طنش

الشعر, قصيدة , شعراء, القصايد
  • ارسال إلى Twitter
  • ارسال إلى facebook
  • ارسال إلى google plus
    1. غرور شاعر
      04-12-2008, 02:08 AM

      طنش

      طنش


      هالزمن اسكت وطنش لا تسمي العيب عيب
      والنصيحه خلها لك لأأأن محد يسمعك

      قول نكته او خرافه يوصفونك ذيب ذيب
      ابتسم اضحك وجامل والقوافل تتبعك

      مظهرك يا زين جنتل يمدحونك دون ريب
      حتى لو فاشل ثيابك ترفعك في موضعك

      والدراهم يا عزيزي دامها في كل جيب
      طوع امرك سيدي ورهن هزة اصبعك

      لو مديرك شين والا قاسين من غير طيب
      حرك السانك وردد دائما ما اروعك

      لا تهم الفقر خلي شعر راسك دون شيب
      لو ديونك الف والا طن ضم اللي معك

      اكذب الكذبه وصدق واترك الفزعه وسيب
      والبس الهيبه وحلق خلي نفسك تخدعك

      لا يهم ان كنت عازب والا خاطب والا ثيب
      الاهم انك تصارع قبل عمرك يصرعك

      الخجل خله لاهله وكرر الموعد وغيب
      واكسب اللي دوم يمه تنسعد او ينفعك

      شجع الاهلي وردد للهلالي بيب بيب
      ولو حبيبك اتحادي شجعه وش يمنعك

      يعني يعني باختصار صاحب المبدأ يخيب
      خالف الدنيا لأأأأأأنك لو مشتت تجمعك

      وهالزمن اسكت وطنش لا تسمي العيب عيب
      والنصيحه خلها لك لأأأن محد يسمعك


      اعود اليكم بعد غيابي عنكم

      لظروف خاصه


      واتمن ان تنال اعجابكم



      طنش


      بقلمي

      محمد الاشموري


      غرور شاعر
    2. *مزون شمر*
      04-12-2008, 07:47 AM

      طنش


      غرور شاعر
      هلا بعودتك
      والحمدلله على سلامتك
      ويعطيك العافيه على القصيدة الرائعه
      التى سعدنا بها و طابت لنا
      دمت بخير
    3. غرور شاعر
      05-12-2008, 12:00 AM

      طنش


      المشاركة الأصلية كتبت بواسطة *مزون شمر*
      غرور شاعر
      هلا بعودتك
      والحمدلله على سلامتك
      ويعطيك العافيه على القصيدة الرائعه
      التى سعدنا بها و طابت لنا
      دمت بخير

      مشرفتنا الغاليه


      مزون شمر


      يسلمك ربي ويسعدك


      اشكرك من كل قلبي لمرورك العاطر


      وتثبيت القصيده ويا ليت الكل مثلك


      رائعه وذوق واخلاق


      عاجز عن شكرك


      دمتي بكل ود وتقدير وشموخ
    4. فتى الظل
      05-12-2008, 05:18 AM

      طنش




      اخوي غرور شاعر

      قصيدتك روعه

      والمعاني التي تحملها كبير جدا وسقتها لنا بكل لطف وبأسلوب جميل جدا

      تقبل مروري

      فتى الظل
    5. غرور شاعر
      06-12-2008, 03:54 AM

      طنش


      المشاركة الأصلية كتبت بواسطة فتى الظل


      اخوي غرور شاعر

      قصيدتك روعه

      والمعاني التي تحملها كبير جدا وسقتها لنا بكل لطف وبأسلوب جميل جدا

      تقبل مروري

      فتى الظل



      الاخ الغالي


      فتى الظل


      اشكرك من كل قلبي



      اسعدني واثلج صدري مرورك العاطر



      يحفظك ربي ويسعدك
    6. Ẳ£๓ỉяέќħĭά
      08-12-2008, 08:57 PM

      طنش


      رووعه أخوي

      تسلم يمينك ع القصيده ..

      مودتي ..