استأذنك .. بسافر ايام .. واجيك

الشعر, قصيدة , شعراء, القصايد
  • ارسال إلى Twitter
  • ارسال إلى facebook
  • ارسال إلى google plus
    1. ~~ الأمـ البعيد ـل~~
      04-12-2008, 09:46 PM

      استأذنك .. بسافر ايام .. وآجيك

      استأذنك .. بسافر ايام .. واجيك


      هاي..
      أعجبتني هذه القصيده جدا معبررررررره...
      إن شاء الله تعجبكم....

      استأذنك .. بسافر ايام .. واجيك

      وان طالت ايام السفر .. لاتحاتي

      حتى ولو طولت .. ماني بناسيك

      ياللي بدونك .. ويش تسوا حياتي؟

      تامر على حاجه؟؟ .. بودعك واليك

      عسى عوض الايام .. في المقبلاتي

      حتى يدي .. ماودها تفارق يديك

      ساكت .. وانا اشوف البلا في سكاتي

      ماشفتني لارحت منك .. التفت فيك

      بلاي والله (( روحتي والتفاتي))

      لكن قبل ماروح .. ودي اوصيك

      وانت الوحيد اللي يقدر وصاتي

      لاحد سالك .. وقالك ((وين مغليك؟؟))

      قله: " لوازم لاقضاها بياتي "

      وان طروا النسيان .. ماني بناسيك

      ياراس مالي في الحياه .. وغناتي

      وان طروا السلوان .. ماني بساليك

      طيفك معي حتى وانا في صلاتي

      قلبي .. وهو قلبي اذا مر طاريك

      لولا ضلوعي .. كان عزوا مماتي

      لو جض صدري .. كان يمديه ياتيك

      ويبات عندك .. ويهنى بالمباتي

      انا .. وقلبي .. والغلا .. ساكن فيك

      وانته .. وقلبك .. والغلا .. وسط ذاتي

      غلاك .. مثل الحكم عند المماليك

      اكبر طموحي .. لا .. كل امنياتي

      شف في غيابي اي حاجه تسليك

      لاني بعدك .. اسلى مع (( ذكرياتي))

      احاول اذكر .. اي شي يطريك

      "واقول هو سوا .. وانا ذي سواتي "

      كني موادع .. كل شي حواليك

      وكني حسبت حساب ((حزة وفاتي))

      احب ... لاني مقدر انساك ... وابيك

      ولا اقدر اخليك .. ياللي تحاتي

      معنى احب .. وماقدر انسى واخليك

      ((يعني بدونك ويش تسوا حياتي؟))
    2. *مزون شمر*
      04-12-2008, 09:50 PM

      استأذنك .. بسافر ايام .. واجيك


      رائعه عزيزتي
      اختيار رائع و نقل مميز
      يعطيك العافيه
      دمت بخير
    3. ~~ الأمـ البعيد ـل~~
      05-12-2008, 02:47 AM

      استأذنك .. بسافر ايام .. واجيك


      مشكوره على الرد المميز...
      تقبلي تحياتي وإحتراماتي....