مصيرا ليوم

الشعر, قصيدة , شعراء, القصايد ارسال إلى Twitter ارسال إلى facebook
  1. عشقي سراب
    23-04-2006, 02:49 AM

    مصيرا ليوم

    مصيرا ليوم


    مصير اللي مجافيني .. يجي له يوم يذكرني ............

    ............ مصيره .. لي يحن قلبه .. و دمع العين يبكيني

    مصيره .. يذكر أيامي وهمساتي وضحكاتي ............
    ............ مصير اشواقه تعيده .. يِفزْ من نومه يجيني

    مصيره .. يشتكي بعدي و قلبه ينكر احبابه ............

    ............ إذا ما غمضت عينه .. من اعماقه يناديني

    وساعتها ومن قلبي .. تثور اشواق تتحدى ............
    ............ أنا يا حبّة الرمله .. سحابه كيف تلقيني

    أنا لا قلت لك قادر .. أشق الشوق بيديني ............

    ............ تراني ما ني صغيّر .. تجي انتي تِحَديني

    ( ي َ) انتي إلزمي حَدك .. ترا ( ي ) كبير حد قدّك ............

    ............ بصبع صغير باشيلك .. تعنّيني .. تمنّيني

    أنا لا اهْتزّت الشجره .. أجي والريح في وجهي ............

    ............ وأنا لا قلت لك ثابت .. جبل .. يا ريح حركيني

    و اقول اني على كيفي .. أنا ما همّني كيفك ............

    ............ ولو شفتي جناحي ( حط ) .. تعالي وامسكي فيني

    أنا لا قلت لك ناسي .. ترا كذبي بيعميني ............

    ............ تصدقي .. حتى إسمي ضاع .. مع جملة عناويني

    ولكن .. ما قدرت أنسى .. بأنّك يوم هنتني ............

    ............ خدعتني .. خدعتني .. بعالي الصوت خنتني

    أنا ما أقدر اتلوّن .. كما الحربا .. على لونك ............

    ............ ولا ألبس عشان أوصل .. ملابس زيف ( الحْصيني )

    تراه اسلوبك اجبرني .. أغش .. أخدع وأتحايل ............

    ............ إذا إنت ذكيّ جَد .. رضيت انك تعلمني

    ويعني .. أيش فيها منك .. أتعلّم وأتخرّج ............

    ............ أجي أضحك وامثّل بالكذب وانت .. تصدقني

    أنا ما فادني صبري .. وضِيقي صار لي عاده ............

    ............ على ذا الحال ما قادر .. أشوفك .. واخدع سنيني

    أنا صابر .. و صبري مَلْ .. كما طفل ٍ يمَلْ مهده ............

    ............ ولو ساكت وأتحمّل .. أبِي ما يشمتوا بي




















    من مواضيع عشقي سراب : (::) مصيرا ليوم
  2. عابر^سبيل
    23-04-2006, 03:11 AM

    مصيرا ليوم


    اخوي الفاضل عشقي سراب والله قصيدة برأي اكثر بمليون مره من رائعة والمعني فيها ابدع واكمل ايضا .
    نالة هذه القصيدة على استحساني وارجوا لك ولها التوفيق ورضا الجميع.
  3. عشقي سراب
    23-04-2006, 04:24 AM

    مصيرا ليوم


    شكرا اخوي على الرد.....................عشقي سراب انثى وليست ذكر
    من مواضيع عشقي سراب : (::) مصيرا ليوم
  4. شوق الغوالي
    23-04-2006, 08:15 AM

    مصيرا ليوم


    خيوط من حرير ,,

    تزهر الحياة ..

    وها انت ترقصين بكلماتك العذبه

    لتلمع أسطر الحياة بكل الأعين ,,

    قصيده رائعه جداً .. بإنتظار جديدك ..

    تحياتي لك ..

    .

    .
  5. فتووون
    23-04-2006, 09:12 AM

    مصيرا ليوم


    في روعة متناهية

    واحساس بلا حدود

    يمر بنا " عشقي سراب " وينثر على جنبات الصفحة هذه الباقة من الزهور

    تحياتي واشواقي " فتوووون"
  6. ميت بعيوونها
    23-04-2006, 11:10 AM

    مصيرا ليوم


    واو ياه
    كلام رائع من يدين رائعتين
    تعجز الكلمات عن وصفها والعينين
    مشكوووووورة ونتمنى المزيد