قصيدة راح نصف عمري في غيابك - سعد علوش

ديوان الشاعر سعد علوش الهاجري ارسال إلى Twitter ارسال إلى facebook
  1. حب الوهم
    08-05-2006, 02:05 PM

    قصيدة راح نصف عمري في غيابك - سعد علوش

    قصيدة راح نصف عمري في غيابك - سعد علوش


    اعرف انك ما تصدق بس والله فوق والله
    والله انه راح مني نصف عمري في غيابك

    واعرف اني شلت همي تارك[ن] حبي على الله
    كني ابعد من نجوم الليل واقرب من ثيابك

    يا عساك وياعساني ويا عسانا ويا عسا الله
    يا عسى الدنيا تموت وما يعيش إلا ترابك

    يا أحبك وأعشقك وأهواك وإلا يفتح الله
    ما تعودت افتخر بإحساسي إلا تحت بابك

    ايه أحبك والقضية واضحه والشاهد الله
    يطرد المظلوم وخصمه وانت خصمي يا هلا بك

    يا هلا بك يوم تجرح خافقي ويسامحك الله
    يا هلا بك يوم تلحق غميتي وألحق سرابك

    جابك الله في حياتي يا حياتي جابك الله
    ليش مدري وين مدري كيف مدري بس جابك

    كل ما قلت ابتدينا في المحبة قلت يالله
    ما دريت ان النهاية بين بعدك واقترابك

    احسبني كل شي في عيونك يعلم الله
    واثر عينك مستعفه ما تحب إلا حجابك

    إنظلمت ولا شكيت ولا تركت الامر لله
    كان همي انتظر باقي عذابك في عذابك

    الله الله انتبه واحذر وفكر والله الله
    مثل ما احسب حسابي في هواك احسب حسابك

    ما طلبت المستحيل ولا رجيتك شي لله
    ما طلبتك ارتفع من حجرتي واسكن سحابك

    يصرخ القلب المعذب يالمعذب وكل الله
    شاب حبك في عيوني وانت توك في شبابك

    رحت شي وجيت شي مختلف يا حسبك الله
    تصدق اني ما بغيت اجلس مع حظرت جنابك

    غيرك ذاك الزمان ويا زماني منك لله
    ليش ما غيرت فيني شي يوم إني أهابك

    ليش ما علمتهم عن قصتي وتوحد الله
    يعرفون انك سؤال ويعرفون اني جوابك

    ويعرفون اني حلفت ولا عرف أغلى من الله
    والله انه راح مني نصف عمري في غيابك
  2. اسيرالهوى
    08-05-2006, 02:57 PM

    قصيدة راح نصف عمري في غيابك - سعد علوش


    دخلت بشوف وشو الي مايعجبنا

    لكن بصراحه اعجبتني كثير
    الله يعطيك العافيه

    لاتحرمنا من جديدك

    تحياتي واشواقي
  3. أصآيل .. !
    16-05-2006, 07:56 PM

    قصيدة راح نصف عمري في غيابك - سعد علوش


    هههههههههههههههههههههههههههه
    بالعكس مره حلو عجبني يسلموووووووووووو
    الله يعطيك العافيه وبالتوفيق
  4. دلع ولع
    28-08-2009, 02:27 PM

    قصيدة راح نصف عمري في غيابك - سعد علوش


    ههههههههههههههههه

    مررررررررررره روعه الله يعطيك الف عافيه

    دمت بود
  5. كل دقة قلب فيني لك قصيده
    27-02-2010, 02:34 AM

    قصيدة راح نصف عمري في غيابك - سعد علوش


    يعطيك العافيه
  6. طفشانه من الدنيا
    28-02-2010, 10:44 AM

    قصيدة راح نصف عمري في غيابك - سعد علوش


    مرة رووووعة القصيدة

    تسلم اناملك ع النقل الذوووق

    الله لا يحرمنا جديدك

    الله يعطيك الف عافية
  7. ŜoǾo¢Яђ.
    09-03-2010, 06:32 PM

    قصيدة راح نصف عمري في غيابك - سعد علوش


    مرة روعة
    صح لسسان شاعرها ,, وسلمت يمينك