خيال

الشعر, قصيدة , شعراء, القصايد ارسال إلى Twitter ارسال إلى facebook
  1. رماد القناع
    25-04-2006, 12:31 AM

    خيـــــــــــــــال

    خيال


    أسولف على نفسي وأحسبك تسولف لي
    أحسبك معي جالس وأنا جالس لحالي
    أبنشدك يالغالي ولاأبيك تحلف لي
    هو إنت إنت (( يالغالي )) مثل ماأنت 00 يالغالي00؟؟
    تكلم00 قبل حزني من الصمت يعزف لي
    جروح بصدري مالها(( أول ولا تالي ))
    وقبل ماصف اشعوري 00أبي منك تاصف لي
    شعورك بدوني00 مامعك غير ترحالي00!!
    تأسف00؟؟على وشهو حبيبي تأسف لي00؟؟
    أنا (( المر)) لو هو(( مر)) منك أشربه حالي
    أنا من كثر ماأجهلك صرت تعرف لي
    وأنا من كثر ماعرفك صرت أجهل أحوالي00!!
    إذا جيت أبي أنساك 00 ذكراك تاقف لي
    عيوني إذا ماشافتك00جيت في بالي
    خيالك معي من وين ماأروح يصدف لي
    وأنا كيف أصد أو إني أهرب عن ضلالي
    زرعتك (( بوسط القلب )) من شان تقطف لي
    زهر عمري اللي راح مني على الخالي
    على كثر مالأحباب بالحب تهتف لي
    يصير الحبايب لاهتفت إنت00عذالي
    كفايه إليامن جيت مقبل تعطف لي
    من اقبالتك أنسى همومي وغربالي
    وكفايه إليامن قمت بالحب تهنف لي
    كأني بهاكالساعه امحقق امالي
    كأن الغرام اللي إنولد بيننا00 طفلي
    أداري غرامك مثل ماأداري عيالي
    دخيل البروق اللي بخدك تكاشف لي
    ترفق بحالي طالبك (( يابعد حالي ))
    ترا في يدك مفتاحي وفي يدك قفلي
    وترا مالقفلي غير مفتاحي الوالي00!!
    وإذا أخطيت (( يالغالي )) علي لاتأسف لي
    لأن الخطا منك إنت (( غالي )) ومن (( غالي ))





    للشاعر / فيصل بن طواله
  2. عابر^سبيل
    25-04-2006, 01:45 AM

    خيال


    صح الله لسانك يالاسود وقصيدة طيبه.
    عاش الشاعر ابن طواله وعاش القسم بحضور شعره.

    دمت لنا يالاسود بكل خير ومحبه.
  3. شوق الغوالي
    25-04-2006, 01:51 AM

    خيال


    كلمات جميله أخي الغالي ,,

    يعطيك ألف عافيه ..

    تحياتي لك ..

    .

    .
  4. ميت بعيوونها
    25-04-2006, 11:50 PM

    خيال


    موضوووع جميل
    ان شاء الله في تقدم
  5. رماد القناع
    26-04-2006, 12:12 AM

    خيال


    شكرا لكم اعزائي على تواجدكم هنا واسعادي بردودكم اللطيفه

    تحياتي واشواقي