ياقو قلبك تلمح لي بتنساني

ياقو قلبك تلمح لي بتنساني
...............مقساك والله اذا. ناوي تسويها
تبي الصراحه ترى تفكيرك اعياني
...............ونيتك تكفى حبيبي لا تخبيها
خلك معي واضح ٍ ياسيد خلاني
...............ترى الصراحه تريح دوم راعيها
عطني الحقيقه ولو بتجدد احزاني
..............حي الحقيقه وحي الله طواريها
خلاص قلها وقل بتفارق احضاني
...............خلاص بتروح ودروبك بتمشيها
بتروح في عالمك وتغادر اوطاني
...............الله يهنيك والفرحه تلاقيها
لا تشيل همي ولوهي تدمع عياني
...............بصارع الهم وجروحي بداويها
بصبر على الهم واللوعه ونيراني
...............ونار الغدر يا بعد عمري بطفيها
يا ليت ربي مثل ما عطاكم اعطاني
...............قلب ٍ جسور ٍ سهوم الغدر يهديها
ويلي على ايام فيها كنت تهواني
...............اموت فيها واموت بكل طاريها
ويا قو قلبك اذا قررت تنساني
...............ويا شين قلبك اذا ودك.. تسويها


منقوووول
 
التعديل الأخير بواسطة المشرف:
عودة
أعلى