ملتقي الحباب ((وقصيده للشاعر حسين بن شتوي الحبابي في هذا المناسبه ))

هذه القصيدة لشاعر النظم والمحاوره الشاعر حسين بن شتوي الحبابي
بمناسبة الملتقى الأدبي الأول
لقبيلة الحباب المقام بالرياض بتاريخ 22/10/1429ه


من هجوس الشاعراللي نيته دايم سليمه
والقصيده مايهمه وزنهاولابحرها
البيوت العوج يصخرهاوتصبح مستقيمه
والبحورالسبع يسبحها وياخذ من دررها
يتعامل بالكلام الجزل ويصوغ الوسيمه
وان دخل روضة بيوت الشعريقطف من زهرها
واحمد الله لي مع أهل الشعر موهبةِ عظيمه
وبنت ابوزيدالهلالي قد دفعنا له مهرها
للقصيد مناسبات وكل شاعر له عزيمه
شاعِريقدريصخرهاوشاعرماقدرها
وشاعر ما يطرب الجمهورتكتب له قسيمه
لاكن الجمهورماكل القصايد ينتضرها
يا سعد يجذبني الغربي لما ذعذع نسيمه
واتعنى مع بني عمي لما جاني خبرها
غيرجهّزبندقي يامسندي وشداد ريمه
الهجوس تحوس وعيوني مطاولهاسهرها
لي ثلاث أيام تلعبي شياطينِ رجيمه
وفكري المشغول كم غبات وبحورِعبرها
اجتمع شعروحماس وشوق وافكارِقديمه
وحضرت الافكارفي ماجوبهاوالله ومرها
لجل ليله ننتضرها والليالي مستديمه
واتحرى يومهاواحسب متى يدخل شهرها
ليلةِتجمع لها شجعان ووجيهِ حشيمه
ليله بد الليالي غير وينّوّر قمرها
جيت متعني وتدفعني شهاميه وشيمه
وحفلةِ تجمع بني عمي تجّمل من حضرها
ملتقى ربعي فخر وانجاز والدنيا مقيمه
واشهدان هذالفخر يحسب مع ماضي فخرها
وقفهِ قدامهم تبرى بها النفس السقيمه
ووشوفهم يجلى العيون العمي ويجدد نضرها
بيّض الله وجه راع الجود واليمنى الكريمه
صامل الوقفات راعي فزعه كلِ شكرها
الاوله من نوعها وافكارهاماهي ذميمه
فزعه لابن عجيّّان ونشرها من نشرها
واصبح اول من دعم بالمال يا مال الغنيمه
واعتزى بأسم الحباب وجاب ربعه من ديرها
ونشكراللي وقفتة دون ابن عمه ماتضيمه
راعي الفكره وطوّرها وكفه ماقصرها
اللواء حسين الحبابي راعي الارياءالحكيمه
وقفته بالمال والتشجيع عنّا ماذخرها
وغيرهم واجد وانا مارضى لهم مني هضيمه
لواعد اللي دعم بالمال وشلون اختصرها
اجتماع من تغيّب منه كتبت له حريمه
وخطوةِ يادوبنا يادوبنا نجني ثمرها
مرحبا بضيوفنا والضيف يقلط للوليمه
عد ما تبرق بروق الصيف ويهمّل مطرها
مرحبابأسم الحباب اهل المواقيف العديمه
ماحدن يجهل مكانتها ولا يجهل ضفرها
عندناللجارقدروعندناللضيف قيمه
ومستمدينِ اسلوم اجدودنا نمشي باثرها
كم وكم فيناشجيع وكم وكم فينا صتيمه
مانمالي وان حضرنا المعركه دسنا خطرها
رافعينِ روسنا بالعز ما نرضى الهزيمه
وسايدينِ في الجزيره من يمنها لي قطرها
والرجل منا على وضح النقاء يلقى خصيمه
والعداء من فعلنا تحتار وتموت بقهرها
والذليل ان شافنا ينحاش ويذب الخريمه
ودايم الاجناب من غاراتناتاخذ حذرها
وان غزينا القوم غزوتناعواقبها وخيمه
وروسنا تقدح شرارونار ويوقف شعرها
والحبابي باللخوي دايم علاقاته حميمه
وان لقى الغلطه بلعها وان لقى الزله طمرها
يتحمل له خطاه وكل طقه بتعليمه
و يتعداهاويسترها مدام الله سترها
مانخاوي اللاش والناقص ونقال النميمه
وعارفينِ ان حفرة الرديان تاكل من حفرها
جارنا ندرى عليه امن المسبه والشتيمه
وله مكانه ماتغيّروان كسرهاوان جبرها
ومجتمعنا ما يشجعنا على فعل الجريمه
والولاءمنا لدولتنا وننصرمن نصرها
والقبايل كلهم وافين ما احب الظليمه
والديارانعرف اهاليها ونعرف من عمرها
تحت حكم العودابومتعب عسى ربي يديمه
الزعيم اللي بطولاته تشرف من ذكرها
جيت اشارك والقصيده ياسعد ما هي يتيمه
شاعرفي الحفل جرالصوت ووروده نثرها
والنهايه ذكرمن يحي العظام وهي رميمه
يا عسى يكتب لي التوفيق وذنوبي غفرها
وياصلات الله لمن يشفع من النار وجحيمه
عدمن تطلع عليه الشمس يوم أسفر سفرها





الشاعر حسين بن شتوي الحبابي


منقول
 
عودة
أعلى