قصيدة طاحت الحيّه - فزاع

ديوان الشاعر حمدان ال مكتوم - فزاع ارسال إلى Twitter ارسال إلى facebook
  1. *مزون شمر*
    02-12-2008, 08:56 PM

    قصيدة طاحت الحيّه - فزاع

    قصيدة طاحت الحيّه - فزاع


    هلا باللي سبى قلبي واخذني حسنه بقوّه
    سَلَبْ روحي واخذ صبري وأنفاسي من يْديّه

    أحسّ انّه لعب بالقلب لعبة شاطر وْمَوّه
    يبعثرني.. ويجمعني رجا واحلام ورديّه

    إذا نوّر ظلام الليل عرفت ان الفجر ضوّه
    تبسّمْ من جبينه مبسم الصبح وضحك ضيّه

    واذا سلهم برمشه طرت من جَوّي إلى جوّه
    ورحّب به خفوقي غصب عنّي قال يا حَيّه

    أثاريني بحسنه طحت وانا اظن الهوى توّه
    فكيف ان الهوى توّه وانا غرقان في طيّه

    تعلّقته وصار اليوم نوّ القلب من نوّه
    مع انّي قبل هذا اليوم كانت نيّتي نيّه

    قبل يطري الحسن حسنه لفظ قبل اسمه سْموّه
    تسامت به سنا الحسن وسرت له سحب وسميّه

    تقول ارفق بمن حَبّك وعقب اللي تبي سَوّه
    ترى ميْتك إذا شافك ترد الروح به حَيّه

    حبيبي خاطري عن ما بدا له عبّر وْنوّه
    ومن شرواك يفطن وانت شمس الخاطر وْفَيّه

    إذا كان الحيا يمنعك.. ما تمنعك لِمْروّه
    واذا خايف من الحِسّاد قِلْ لي.. طاحت الحِيّه
  2. أروى
    19-07-2009, 03:39 AM

    قصيدة طاحت الحيّه - فزاع


    صح لسانك
    والله يعطيك الف عافيه
    على القصيده الجميله