123

ديوان فتى الظل

ديوان قصائد الشاعر - ديوان قصائد الشاعره ارسال إلى Twitter ارسال إلى facebook
  1. فتى الظل
    15-01-2009, 02:03 AM

    ديوان فتى الظل


    غابت طيوفه والشعر منه حافي
    طاري الحبيب الي ماشفت غيمه

    ماكن زوله في عيوني يشافي
    ولاكن حبه في حشى القلب ريمه

    عينه تقول الحب مابه عوافي
    الي سهومه في جروحي قديمه

    ياويل قلبن عن هوى البال نافي
    ضاعت دياره ما لقى له حشيمه

    اشوف غيره في خفوقي يعافي
    لو هو خفوقي في عيونه نديمه

    لو هو بطيفه عن ظما القلب خافي
    يبقى حنيني في حياتي يديمه

    تبقى السنين الناسياته حسافي
    وتبقى سنينه في سنيني عظيمه
  2. فتى الظل
    18-01-2009, 02:47 PM

    ديوان فتى الظل


    لا تحسب اني من غيابي نسيتك
    دايم على بالي وفكري بهوجاس

    لامن تعبتي بكل روحي فديتك
    ولا من بكيتي رنت بليلي اجراس

    اسهر بليلي وخافقي عند بيتك
    والمح عيونك لا جلستي مع الناس

    ليت الدموع الحارقة لابكيتك
    تستر حنيني لا لمحتك بوسواس

    وليت الليالي البارده لا قريتك
    تكتب بقلبي فرحتن تقهر الباس

    اشرب تباشير اللقى لاضميتك
    واخذ يدينك واشهقك مثل الانفاس

    ظهر الحروف الجامحة لاسهيتك
    يطلب وانا الفارس اذا عيونك افراس
  3. ღرفيف الروحღ
    18-01-2009, 06:46 PM

    ديوان فتى الظل


    بارك الله فيك
    و الله لم تقصر مطلقا
    تحياتي
  4. فتى الظل
    22-01-2009, 07:29 PM

    ديوان فتى الظل


    جتني بكفها شمعه وتسمعني أنين الناي
    وتروي مالقت بعدي وحنينن ضاعت ايامه

    وتسكب دمعها التايه مع الكحله وتبغى رضاي
    وقالت يا حبيب العمر دخيل الحب والهامه

    ابيك تناظر بعيني وناظر كسرتي بخطاي
    ورجع حظنك الدافي وسل الشعر وحسامه

    وقلي وش تبي مني ورايك هو جميل الراي
    وابشر بالوفا والحب أبلجم عندي الجامه

    برجع دمعك الماضي سكبته من كثير شكاي
    وارجع بسمة شفاتك والم العمر وحطامه

    ابيك تكون لي تاجن احسه هيبتي بممشاي
    ابيك تحطم احزاني واكون بليلك لثامه

    احس العشق مالكني يخالط ضحكتي وبكاي
    واحس بطيفك لحاله وباقي الناس خدامه

    علامك يابعد عمري سكوتك زاد بي بلواي
    عتابك انطقه بسمع اعرف البعد واجرامه

    نظرت بعينها اتأمل واذكر هجرها ورجاي
    واذكر ضحكها مره وحبن باعت اعوامه

    واحس شعور ياخذني لماضي ماسمع شكواي
    غريبه كنتي احلامي وكان البعد دوامه

    ذبحني كثرة عنادك ومت ومالقيت دواي
    وسقتني من بعد موتي حبيبه بخدها شامه

    حنونه تسحر فبسمه رحومه غايتي ومناي
    سكنها حبي العارم واخذت بحبها وسامه

    حضورك للأسف كذبه وقلبي ما أضنه جاي
    خذيني بدفترك ماضي رحل من كيد ظلامه
  5. نور الفجر
    23-01-2009, 12:25 AM

    ديوان فتى الظل


    كلا م اكثر من رائع واحساس جميل
    كل قصايدك روعة واكثرهم بالنسبة لية
    الحيرة واحساس عاشق جميلة فعلا
    تسلم على كتابتهم
  6. فتى الظل
    01-02-2009, 10:38 PM

    ديوان فتى الظل




    لا تظلميني في غيابي انا ارجيك
    خلي خفوقي يكتوي في غيابك

    ان جيتك ابكي قلتي البعد يبغيك
    وان رحت غايب قلتي البعد عابك

    تاهت دموعي في خفا الليل تحييك
    تحرق بقلبي كل عرق حيا بك

    لوني بكيتك سالف العمر يبكيك
    ولوني فقدتك باقي العمر شابك

    كانت حروفي تنعزف من حلاويك
    كانت عيوني تهتني في شبابك

    كانت ليالي اكتب الشعر واسقيك
    كانت ليالي مرتوي من سحابك

    كانت ليالي اسهر الليل واجيك
    كانت ليالي داعي الشوق جابك

    لو هو عذابي في حروفك مباديك
    اسرج حروفي ترتحل هي زهابك

    ولوني قتيلك اخذ الرمح واعطيك
    واقول اطعن يا حبيبي هلا بك

    مارد طعنه في خفوقي باياديك
    ابي شعورك حامي الي هقا بك

    خليتي وحوش الجفا باراضيك
    تنهش بقلبي واتحمل صوابك

    وش هو بقالي واترجى معاليك
    واظلم خفوقي لاتشكى عذابك

    وش هو بقالي لاقبل الليل يشكيك
    يرمي بحضني باقي من ثيابك

    وش هو بقالي واتتبع خطاويك
    لاصار قلبي منحرم من شرابك

    وش هو بقالي يا حبيبي انا فيك
    وعروق قلبي تحترق في كتابك

    لاتظلميني في غيابي انا ارجيك
    اشكي جنونك يوم عني غدا بك

    ان رحتي بقفل بالمحبه شبابيك
    وان جيتي قلبي ذايب في ترابك
  7. فتى الظل
    04-02-2009, 07:18 PM

    ديوان فتى الظل


    ارتحلتك واختلف طبع الدروب
    صرت اشوفك مثل تحفه خالده

    في خيالي ماسح(ن) كل العيوب
    وفي سكونك مثل ليله بارده

    في حنانك تعتشي مثل الهبوب
    وفي دلالك تشربيني حامده

    في سطوري جاهله معنى الذنوب
    في طهورك تسحريني عامده

    ليت كنتي قصه وفيها اذوب
    ماعرفتك في دموعي جامده

    وليت تهتي وانتشرتي بالف صوب
    وما عشقتك في الليالي البايده
  8. ღ ‏آسيرة الصمت ღ
    04-02-2009, 07:19 PM

    ديوان فتى الظل


    مشكور فتى الظل قصائد في قمة الروعه

    يعطيك العافيه
  9. فتى الظل
    08-02-2009, 03:56 AM

    ديوان فتى الظل



    اشتعل جمر المشاعر والليالي تكتوي
    واحترق سطري يعبر والحبر عطره يفوح

    يا حروفي اسبقيني في شعوري استوي
    واسبقي دمعه بعيني قبل هالعبره تلوح

    برتوي حبري واكتب في حروفي بلتوي
    وارتشف اسمك أرتل من عناقيدي طروح

    لو تكوني سمي الي في خفوقي احتوي
    بحضنك داخل عروقه لو اموتك الف روح

    ان سقيتك احسب اني من عيونك مرتوي
    والظما ساكن بليلي ساهر كفه شحوح

    ساهره لجلي الليالي والشعر فيني خوي
    والنجم خافت بعيني والقمر عني يشوح

    والمزون الي في عيني للمحابر تهتوي
    كل ما انطق بحبري دمعه تمسحه ويروح
  10. ஜ .¸¸ مزاج ¸¸. ஜ
    08-02-2009, 11:31 AM

    ديوان فتى الظل


    يسلمؤ يالغلا وصح لسانك ويسلم منطوقك على الكلام الحلوو والرائع
123