قصيدة الامام تركي بن عبدالله لابن اختة مشاري ليواسية

الشعر, قصيدة , شعراء, القصايد ارسال إلى Twitter ارسال إلى facebook
  1. بسمة فرح
    25-11-2008, 02:45 PM

    قصيدة الامام تركي بن عبدالله لابن اختة مشاري ليواسية

    قصيدة الامام تركي بن عبدالله لابن اختة مشاري ليواسية


    السلام عليكم
    اليوم حبيت اطرح لكم قصيدة الامام تركي بن عبدالله لولد اختة مشاري
    والقصة هي



    وهذا مشاري ظل حبيسا لسنوات في سجون الوالي العثماني محمد علي في مصر وكاتب إبن عمه وخاله تركي بن عبدالله ال سعود مؤسس الدولة السعودية الثانية( الجد الثاني للملك عبدالعزيز ال سعود موحد الجزيرة العربية ومؤسس الدولة السعودية الثالثة الحالية ) ليفتديه بمال ويخلصه من سجنة وقد فعل بعض أن ضل سنوات طويلة جاوزت السبع سنوات يراسله ويواسيه .. وكان مما قال تركي بن عبدالله ال سعود في مواساة إبن أخته القصيدة المشهورة التالية والتي استنهض همة قريبه المسجون ويطمئنه على أحواله وأحوال نجد العزيزة .. فكان مما قال الأبيات التالية :



    طار الكرى من موق عيني وفرا=وفزيت من نومي طرا لي طواري
    وأبديت من جاش الحشا ما تورا=وأسهرت من حولي بكثر الهذاري
    خطن لفاني زاد قلبي بحرا=من شاكي ضيم النيا والعزاوي
    سر يا قلم وإكتب على ما تورا=أزكى سلام لأبن عمي مشاري
    شيخ على درب الشجاعة مضرا=من لابة يوم الملاقا ضواري
    يا ما سهرنا حاكمن ما يطرا=واليوم دنيا ضاع فيها إفتكاري
    أشكي لمن يبكي له الجود طرا=ضراب هامات العدا ما يداري
    يا حيف يا خطو الشجاع المضرا=في مصر مملوك لحمر العتاري
    من الزاد غاد له سنام وسرا=من الذل شبعان من العز عاري
    وش عاد لو تلبس حرير يجرا=وامتوج تاج الذهب بالزراري
    دنياك يا إبن العم هذي مغرا=ولا خير في دنيا حلاها مراري
    تسقيك حلو ثم تسقيك مرا=ولذاتها بين البرايا عواري
    اكفح بجنحان السعد لا تدرا=فالعمر ما ياقاه كثر المداري
    ما في يد المخلوق نفع وضرا=ما قدر الباري على العبد جاري
    وإسلم وسلم لي على من تورا=وأذكر لهم حالي وما كان جاري
    ان سايلوا عني فحالي تسرا=قبقب شراع العز لو كنت داري
    اليوم كل من عميله تبرا=وحطيت الأجرب لي عميل مباري
    رميت عني برقع الذل برا=ولا خير فيمن لا يدوس المحاري
    ونزلتها غصب بخير وشرا=وجمعت شمل بالقرايا وقاري
    وحصنت نجد عقب ما هي تطرا=مصيونة عن حر لفح المذاري
    والشرع فيها قد مشى واستقرا=ويقرا بنا درس الضحى كل قاري
    زال الهوى وألغى عنها وفرا=ويقضى بها القاضي بليا مصاري
    وإن سلت عمن قال لي ما تزرا=نجد غدت باب بليا سواري
    نعم الصديق إليا سطا ثم جرا=يودع مناعير النشاما حباري
    ومن أمن الجاني كفا ما تحرا=وتازي حريمه بالقرايا وقاري



    منقوووله
  2. النادر
    25-11-2008, 07:33 PM

    قصيدة الامام تركي بن عبدالله لابن اختة مشاري ليواسية


    نقل رائع
    يعطيك العافيه

    صح لسان الشاعر
    وتسلم يمينك

    بس ياليت ماتنسين تكتبين
    منقوله
    اذا كانت منقوله من غير منتدى

    للامانه الادبيه

    تحياتي
  3. بسمة فرح
    25-11-2008, 08:33 PM

    قصيدة الامام تركي بن عبدالله لابن اختة مشاري ليواسية


    تسلم على المرو اخوي النادر
    ومثل ماقلت صح السان من قالها ويرحمة برحمتة
    اشكرك على المرور الذي انار صفحتي