نطقت اسمك وذوبني!!!!

الشعر, قصيدة , شعراء, القصايد ارسال إلى Twitter ارسال إلى facebook
  1. رماد القناع
    01-05-2006, 11:28 PM

    نطقت اسمك وذوبني!!!!

    نطقت اسمك وذوبني!!!!


    مساء الخير جميعا....





    نطقت اسمك وذوبني .. وحبيتك أنا بسكات ..........

    ................. أحس اسمك يناديني .. وقلبك فاتح بابه

    أحس انا تلاقينا .. عقب ما طالت الغيبات ........

    .................... أحس اني معك دليت درب ضعت بترابه

    يمين الله إذا شفتك .. أفارق ماضي الاهات .........

    ............. أعانق حاضر ساحر .. قريت السحر بكتابه

    أنا ادري فيك جذابة ويذبحني صدى الضحكات ...............

    ...................... وانا ادري فيك ما تدرين انك حيل جذابه

    انا ادري فيك دلوعة .. تذوب بشفتك كلمات .............

    ................... دلع مخلوق لك انتي .. وبنات الناس تتشابه

    انا ادري فيك حساسة .. تحرق خدك النسمات ..............

    ................. ولو يجرح يديك الورد أنا اشهد ما نتي كذابة

    ألا يا مالك روحي .. وساكن بالحشا والذات ............

    ................... تدلل .. لو تبي روحي تجيك ان كنت طلابه

    تراني فدوة عيونك .. وحلمي أمنع الدمعات ..............

    .............. أجل وش فايدة حبي اذا الدمعات صبابه

    أنا ماني مثل غيري مع اللي يحبني .. بالذات ..............

    ........... أصير اقرب لها منها .. وأرد الدين لأصحابه

    أدللها وأدلعها .. وأعليها على النجمات .......

    ............... وأخلي القلب لو أخطت يبوح بقاسي عتابه

    أنا ماني مثل غيري .. غيري يعشق العثرات ..........

    ............. منى روحه وكل همه .. يناظر غلطة أحبابه

    أنا ماني مثل غيري .. غيري يكثر الخطوات ..............

    ....... وكل بنت تهياله بلا تفكير .. حيابه

    أنا ماني مثل غيري .. غيري وافر الكذبات ............

    ............... وبنت الناس مسكينة .. تقول : الناس كذابه

    أنا ماني مثل غيري .. غيري لو بكى شحات ............

    ............ يحاول يكسر الخاطر .. يقول : الروح منصابه

    أنا ماني مثل غيري .. غيري مسألة أوقات .......

    ......... ياخذ مايبي ثم يقول : شفيك نصابه

    أنا ماني مثل غيري .. غيري بالهوى ما مات ..........

    ........... يشوف ان الهوى لعبة .. ويمكن أحسن ألعابه

    أنا ماني مثل غيري يقول : ان البنات خبلات ............

    ............ يقول : البنت مهما تكون تراها بنت لعابه

    أنا ماني مثل غيري هويتك يالغلا بسكات ..........

    ............ ومحد يدري بحبي .. ومحد يعرف اسبابه

    أنا عارف طموح البنت تبي منهو يلم شتات ..........

    ....... تبي منهو يخليها .. تكون لعينه اهدابه

    وإنتي لو دريتي بي وفهمتي صادق الكلمات ............

    ......... يمين الله تحبيني .. وانتي مانتي مرتابه



    من الايميل العزيز
  2. بدوي ذوق
    02-05-2006, 01:41 AM

    نطقت اسمك وذوبني!!!!


    يطيك العافية أخوي
    فعلا أسرتنا بابداعك ونقلك تنمنى منك الاستمرار على هذا المنوال من العطاء والتميز
  3. نورالدنيا..عبودي..
    02-05-2006, 05:44 AM

    نطقت اسمك وذوبني!!!!


    الأسود ., كلماتك جدا رائعه ., والأروع منها هو إحساسك الجميل في أختيار هذه الكلمات .,


    يعجز قلمي عن كتابة إعجابي بهذه الكلمات الجميلة .,


    تحياتي واحترامي لك ., أختك في الله ., نورالدنيا .,
  4. سامي الحربي
    02-05-2006, 06:12 AM

    نطقت اسمك وذوبني!!!!


    بصراحه كلمات روعه
    كلمات ابحرت بنا في عالم اخر
    يعطيك الف عافيه اخوي
  5. بنت عز
    02-05-2006, 07:28 AM

    نطقت اسمك وذوبني!!!!


    نقل مميز ورائع

    ابحرت مع كلماتك الى اللا مدى

    دمت بود
  6. رماد القناع
    03-05-2006, 01:20 AM

    نطقت اسمك وذوبني!!!!


    كم هي رائعه ردودكم فلامثالكم نستمر بالكتابه

    لكم مني الشكر على المرور


    تحياتي وشواقي
  7. ᵽ¡ҋʞ ║•
    18-07-2011, 12:27 AM

    رد: نطقت اسمك وذوبني!!!!

    نطقت اسمك وذوبني!!!!




    إختيار موفق خيو ~

    بإنتظار جديدك ~

    تقبل مروري

    دمت بخير ~
  8. اعتزلت الغرام
    18-07-2011, 12:32 PM

    رد: نطقت اسمك وذوبني!!!!

    نطقت اسمك وذوبني!!!!


    جميله تلك الابيات

    تسلم ع نقلك و طرحك