قصيدة تواق - فزاع

*مزون شمر*

عضو مؤسس
توّاق لك أشكي ولا زلت فزّاع
لكن تبدلْ حال وابغيك تفْزَعْ


انت الذي لك رمز في كل مطلاع
يوم الرجال تْحين (توّاق) يطلع


المجد لك يا فخر الامجاد ينصاع
غصبٍ عليه وتحت رجليك يِخْضَعْ


والعز بامرك يا سنا العز مطواع
ومن كان مثلك.. كان للعز مربع


غصت فْبحور الشِّعر لين اغزر أقواع
ومنزلك عالي.. يا نجم فوق تلمع


الحر في المقناص معروف طَلاعْ
وانت الفريد.. النادر.. الحر اْلاروع


كلٍ له اعجازٍ.. وكلٍ له ابداع
لكنّك انته بالفعل صرت الابْدَعْ


لو باكْتِبْ مْن اليوم ويجف لِيْراع
ما اظنّي أحصي كل ما فيك واجْمَعْ


ظبيٍ سَرَقْني.. ماخِذْ القلب بِخْداع
حلوٍ وداده.. لكن القول يِخْدَعْ


كمٍ تحمّلته وكم جتني أوجاع
وانا ابتسِمْ له.. كيف والجرح يوجع


أبغي دخيلك اخِذْ الصاع بالصاع
اخِذْ قضايه لين لِعْيون تِدْمَعْ


فزّاع يشكي لك.. ولا زلت فزّاع
لكن تغيّر حال وابغيك تفْزَعْ​
 
عودة
أعلى