تكفا .. ترى تكفا تذل الرجاجيل

prestige

Active member
علم العفا وعفاك .. يا وافي الكيل
بساطه أبشّرك .. في خير وعفا
نكفي بعضنا ,, وانتكافا على الشيل
واللي تعب من الحطّ والشيل يكفا
من ذاق حرّ القايله يعشق الليل
ومن شبّ ضّوه ليلة البرد .. يدفا
لاعاد ليلٍ ٍ نمت به في حرى سهيل
وخايلت نوضٍٍ يخطف العين خطفا
امسيت من جيل ٍ ولاهوب ذا جيل
واصبحت ... والاّ ديرتي شبه منفا
كنّا على فال الشحم والمعاميل
ونفوسنا انقى من نقى العدّ .. واصفا
وانا ولو راحت بقولة : تساهيل
صلف وصروف الوقت تحتاج صلفا
ياترج جدّاني .. زحول الرجاجيل
يحرم فلا لي عنك ياترج .. مقفا
إمّا لطمنا العيل .. والاّ الطم العيل
مادام شبّ النار مندوب الأطفاء
خل ابرهه الأشرم على ذمّة الفيل
وانظر لشيٍ .... مايوصفّه وصفا
ياذيل والله ماتجي راس ياذيل
علمٍ ماهو يغبى ولاهوب يخفا
واللي حما بيته بطيرٍ ابابيل
ماجيتك ادوّر لمن راح واقفا
ولا جيتك اطلب منك بن ٍ ولا هيل
جيتك وجرح الظلم .. غاديه يشفا
جيتك بكلمة .. كنّها صعقة الويل
إن قلت تكفا ... لا تهاون بتكفا
تكفا .. تراها كلمةٍ تقطم الحيل
لا بالله الا تنسف الحيل نسفا
تكفا .. ماهي لمعقبين الفناجيل
تكفا لصلف وعادة القرم صلفا
تكفا .. ترى تكفا لها هدرة السيل
في صدر حرًّ .. ينتف الطيب نتفا
تكفا .. ترى تكفا لها تسرج الخيل
إن كان لك بالخيل سرج ٍ و عسفا
تكفا .. تبيّن كلّ لاشٍ وحليل
تسمع لها بالصدر هبدٍ ورجفا
تكفا .. وتكفا ماتساق لمهابيل
تكفا .. تخلي القرم لاشٍ وهطفا
تكفا .. تجنّبني هل القال والقيل
مانيب من ينكف على كل ملفا
تكفا .. تراني من قروم ٍ مشاكيل
حمّاية الساقه .. بسيفٍ وشلفا
تكفا .. ترى تكفا تذّل الرجاجيل
ولولا ضروف الوقت ماقلت .. تكفا


منقووووووله
 
علم العفا وعفاك .. يا وافي الكيل
بساطه أبشّرك .. في خير وعفا
نكفي بعضنا ,, وانتكافا على الشيل
واللي تعب من الحطّ والشيل يكفا
من ذاق حرّ القايله يعشق الليل
ومن شبّ ضّوه ليلة البرد .. يدفا
لاعاد ليلٍ ٍ نمت به في حرى سهيل
وخايلت نوضٍٍ يخطف العين خطفا

قصيدة رائعه وجميلة

طاب منقولك الرائع

الله يعطيك العافية
 
شاكرلك نقل الرائع نقلتي فأبدعتي أبدعتي فخترتي أخترتي بروعه لتوصلي لنا مدا روعة أختيارك

طبتي وطاب منقولك الرائع

تقبلي مروري بود وأحترام
 
تكفا .. ترى تكفا لها هدرة السيل
في صدر حرًّ .. ينتف الطيب نتفا
تكفا .. ترى تكفا لها تسرج الخيل
إن كان لك بالخيل سرج ٍ و عسفا

_____

محطمة القلوب ..

يسلم ذوقك .. لا عدمتك

صح الله لسان قايلها ..

تقبلي تحياتي الله يحفظك
:
 
*مزون شمر*
فارسة الاحلام
برد الاحزان
محمد مصبح
البي
مشعل الحب
احلام الطفوله
دلوووعه A
يسلمووووووعلى مروركم الاكتر من رائع
اسعدني تواجدكم في صفحاتي ^_^
كووونوا بخيررر
 
عودة
أعلى