كم زرعتك حُب تثمر لي عناقيدك / قهر .. !

الشعر, قصيدة , شعراء, القصايد ارسال إلى Twitter ارسال إلى facebook
  1. الله بجرحي كفيل
    09-11-2008, 08:06 PM

    كم زرعتك حُب تثمر لي عنآقيدك / قهر .. !

    كم زرعتك حُب تثمر لي عناقيدك / قهر .. !


    لاتمد الشوف صدر الضيق ماهو مستتر
    ....................ماكفاك إنك خذلته .. يوم بيدك / تكشفه

    ياترى هو كلما طال العمر مال / الصبر
    ....................وكلما مال الصبر / جانا الجراد / وأتلفه

    من حنين وذكريات الأمس وأحلام الصِغر
    ....................لين صمتي وإحتضار أشواق بك متلهفه

    كم زرعتك حُب تثمر لي عناقيدك قهر !
    ....................كني إللي يزرع إسهاده ، وبيده يقطفه !

    كم تعكزني شحوب الدهر أعرج / مِنكسر
    ....................كم شحذت الوقت يعطيني حلولٍ منصفه

    مو حرام إنك تخلي حسرتي بأول سطر
    ....................إنقضى عمري وأنا أدور لوجهي أغلفه

    قلت أصب النوم في عيني تغافلني سهر
    ....................لوّن أشيائي .. وباتت هالحلوم إمطرّفه

    طاحت متوني من متوني وصبري إنتثر
    ....................فوق خد الريح وأسراب البلابل ترشفه

    أعتلي مركاي واخذ من على رفّي كدر
    ....................وأقعد أتصفّح زمانٍ شاخ ، علّك تسعفه

    في غيابك يستفز الطير أغصان الشجر
    ....................وأنت مامليت من وسّع الفضا والرفرفه

    لاتخليني زجاجة غل في وسط / البحر !
    ....................لاتبيع إللي شرى ودك برخّص التكلفه .!

    مو مصيبه : لو أدور للعمر بعدك عُمر !
    ....................المصيبه لو مضى عمري وبيدك تنسفه

    شاعرك ماكنه إلا عاش للضيقه / صدر
    ....................فك أزاريره .. وطيّر لك حمامة أفئفه !

    عاشقك شافك بعينه موطنه بالمختصر
    ....................وإن بقى به مُختصرّ إنك تغيب وتجرفه

    ( أعطني حريتي أطلق يديّا ب أنتشر)
    ....................ليش يومن قال لك أطلق يديّا / إتكتفه !

    كنت له شمسٍ يداعب ضيها خد البحر !
    ....................كنت له غيمة وفا صادق ، تبلل معطفه

    كنت له أقرب لنفسه من ملايين البشر !
    ....................كل همه لاظلمّه الدهر .. قُربك ينصفه ؟

    عالاقل حس بحنينه ياخي الهجران مُر
    ....................ولّع البهجه طفى قنديل أيامه ( شفه )

    القهر : ماهو الا منك هجرته .. القهر
    ....................لالقاك وقال يامحلى الصدف / ماتعرفه



    مما راق لي ..



    مودتي
  2. بعدهم كلهم
    09-11-2008, 09:37 PM

    كم زرعتك حُب تثمر لي عناقيدك / قهر .. !


    رووووووووووووعه بصراحه

    الله يعطيك العافيه
  3. *مزون شمر*
    10-11-2008, 07:31 AM

    كم زرعتك حُب تثمر لي عناقيدك / قهر .. !


    قصيدة رائعه
    يعطيك العافيه عالنقل الطيب
    تحياتي
  4. الله بجرحي كفيل
    10-11-2008, 04:11 PM

    كم زرعتك حُب تثمر لي عناقيدك / قهر .. !


    مشكوووووووووووورين ع المرور الكريم00000000000