12

والله ان احر من دمع اليتيم دمعه رجال من فرقى مره

اروع مسجات ورسائل جوال جديده
  • ارسال إلى Twitter
  • ارسال إلى facebook
  • ارسال إلى google plus
    1. اتحادي
      02-11-2008, 07:17 PM

      والله ان احر من دمع اليتيم دمعه رجال من فرقى مره

      والله ان احر من دمع اليتيم دمعه رجال من فرقى مره



      صرت أنا للحب والدمعة أسير
      في حياتي يوم راحة ماظهر
      مظهري جنه ومضموني هجير
      مرقدي تمثيل والواقع سهر
      جيت يمك وأنت عزمت المسير
      صرت ضدي مع صواديف الدهر
      الوداع فراق والموقف مرير
      والعزى ماضيك والحاضر قهر

      --------------------

      وعذابي كان لي نفس صحيحه
      خيرت مابين صدك والمنيه
      أن نويت البعد ضاقت بي الفسيحه
      وأن بغيت القرب خان القرب فيه
      كيف بخفي الحب وجروحي صريحه
      كيف أحجب الشمس ياخلي بيديه
      كيف أداوي علة النفس الجريحه
      وين أودي دمعة العين الشقيه

      -----------------

      من مواني الليل لعيونك سريت
      ودمعتي تحلف علي أهلها
      كم بكيت بداخلي لو مابكيت
      كبرت همومي وقلبي شلها
      كم تناسيتك ولكن مانسيت
      لو تغيب الشمس يبقى ظلها
      بأنتهي بك مثل مافيك أبتديت
      وماسوت عزة زماني وذلها

      -------------

      أنا بدوي وبعيشتي ماتنعمت
      ورمز البداوه سيف وللكيف دله
      محبوبتي صحراي في حبها همت
      أعشق سهلها والرجوم المطله
      يكفي إني من البداوه تعلمت
      إن الركوع لغير ربي مذله

      ----------------

      شكواك للي طالبه مابعد خاب
      ودعواي لك يالله تطول سنينه
      كم واحد من الحب منصاب
      الحب قاتل ماأحد يقدر يدينه
      يادمع عيني لمن تغرب ومن غاب
      ياشيب عيني لمن يفارق ضنينه
      قلبي عذلته لكن القلب ماتاب
      والحب تلعن ساعته وسنينه

      ----------------

      أبشتكيلك دامك أعز الأصحاب
      شكوى جريح يبتسم من ونينه
      القلب ياخلي جريح ومنصاب
      خلا دموع العين تنزف حزينه
      على هنوف صكوا دونها الباب
      من عقب ماحنا ظنين وظنينه
      حلفت ماأنساها ولو فوقي تراب
      وأنا بوسط القبر لأقول وينه

      -----------------

      يامرحبا أعداد ما لاحت بروق
      ترحيبة المؤمن بحكم الشريعه
      رسالتن جتني من أعز مخلوق
      ومن كان مثلك طيب مانبيعه
      ياطيب الجدان من جذر وعروق
      أفعالهم كل الخلايق تذيعه

      ----------------

      من يوم ماذوقتني حر فرقاك
      واليأس والحزن في حياتي غرسته
      شريت لي ثوب على شان لقياك
      والثوب راحت موضته ما لبسته
      وشريت عطر مازهاني بلياك
      أربع سنين بعلبته ما لمسته



      أرسلك المرسول يامعرب الجد
      من ساس قوما"يحتمون المظله
      يحمل تحياتي بها الود ممتد
      من ضامري ماهي سواليف شله
      البعد ماعنه الرجاجيل تنحد
      لو حال من دونه سماء نجد كله
      والحر مهما راح لابد مايرد
      للنايف اللي كل حر فطن له

      --------------

      الليالي شرهتني ودنياي أمحقاء
      بين كتمان الحقايق وشرهات الرفيق
      والله أني ماتوقعت مدري ماهقاء
      ينخدع فيني صديق وغيره في حريق
      مستعد أقضي العمر من دون أصدقاء
      بس ماأخون الصداقه ويجفاني صديق

      -----------------

      مافيك عيب إلا قلبك متيني
      وتصد عني والصدود القطيعه
      إن كان واصلني فهذي يميني
      مبسوطه لك والمواصل شريعه
      0وإن كان قاطعني يبالله يعيني
      مر الفراق ولا حلاوة خديعه
      لكن صبري والرجاء واليقيني
      وسيلتي عن كل بلوى وجيعه

      -----------------

      كان ودك ماتزيد الصدر ضيقه
      لاتسمع للدعاوي والشكاوي
      وش يهمك وش صديق من صديقه
      مامشالك بالمحاسن والمساوي
      رافق اللي فاهم واجب رفيقه
      لانخيته جاوبك راعي نخاوي

      ----------------

      غربة عمر منها المشاعر عطيبات
      ولجل الرجاء جربت كل الطرايق
      ورد الامل في زحمة اليأس مامات
      يحيه دمعن به رموشي غرايق
      بصوتي أجاوب صرخة العمر باهات
      مدام حظي من عناء الوجد عايق

      -------------------

      وش حيلة اللي علته داخل الجوف
      نار الفراق بوسط صدره تصلى
      وش حيلتي ياناس والحال منصوف
      منصوف نصفين على اللي تغلى
      نصفه يقول أصبر يمكن يحن ويروف
      ونصفه يقول اللي تغلى يخلى

      -----------------

      يازين حبك رج قلب العناء رج
      شف له طريقه قبل توقف عروقه
      أما تدور له عن الحب مخرج
      ولابعد حرقه تداوي حروقه
      هذي سنه وخيول حبك تسرج
      من فوق قلبي لين بانت فتوقه
      أما أنتصافا بالهوى ونتهرج
      ولانكب الحب ونكب سوقه

      ----------------

      زينه على كل المخاليق غطى
      عقل وجمال وخف دم مخلوطي
      عمره صغير وجاهل توه ماتغطى
      ولاغيره أحد يخيط قطوطي
      غرون على عرش البنات أيتوطى
      قطع على الزينات كل الخطوطي
      ياليل قلبي على قلبي أخطى
      حط القدر بيني وبينه شروطي



      مات حبك والبقية في حياتك
      في حنايا خافقي لاقى مصيره
      خذ مع الجثمان باقي ذكرياتك
      تجربه حبي معك كانت مريره
      مايعرف الحب من سوى سواتك
      يجهل الإخلاص من ضيع ضميره
      غرني ياصاحبي ظاهر صفاتك
      غلطتي يا للأسف كانت كبيره

      ----------------

      شخص يضرك جعل ربي يشله
      أصعب شلل يكون مايوجد دواه
      ولابرص يضفي على الجسم كله
      يبدأ بوجهه ثم يمشي على عضاه
      ولا مرض طاعون حتى يغله
      يسمع علاجه بس من دون يلقاه
      ويصاب بالسكر حتى يحله
      حتى المشي بالرجل ماعاد يقواه

      ---------------

      صديقنا الصادق بروحي فديته
      وعدونا يخذل ويقهر وينظام
      وللاش ولد اللاش لامن لقيته
      مع كلاب الضير نرمي له عظام
      وأنا معك بمشي بدرب مشيته
      سوا سوا لاقلت قدام قدام

      -----------------

      من دون ماأقصد ياهوى البال مريت
      قدام بابك وأنجبرت أشتكيله
      ياباب قله في عذابي تماديت
      ومرت على فراقه سنين طويله
      شوقي فضحني في عيوني وصديت
      الدمع مايرحم وماقويت أشيله

      -------------

      العام رجلي بالطويله تعدي
      واليوم كني مكتف الرجل تكتيف
      ضيعت عمري في أسترح وأستعدي
      نوب جزاء ونوب أنقريه وتنظيف
      يارجل سجي وياعين لدي
      لديار نجد وعاليات المشاريف

      ---------------

      مني للغالي سلام وتراحيب
      مضمونها تقدير من قلب صافي
      سلام ياراعي الوفاء والمواجيب
      سلام يارجل مع الناس وافي
      أجيك لو ماأرسلت يمي مناديب
      اصلك لو أني على الرجل حافي
      --------------
      خانت الأيام شخص مايخون
      ولاهقيت أنه كذا طبع الزمن
      كيف أصبر وأعيش مغبون
      كيف اداف طالما الحظ أندفن
      بس ليه أشكي وأحسب للظنون
      وراس مالي تالي الدنيا كفن
      ذي بداية والنهاية وش تكون
      هو يزول الهم عني ما أظن
      ----------------
      سافر حبيبي مابقى غير تذكار
      تذكار عين للمحبة سهيره
      سافر وقلبي من عنا البعد صبار
      مبعد من عيوني وقلبي يديره
      أجامل الضحكة وقلبي على نار
      والجمر في جوفي تزايد سعيره

      عرفت بحياتي لوعت الوقت والحرمان
      وعرفت العذاب وتعبت أميز ألوانه
      وجلست أذكر الماضي على قول كان وكان
      غرام حفظته ياعسى صاحبي صانه
      تراك بحياتي نابض القلب والشريان
      ودونك حياتي ياهوى البال خسرانه
      ----------------------
      سلام ياشيخ تربى على الطيب
      سلام يارجل عزيز وغالي
      تعيش ياحر تعلى المراقيب
      حر ولد حر على الرجم عالي
      يحتار فيه الشعر تشريق وتغريب
      رجل عزيز النفس ماله مثالي
      رجل الوقفات راع المواجيب
      صلف على الصكات مابه جدالي
      -----------------
      غايتي ومناي بالدنيا رضاك
      لو يقولون العرب صابه جنون
      لو جفوني من نهوني عن هواك
      لو رضيت فراقهم عندي يهون
      لو تغيب سنين قلبي مانساك
      لو تعذبه المواجع والطعون
      حالف ماأنساك لو بعدك هلاك
      ومن حفظ عهد المحبة مايخون
      --------------------
      هذي رسالة تاصلك في قصيدة
      فيها بأعبر لك من القلب بإحساس
      أببتدي وياك صفحة جديده
      ولا أتركك وأتوب ياشمعة الناس
      لا تبتعد عني بديره بعيده
      كيف يتحمل غيبتك قلب حساس
      ------------------
      وصلك مثل غيم الربيع أستخيله
      وأنا على باب المحبة رجاوي
      حاولت قربك مالقيت الوسيله
      أنا أشهد أني بالمحبة شقاوي
      مالي على مايجري اليوم حيله
      ولاني على بعد المحبين قاوي
      --------------
      ولعتني يانور عيني وصديت
      وخليتني من طول هجرك أعاني
      مدري جفاء مدري علينا تغليت
      ولا دخل في جوكم شخص ثاني
      وأنت الذي في وسط عيني تعليت
      وليا ذكرتك داعي الشعر جاني
      ماطاب لي زاد ولا مقعد البيت
      حتى لذيذ النوم راح وجفاني
      ------------------
      ليتك تعرف أن الهوى سهم ذباح
      وقلوب عشاق المحبة رقيقه
      وليتك تعرف أني ليا شفت رقمك أرتاح
      والقلب يسعد يوم يلقى رفيقه
      أنا الحزين وباقي الناس بأفراح
      وأنا الأسير وخلق ربي طليقه
      -----------------
      مايبعدك عني ولا أي مخلوق
      وإن غبت يبقى في غيابك خطوره
      مثل الشجر مهما رفع هامته فوق
      يبقى مصيره مرتبط في جذوره
      حنا تخاوينا على سلم وطروق
      ياحلو خوة طيبين المشوره
      -----------------
      أسأل وأنا كلي من أجلك إجابات
      كل الصعايب لأجل عينك سهاله
      يضيق صدري لو بقارقك لحظات
      وأصير بعدك بألف حاله وحاله
      لو كنت غايب وأبعدتك المسافات
      لك صاحب ماغبت عن خياله
      -------------------
      أنا الذي من بدة الناس أغليك
      وأنا الذي عينه تراعي خيالك
      وأنا الذي لو تزهمه ماتعداك
      وتطلبه في كل حزه عنالك
      يالعنبو دنيا تهمك وتشناك
      موتي ولا شيء يكدر مزاجك
      هذا كلام اللي يعزك ويفداك
      ماهو كلام اللي يدور ضياعك
      ---------------
      سيدي بالحال رد النظر
      وأرحم محب حياته بين يديك
      إلى متى يازين وأنا أنتظر
      صبري قضى والعمر منك وإليك
      الناس طلعت على سطح القمر
      وأنا معك ماقدرت أوصل إليك
      ماعاد باقي علي إلا أنتحر
      وأموت لجلك حسبي الله عليك
      --------------
      ليه يا دنيا تعزين الرخوم ؟
      والشجاع يعيش عمره في نكد
      تطرحينه كل ما حاول يقوم
      كل ما يبني يفاجأ با الهدد
      والخبل جظه ورى ذيك النجوم
      عالي مرتاح دايم في سعد
      والشجاع تحاصره سود الهموم
      وان تخلص من نمر طاح بأسد!
      ---------------
      للفرح يوم هليت في قلبي
      هبوب
      ما اظلم زماني يوم عن الكون
      غايب
      لك بسمة تتملك الكون
      بالطيب
      ولك نظرة سوت بروحي
      العجايب
      يا جعل عمرك سعد وايامك
      تطيب
      وجعلني فدا حبك ماعنه
      تايب
      ---------------
      حرام ما ترحم
      احوالي
      وانا اللي بك عرفت
      نفسي
      اشوف في طيفك
      امالي
      وانسى في بسمتك
      امسي
      الا يا أغلى من
      الغالي
      عساني في همستك
      منسي
      ----------------
      لاتسأليني عن سبب كتم الاحزان
      بس اسأليني عن غيابي وحضوري
      لاتسأليني عن سبب دمع الاعيان
      بس أسأليني عن دواعي سروري
      لاتسأليني عن تصاريف الأزمان
      أجامل أحبابي وربعي والأخوان
      جبر الخواطر صار معنى حضوري
      أعطيهم الفرحه وأنا وسط الاحزان
      وأجبر كسور الغير وأهمل كسوري


      بسألك ليه الهوى منك وفيك
      ليه المشاعر ما تعيش إلا بساعة شوفتك
      ليه المحبة والوفا وأبيات شعري تهتويك
      ليه أنت وبس اللي أموت ببسمتك
      تدري لو مرة أقول إني كرهتك ما أبيك
      يرجع علي صوت الصدا يقول
      الله ما أكبر كذبتك





      ودي أكتب والقلم عيا يطيع
      مدري الأشواق والا انت السبب
      كيف أعبر والحكي مني يضيع
      اسعفيني يا قواميس العرب
      يا حروفي اشعر بشي فظيع
      في خفوقي نار وأشواقي لهب
      هذي أقلامي بكسرها جميع
      في سكوتي تصبح أشواقي ذهب


      ان شاء الله تعجبكم منقوووووله
      250*300 Second
    2. ™¨° قديمك نديمك °¨™
      02-11-2008, 09:37 PM

      والله ان احر من دمع اليتيم دمعه رجال من فرقى مره


      أبكي قصيدة وأشبك البيت بالبيت
      وأشكي قوافي الليل من كل ضيقه
      وأدخل بحور الشعر لا من تجليت
      وأغوص في وسط البحور العميقة
      في حبكم لاني بحي ولا ميت
      كني كسير الطير ماله طريقه



      ذائقه رائعه أختي ..

      ومنقول موفق ..

      دمتي بود ..
    3. اتحادي
      03-11-2008, 09:44 PM

      والله ان احر من دمع اليتيم دمعه رجال من فرقى مره


      يسلموو عزيزي ع المرور الحلو
    4. ملاك ونظرتي هلاك
      04-11-2008, 03:25 PM

      والله ان احر من دمع اليتيم دمعه رجال من فرقى مره


      ابكي قصيده وأشبك البيت بالبيت
      وأشكي قوافي الليل من كل ضيقه
      وأدخل في بحور الشعر لامن تجليت
      وأغوص في وسط البحور العميقه
      في حبكم لاني بحي ولا ميت
      كني كسير الطير ماله طريقه

      روووووووووووووووعه

      يعطيك العافيه ياعمري
    5. &كبرياء أنثى&
      06-11-2008, 07:02 PM

      والله ان احر من دمع اليتيم دمعه رجال من فرقى مره


      في منتهى الروووووووووعه
      يسلمو
      تقبل مروري
    6. اتحادي
      07-11-2008, 08:11 AM

      والله ان احر من دمع اليتيم دمعه رجال من فرقى مره


      شاكره لكم ع المروووووووور الرائع
    7. °° مجنونة خالد °°
      07-11-2008, 08:39 AM

      والله ان احر من دمع اليتيم دمعه رجال من فرقى مره


      جدا" رائعه ..
      يعطيك العافية يا قمر .......
    8. البرنسيسة وصلت
      07-11-2008, 09:56 AM

      والله ان احر من دمع اليتيم دمعه رجال من فرقى مره


      مشكوره

      ع القصيده الرائعه

      تقبلي مروري
    9. **الماسه الحساسه**
      07-11-2008, 03:53 PM

      والله ان احر من دمع اليتيم دمعه رجال من فرقى مره


      أنا بدوي وبعيشتي ماتنعمت
      ورمز البداوه سيف وللكيف دله
      محبوبتي صحراي في حبها همت
      أعشق سهلها والرجوم المطله
      يكفي إني من البداوه تعلمت
      إن الركوع لغير ربي مذله

      *
      *

      روووعه المسجات يسعدك ربي.......
    10. اتحادي
      08-11-2008, 02:44 PM

      والله ان احر من دمع اليتيم دمعه رجال من فرقى مره


      شاكره لكم ع المرووووووور الحلوو
    12