قصيدة ثلاث أيّام - فزاع

ديوان الشاعر حمدان ال مكتوم - فزاع ارسال إلى Twitter ارسال إلى facebook
  1. *مزون شمر*
    30-11-2008, 09:31 AM

    قصيدة ثلاث أيّام - فزاع

    قصيدة ثلاث أيّام - فزاع


    ثلاث ايّام مرّن في حياتي غير
    ثلاث ايّام عشت الحبّ واغليتك


    ثلاث ايّام واتهجّى كلام الطير
    كلام أعْذَبْ من اعْذبْ من تفدّيتك


    رسالة حبّ شاهدْها غلا وْتعمير
    على فْوادي تربَّعْ واسْكنْ فْبيتك


    أقول إشْ قد انا عطشان وانت البير
    دَلو فكري نَضَحْ من كلمتي ليتك


    أقول ال(ما يصير) لْعينك انت يْصير
    ولو حتى بْثرّيا الكون حطّيتك


    حبيبي والغلا صوره بلا تصوير
    صوَرْها بكل رَمشة عين أنا ريتك


    حبيبي والعطا يحتاج للتقدير
    إذا صرّحت أنا اللي حّيك وْمَيْتك


    ثلاث ايّام مرّن في حياتي غير
    ثلاث اّيام عشْت الحب واغليتك


    ثلاث ايّام لكن ما ادري شِ التفسير
    بس.. ادري من ثلاث ايّام حبّيتك
  2. أروى
    28-07-2009, 08:32 AM

    قصيدة ثلاث أيّام - فزاع


    يسلموووووووو على القصيده الرائعه
  3. صبا فلسطين
    24-09-2009, 08:23 PM

    قصيدة ثلاث أيّام - فزاع


    رائع جدا

    يسلمو

    تحياتى
  4. روح soso
    25-09-2009, 04:14 AM

    قصيدة ثلاث أيّام - فزاع


    أقول ال(ما يصير) لعينك انت يصير
    ولو حتى بثريا الكون حطيتك


    حبيبي والغلا صوره بلا تصوير
    صورها بكل رمشة عين أنا ريتك




    يسلمووووو خيتووووووووووو ,,
    الله يعطيك العافيه ,..