قصيدة ليت العمر ينباع - احمد الناصر

ديوان الشاعر احمد الناصر الشايع
  • ارسال إلى Twitter
  • ارسال إلى facebook
  • ارسال إلى google plus
    1. ملكة الاحساس
      12-12-2008, 01:19 AM

      قصيدة ليت العمر ينباع - احمد الناصر

      قصيدة ليت العمر ينباع - احمد الناصر



      ليت العمر ينباع والله لشريه
      وأروح للطيب وأزود سنينه

      وإلا الردي لعل تقصر لياليه
      ما من وجوده فايده خابرينه

      أفزع مع الطيب عسى الله يخليه
      اللي لفعل الطيب تبذل يمينه

      خل الردي لعل تكثر بلاويه
      ثقيل دم وفوق ذا ثقل طينه

      ياللي عبيده تطلبه ثم ترجيه
      أعطف على عبدك وقوه بدينه

      وإلا الردي ما همني وش يجي فيه
      لو غاب ما همب العرب فاقدينه

      لا واحسافه كيف يصبح مساويه
      النذل والطيب سوى بالسفينه

      مواقف الطيب تعزه وتغليه
      وإلا الردي لعل ربي يهينه

      أشكي على اللي شامخات هقاويه
      أبو محمد جعل ربه يعينه

      مواقفه هالحين وإلا بماضيه
      ترفع له البيضاء على أعلى جبينه

      اللي يلبي كل صوت يناديه
      رجل المواقف كلنا عارفينه

      إليا لفى كل الجماعة تحييه
      أحد يحب الخشم وأحد يدينه

      من حشمته كل يحبه ويغليه
      أبو محمد جعل يبطي ونينه

      أقول كلمة حق والله ما أرجيه
      أرجي كريم كلنا عابرينه






      في يوم سبعة عشر بتالي رجب
      ياليتني ما دخلت السوق وانا اجنبي

      العصر مريت يوم السبت سوق الذهب
      لقيت مخلوق لا هندي ولا مغربي

      من شوفته ما لقيت الا السهر والتعب
      صار السهر والتعب من شوفته مكسبي

      اللبس لبس اجنبي والدم دم العرب
      زولن ليا شافه الشايب يعود صبي !

      مكملن بالجمال وبالحسب والنسب
      قلت السلام وتبسم قال لي وش تبي

      وليا تقربت من زين الحلايا هرب
      واقول عطني الصراحة وانت ابو ما تبي

      بغيت اعرفه وش اسمه مير ما الله كتب
      يقول ابي سمعتي واخشى على مذهبي

      تبين النور من خده علي واحتجب
      يا الله عليك الخلف تخلف على اتعبي

      انا قتيل العيون النجل سود الهدب
      ذقت العنى والعذاب ولا حصل مطلبي

      قلت ارحم اللي طواه الهم وانت السبب
      قالت لعله يطاولك السهر بسببي

      قلت الظليمة حرام بكل حشمة وادب
      قالت معي عين وصانا عليها النبي

      انشد ولا يلحق النشاد لوم وعتب
      انا غريب وقضى مايي وقضى منهبي

      انتي من اهل الكرك والدير ولا حلب
      قالت يشيب الولد ما حصل اللي يبي

      قلت انتي من السويد اهل الفرح والطرب
      قالت بلاد العروبة رغبتي وطلبي

      انتي من اهل الخليج مخصلين النشب
      قالت من المسلمين وجد ابوي عربي

      واللي يقول الهوى كله خطر ما كذب
      قلت اوعديني وعد بس اذكره واكذبي

      قامت تعجب وقالت يا زمان العجب
      يا لايمه للغرام انا اشهد انك غبي

      عليك رسم البدواة والزمان انقلب
      قالت عظامي ودمي واللحم وعصبي

      انا من البدو كان الدم وصل الركب
      يوم السلاح المفتل والرصاص حلبي
      250*300 Second
    2. IBN AL IRAQ
      20-02-2009, 06:54 PM

      قصيدة ليت العمر ينباع - احمد الناصر


      كلمات ذواقة
      مشكوره على الطرح الجميل
      دمتي للإبداع
      تقبلي مروري
    3. نور الفجر
      20-02-2009, 07:27 PM

      قصيدة ليت العمر ينباع - احمد الناصر


      كلمات جميلة واحساس رائع واختيار كلمات ومعانى اروع مشكورة على المجهود
    4. أروى
      30-07-2009, 02:43 AM

      قصيدة ليت العمر ينباع - احمد الناصر


      الله يعطيك الف عافيه على القصيده الرائعه
    5. طير القوافي
      03-08-2009, 08:44 PM

      قصيدة ليت العمر ينباع - احمد الناصر


      أفزع مع الطيب عسى الله يخليه
      اللي لفعل الطيب تبذل يمينه

      خل الردي لعل تكثر بلاويه
      ثقيل دم وفوق ذا ثقل طينه

      صح لسانك

      //////////////////////////////////
      القصيدة الثانيه
      ///////////////////////////////////

      بغيت اعرفه وش اسمه مير ما الله كتب
      يقول ابي سمعتي واخشى على مذهبي

      تبين النور من خده علي واحتجب
      يا الله عليك الخلف تخلف على اتعبي

      صح لسانك
    6. ساسكي
      16-10-2009, 02:15 PM

      قصيدة ليت العمر ينباع - احمد الناصر


      صح لسانك تسلمو
    7. شيخة قلبه
      01-11-2009, 09:35 PM

      قصيدة ليت العمر ينباع - احمد الناصر


      ابيات مره حلوه
      تشكراتي لك
      تقبلو اطلالتي
      ((ذات العيون المتلالئه
    8. عنيده وبكيفي
      06-02-2011, 06:23 PM

      رد: قصيدة ليت العمر ينباع - احمد الناصر

      قصيدة ليت العمر ينباع - احمد الناصر


      يسلموو ع الطرح الجميل

      تقبلي مروري
    9. ᵽ¡ҋʞ ║•
      25-07-2011, 11:46 PM

      رد: قصيدة ليت العمر ينباع - احمد الناصر

      قصيدة ليت العمر ينباع - احمد الناصر



      مشكورة خيتو ع النقل الحلو ‘

      دمتي بخير ~