على كثر اتصالات الخلايق في صباح العيد

الشعر, قصيدة , شعراء, القصايد ارسال إلى Twitter ارسال إلى facebook
  1. أميرKOKOالورد
    29-11-2008, 10:46 PM

    على كثر اتصالات الخلايق في صباح العيد

    على كثر اتصالات الخلايق في صباح العيد


    على كثر اتصالات الخلايق في صباح العيد
    انا والله ماكنت اتحرى غير جوالك
    تحريت اتصالك انت يالغالي وبالتحديد
    لان العيد ما اظنه يجي وما جيت في بالك
    تصور كيف مر العيد من تنكيد في تنكيد
    وانا ماغير اهوجس بك وانادي واتحرالك
    وجوالي غدى مثلي تنهد واكثر التنهيد
    يقول: ابطى عليك وقلت: العله ارسالك
    وقمت اكذب على نفسي واقول بصيغه التاكيد
    اكيد الحين بتكلم وانا ادري ماطرينا لك
    على مايبدو اني كنت عن بالك بعيد بعيد
    حرام ارجوك صدقني انا ما استاهل افعالك
    انا ملكك وانا دايم على ماتشتهي وتريد
    انا وياك تعرفنا كما المملوك والمالك
    انا رهن اصبعك اشر ومن هالايد الى هالايد
    على كل اعتباراتي انا طفلك ورجالك
    واذا غايتك تذبحني فما انت بحروه التاييد
    توكل وانت تلقاني متى ما تنوي إقبالك
    ولكن لا تعودني على الفرقا ونار البيد
    انا عايش على خبرك نعيم وجنة وصالك
    جفاك اليوم قيدني تعال وفك هذا القيد
    كلمني وعايدني وقلي انت وش حالك
    يا ليت العذر "فاتوره" عليك بحجه التسديد
    اخاف العذر هي قولة:نسيته رقم جوالك
  2. كلي شموووخ
    29-11-2008, 10:50 PM

    على كثر اتصالات الخلايق في صباح العيد


    كلمات في قمة الرووووعة



    تسلم اخوي على هالكلمات



    ** دمت بووووود **
  3. سميني حبيبي
    29-11-2008, 10:54 PM

    على كثر اتصالات الخلايق في صباح العيد


    يسلمو يا رب