سامحيني سامحيني سامحيني

والله اني عفتها عفت القصيد
بعد ما خانت ليالينا الطويله

وبعد ما سكنتها وسط الوريد
الفراق اضحى ولا لي عنه حيله

كيف بعد العهد يتلاشى الرصيد
كيف تنسى كيف ارتابت بليله

ليش ترتابي وانا حبي شديد
والا هذا طبع يالبنت الاصيله

طبع والا غدر وش عادت تفيد
انتهيتي اليوم واصبحتي ذليله

كيف عهد الحب لو عنه احيد
كيف برفع هامتي وسط القبيله

بسئلك بالله لو عقلك رشيد
ترحلي والخيل يبكيني صهيله

ما قتلتيني وانا مثلي عنيد
نجمك اللي غاب واشواقك قتيله

تندمي والحلم فى حلمك شريد
هان دربك مات ضيعتي دليله

ايه زهره ذابله نبضك وحيد
كان دمعي لجلها يجري مسيله

تندمي وتشيلي في صدرك حديد
يا حسافه زود وهمومك ثقيله

والله لو شفتك باسواق العبيد
ما شريتك جاريه والا خليله

اعزفك فى لحن مطرود جديد
هذا قلبي عاف واقسم لك رحيله

وسامحيني سامحيني سامحيني
سامحيني سامحيني سامحيني

سامحيني يالقصايد لو ابيد
كل كلمات المحبه والفضيله

سامحيني يالرسايل فى البريد
يوم انا مجنون فى عشق البخيله


مصافحه جديده من كلماتي

اتمن ان تلامس افئدتكم الطاهره

وتنال الاستحسان

ودمتم

غرور شاعر

محمد الاشموري الهاشمي


 
الله عليك يالشاعر
قصيدة رائعه تلامس الوجدان
صح السانك و سلم بنانك ولا هنت
ويعطيك العافيه
دمت بكل خير

ولجماله تثبت لمدة اسبوع
 
الله عليك يالشاعر
قصيدة رائعه تلامس الوجدان
صح السانك و سلم بنانك ولا هنت
ويعطيك العافيه
دمت بكل خير

ولجماله تثبت لمدة اسبوع


مزون شمر

وشمسها وعطرها

اشكرك اختي جزيل الشكر


ولا اجد الكلمات اللتي تفي وتعطيك حقك

سرني جدا جدا جدا تثبيت قصيدتي واحسست بالبهجه والسعاده


وما سرني اكثر واكثر واسعدني اكثر واكثر


هو حضورك العاطر


دمتي بكل شموخ وتقدير​
 
عودة
أعلى