وينها بوظبي

الشعر, قصيدة , شعراء, القصايد ارسال إلى Twitter ارسال إلى facebook
  1. عينــ تتحدوني ــاويه
    05-05-2006, 12:14 PM

    وينها بوظبي

    وينها بوظبي


    السلام عليكم ورحمه الله وبركاته
    اشحالكم ..شخباركم ..عساكم بخير وعافيه
    هذي القصيده وايد حلوه ..كتبها الشاعر ربيع القلب يوم توفى الشيخ زايد بن سلطان ال نهيان رحمه الله
    وحبيت اني ايبها لكم
    واتمنى انها تعيبكم
    وينها بوظبي لي معتاد ألاقيها
    وينها ذيج العروس اللي ابهرت هالكون
    اه بس يا بوظبي واللي جرى فيها
    راح زايد نورها..وسودها اصبح لون
    لا الشوراع هي الشوارع..منهو يمشيها
    ولا الشجر ذاك الشجر..ماله حفيف اغصون
    كنها ارض(ن) ..هدير الريح اهاليها
    لعنبو ما كن فيها بيت ابد مسكون
    انقطع حس البلد..دانيها قاصيها
    ماسمعت الا صدى (زايد) يلبي العون
    ووين زايد نور ارضي..وين بانيها
    وين ابونا اللي اقطرت بالدم لجله عيون
    راح زايد تارك فأرضه وبواديها
    جرح(ن) اصبح بيت لحزان وجبال شجون
    كم بكتك رجال ماشي(ن).. يبكيها
    ويا قساها بس دموع رجالك ان يبكون
    كم بكتلك ناس في اقصى اراضيها
    النخل.. وهو النخل يبكي جرح مكنون
    كيف بس نعيش وانته الروح ترويها
    كيف نحيا وانته مانا يا سحب لمزون
    ليت الارواح اسبقتك العند باريها
    ولايجينا هالخبر كنه رمح مسنون
    رحت خليت اليتامى ومن يواسيها
    كلنا عقبك يتامى وكلنا مطعون
    واه يا طعنة غيابك.. وشهو تاليها
    وش عقب زايد يهم..ان كان شو مايكون
    يشهد الله الارض هذي اهوا غاليها
    كلنا نهواه ..واكثر..والعرب يدرون
    ويشهد الله ان زايد لي مخليها
    كالقمر حتى النجوم ابقربا يتباهون
    والله ما قصر..فعاله من يسويها
    الحجر حتى الحجر ..يصرخ انا ممنون
    نام يا زايد عليك الرحمه ندعيها
    سمح ثم مسموح ثم مسموح لك ..مليون
    ولا ذي بوظبي ..يكفيها ويكفيها
    انه اطهر شخص.. فثراها ترا.. مدفون
    تحياتي :عين تتحدوني اويه
  2. رماد القناع
    05-05-2006, 11:30 PM

    وينها بوظبي


    الله يرحم زايد ويغفر له

    شكرا للابيات الجميله عين تتحدوني ايه


    تحياتي واشواقي
  3. عينــ تتحدوني ــاويه
    06-05-2006, 06:57 PM

    وينها بوظبي


    تسلم اخووي الأسود ع المرور
    الله يرحمه ويغمد روحه الجنه
  4. شوق عمان
    06-05-2006, 10:32 PM

    وينها بوظبي


    هلا عيناويه انتي شحالج منوره المنتدى فديت قلبج الله يرحم زايد ويسكنه فسيح جناته اللهم امين زايد في القلب حي ما مات وفديت العيناويين انا لاعدمناج يالشيخه ننتظر جديدج ونقلج الرائع

    تحياتي لج اختج: شووووووووووووق( بنت عمان)