قصيدة أحبك - فيصل اليامي

أحبك أيه احبك يابعد عمري ورب الكون
وأنا من يوم شفتك والخفوق يرحب و يهواك

حبيبي لا اللتقيتك لايغرك طبعي المجنون
ترى هذ المحبه تجبر العاشق يجي لقياك


ترى حبك بقلبي ياحبيبي والحشى مكنون
ولو لحظه قصيره مستحيل أقدر على فرقاك

حبيبي شف حياتي والسبايب حبك المجنون
تعال ارفق على قلبي عسى كل العمر يفداك

يابعد الكون كله ياحبيبي ..يالغلا المصيون
وعيني ماتهنى كان مابين لها محياك

تعال ارفق على قلب غدا من غيبتك مجنون
أحبك جعلني فدوه لقلبك والعمر يفداك
 
التعديل الأخير بواسطة المشرف:
مساء الخير
أولا فيصل اليامي
شاعر كبير ومبدع ولايرضى أنك
تاخدين قصائد لشعراء غيره
وتنسبينها له
ثانيا :
هذي قصيدتي أنا الهنوف
وعلى فكرة تراها ناقصه بيت
ومغيره كلمة في البيت الخامس
وتقدرين تشوفين القصيدة
باسم الهنوف في منتديات الشاعر الكبير فيصل اليامي
والقصيدة مكتوبة كذا

أحبك أيه احبك يابعد عمري ورب الكون
وأنا من يوم شفتك والخفوق يرحب و يهواك

حبيبي لا اللتقيتك لايغرك طبعي المجنون
ترى هذ المحبه تجبر العاشق يجي لقياك


تدلل يابعد كل الحبايب والطلب ممنون
ترى كاتب على نفسي عهد لامستحيل أنساك

ترى حبك بقلبي ياحبيبي والحشى مكنون
ولو لحظه قصيره مستحيل أقدر على فرقاك

حبيبي شف حياتي والسبايب حبك الملعون

تعال ارفق على قلبي عسى كل العمر يفداك

يابعد الكون كله ياحبيبي ..يالغلا المصيون
وعيني ماتهنى كان مابين لها محياك

تعال ارفق على قلب غدا من غيبتك مجنون
أحبك جعلني فدوه لقلبك والعمر يفداك





ملاحظة :

أنا لاحظت قصائد كثيرة منسوبة للشاعر فيصل اليامي
وبعض هذي القصائد مستواها أقل بكثير من أن يكتبها شاعر كبير
وبعضها قصائد لأعضاء مبتدئين مثل قصيدتي
ولقيت قصائد منسوبة لشعراء
وهم لشعراء اخرين
فأتمنى أنكم إذا حبيتو تفتحون أقسام أدبيه
أو أقسام لقصائد الشعراء أنكم
تنقلون قصائدهم صح ولاتخلطون بينهم
أو تنسبون قصائد شعراء اخرين لهم
أو تنسبون قصائدهم لشعراء اخرين
وتتأكدو من القصائد صح
لأن ذلك يضر الشعراء

دمتم بخير
 
عودة
أعلى