قصيدة ديمقراطي - فزاع

ديوان الشاعر حمدان ال مكتوم - فزاع
  • ارسال إلى Twitter
  • ارسال إلى facebook
  • ارسال إلى google plus
    1. *مزون شمر*
      09-12-2008, 07:46 PM

      قصيدة ديمقراطي - فزاع

      قصيدة ديمقراطي - فزاع


      تصدق ما بقى له شي في باله من الأفكار
      عجز يخفيه في صدره كلام الحق ويلمه

      عجز يقطف ورود الفل ويظلم وردة النوار
      لاجل ما يكسب الاذان يطري له ولد عمه

      إذا ما عاش ليله ليل ولا عاش النهار نهار
      ليا صبحه غدى ليله ونور الصبح مظلمه

      واذا ما عاش مستقبل يعيش اليوم بالتذكار
      يعيش الحاضر الماضي يهمه بس ما يهمه

      يمقراطي يعبر عن كلامه عاش باستقرار
      يوم القلب لافكاره واذا وم الفكر ومه

      وانا ما جبتها لك سحب إلا في سما الأمطار
      سحاب لا بغى يمطر دموعه إندفق دمه

      سحاب من دموع الموت هالك يروي الأنهار
      روى نهره ونبت ورد عجز يقطف ولا يشمه

      جبل صامد قوى عزمه كبر حتى بدى ينهار
      عقب ما كان في العالي تهاوى من على القمه

      بدى يصغر يالين أصبح حجر يلعب بيدين صغار
      تبعثر والطفل ينثر حصاه ويرجع يلمه

      نصيحه قلتها إحذر تعاكس جارف التيار
      صعب تامن في بحر الوقت لاموجه ولا يمه

      ونصيحه لا تذيكا لك على ناس اذكيا شطار
      ترى بعض البشر تحسب بلا روح وبلا ذمه

      وانا لا ما علي الا أقول الحق مهما صار
      تريد الحق خذ قولي ولا تاخذ ولد عمه

      أنا قلت النصيحه لك واعيد الدار غير الدار
      وافاعيها تريا بس لحظة غدر وتسمه

      أنا ما جبتها لك سحب إلا في سما الامطار
      واذا زم البحر موجه لك الله ردها زمه
      250*300 Second
    2. أروى
      19-07-2009, 03:28 AM

      قصيدة ديمقراطي - فزاع


      يسلموووووو