ياكبر ذنب السؤال..وياثقل دم الاجابه !!

الشعر, قصيدة , شعراء, القصايد ارسال إلى Twitter ارسال إلى facebook
  1. فروحة الدلوعة
    13-12-2008, 06:11 PM

    ياكبر ذنب السؤال..وياثقل دم الاجابه !!

    ياكبر ذنب السؤال..وياثقل دم الاجابه !!




    يا كبر ذنب السؤال .. ويا ثقل دم الاجابه !!

    لا انتهى حبك وصدرك مختنق بحروف (( ليه )) ؟؟


    وقتها كن خافقك ( جالي ) وحزنك ( شيخ لابه )

    اتصدد .. لكن الدنيا تحدك.. تنتخيه ..


    يا رفيق الهم .. علمني اذا عيني ربابه .!

    منهو يسمع نزفها لامن نظرها ويحكيه ؟؟


    بسئلك بالله قلي : عن شقا الدرب وسرابه

    كيف علقني بكذبة .. (( باكر اوصل وارتويه !! ))


    لو فقلب الليل رحمه ما فتح للجفن بابه :

    وعشمه في حب نجمه .. يدري انها ما تبيه !!


    ولو يضيق الكون بالطعنات تلقى بي رحابه

    لا تعكر بال خنجر .. تركض ظلوعي تجيه !!


    لا يشيل الهم ( همه ) دام تجمعه القرابه

    في صدر شاعر يعده : واحد منه و فيه ..


    له علي .. دامه يبيني ما اخونه في غيابه

    كان ما جالي اجي له .. يحتويني واحتويه ..


    ولي عليه .. انه ما ينساني ويصفطلي عذابه

    ولا يعرضني لضحك صدق ما عاد اشتهيه ..


    اقسى من حزني وهمي الفرح حضرة جنابه !!

    لا طرى ما يطري الا.. منهو عرفني عليه ..


    ذاك من يحكي على عيني وتقنع باغترابه

    لجل تعتق صورة فيني سجنت كل الوجيه ؟!


    غايتي ( فرح الحزن ) لا ينكسر بالقلب نابه

    وخوفي لا ( حزن الفرح ) يخنق لي انفاسي بيديه !!


    من ورى قلبي رسمتك غيم يحكي بوح غابه

    كل غصن منحني فيها يمدله راحتيه .؟


    هاك صدري شوف بعيونك متاهات الغلابه

    في شوارع هالحنايا كم متشرد نزيه ؟؟


    لا قبل عطف السنين .. ولا رضى بسلم الذيابه

    ما سئل كود الاماني .. يا الاماني جاوبيه ..


    ويش اقول وويش اخلي .. والبلاوي ما تشابه

    غير لا قالت في قلبي لا حشى مالي شبيه !!


    ليت في وجه الزمن (( ذرة حيا )) واحسب احسابه

    احشمه لجل يحشمني .. دون شي أحتريه ..


    وليت شعري ما يخيب هقوة اللي قد هقابه

    لا تولج هاليمين وصحت فيها اكتبيه ..


    وليت دربي لا نثنت رجلي يقدرني ترابه

    كان وربي ما احاتي قولت : ( ازرى ينتهيه ) ..


    بعدها بذيل اسمي باخر دموع الكتابه

    دام كل بيت بقصيدي شال دمعة ما يليه !!


    هذا انا يا صاحبي حلمي الاقي لي اجابه

    لا انفجر صدري وضاقت دنيتي بحروف (( ليه




    م\ن
    فرووحة...
  2. علاء حسين الأديب
    13-12-2008, 06:25 PM

    ياكبر ذنب السؤال..وياثقل دم الاجابه !!


    فروحة الدلوعة//
    منقول جميل جدا ..يدل على ذوق رفيع في انتقاء النصوص الجميله ..
    تحياتي
  3. *مزون شمر*
    13-12-2008, 06:33 PM

    ياكبر ذنب السؤال..وياثقل دم الاجابه !!


    قصيدة جميله
    طبتي و طاب منقولك
    كوني بخير
  4. فروحة الدلوعة
    13-12-2008, 06:34 PM

    ياكبر ذنب السؤال..وياثقل دم الاجابه !!


    يسلمووو على المروور

    تقبل تحياتي..
  5. مس ميسو
    13-12-2008, 06:48 PM

    ياكبر ذنب السؤال..وياثقل دم الاجابه !!


    يسلموو فروحه
    نقل مميز ورائع
    تقبلي مروري
  6. فروحة الدلوعة
    14-12-2008, 11:25 AM

    ياكبر ذنب السؤال..وياثقل دم الاجابه !!


    المشاركة الأصلية كتبت بواسطة *مزون شمر*
    قصيدة جميله
    طبتي و طاب منقولك
    كوني بخير

    مشكووورة غاليتي.
    على المروور
    تقبلي تحياتي..
  7. فروحة الدلوعة
    14-12-2008, 11:26 AM

    ياكبر ذنب السؤال..وياثقل دم الاجابه !!


    المشاركة الأصلية كتبت بواسطة مس ميسو
    يسلموو فروحه
    نقل مميز ورائع
    تقبلي مروري
    مشكووره يا عسسل.. على المروور
    تقبلي تحياتي..