-2008, 05:03 PM

    مفاخر العروبة تونس


    مفاخر العروبة تونس
  8. البرنسيسة وصلت
    13-02-2009, 10:01 AM

    مفاخر العروبة تونس


    الف شكر لكي

    ع القصيده

    جميل ما نقلتي