12

حامد زيد في صفحات منتدانا

المواضيع الأدبية التي لا تندرج ضمن باقي الأقسام
  • ارسال إلى Twitter
  • ارسال إلى facebook
  • ارسال إلى google plus
    1. صـــ الاحـــزان ـــدى
      17-04-2006, 03:53 AM

      حامد زيد في صفحات منتدانا

      حامد زيد في صفحات منتدانا


      لقاء مع شاعر
      لقاؤنا مع المتألق دوما اللي يشتهر بطريقة إلقائه الممتعة والجاذبة
      يستحوذ عليك بنبرة صوته القاتم القادر على إيحياء قصة بتسلسله و كلامه الساحر
      معنا اليوم الشاعر الكبير ... شاعر الصغير قبل الكبير ... الشاعر حامد زيد :16صدى الأحزان: حامد زيد بداية نرحب فيك بمنتدانا منتدى عبير... منورنا والله اليوم بحضورك..
      بسأل سؤال إعتيادي دوم ينسأل ولازم تعرف الجمهور فيك حامد زيد .. من أنت ؟
      حامد زيد :
      مشتهر بلسان صادق ما حكيت الصدق زور 000 ولا حكى عني لساني ولا جهرت ولا جهر
      كم كتمت السر وافي خايف أعصابي تثور 000 لين باح السر لما مدمعي بان وظهر
      ولا طوت رجلي مسافة ولا أثرت فيني شهور 000 ولا كوت قلبي حريقه ولا طفى ضوي نهر
      معتري درب النهاية بعبر ضفاف البحور 000 وأشبك الدنيا بكفي وأدفع أيامي مهر
      صدى الأحزان: كم عمرك شاعرنا؟
      حامد زيد :
      صحيح أني صغير السن ولكن قدها وقدود 000 وأنا عندي مع الدنيا مواقف ترفع الهامة
      طموحي يملىء العالم ولا به للطموح قيود 000 مدام أن الأمل طبعي عرين صرت ضرغامة
      صدى الأحزان: شلون تقدر توصف لنا حب الإبن لأمه ؟
      حامد زيد :
      أمي لها بالقلب والجوف منزله 000 ومكانة ما كل محبوب نالها
      أقرب من ظلالي وأنا وسط غربتي 000 وأنا ترى أقرب لها من ظلالها
      ما شافت أعيوني من الناس غيرها 000 ولا خلق رب الخلايق مثالها
      أغلا بشر في جملة الناس كلهم 000 وأكرم من أيدين المزون وهمالها
      أتبع رضاها وأرتجي زود قربها 000 واللى طلبته من حياتي وصالها
      صدى الأحزان :الله... الله ربي يخليلك الوالدة …حامد زيد أوصف لنا موقفك من الحب واللي يحب ؟
      حامد زيد:
      ملعون أبو العشق دلعها 000 لا صارت البنت تأمرنا وتنهينا
      تجزم على الرأي والكلمة وتقطعها 000 وحنا الرجاجيل لا رحنا ولا جينا
      صدى الأحزان: صح لسانك والله...حامد أكيد كل إنسان مر في ظروف صعبة تقدر توصف لنا هالظروف الصعبة كيف بتكون؟؟
      حامد زيد:
      جتني ظروف للكدر مستعده 000 قامت تحدد لي الأحزان ميعاد
      مرة تجي للحظ ومرات ضده 000 واليا تكدر خاطر القلب تزداد
      صدى الأحزان: حلو شاعرنا ما شاء الله عليك مستعد دوم تتغلب على المصاعب … الحين حامد خلنا نفرض إنك قابلت اللي تحب وش الحالة اللي تكون فيها يعني بعد ما تتقابلوا وش يصير ؟؟
      حامد زيد:
      بعد ما قابلتني عاتبوها 000 على شوف الحبايب حاسبوها
      خذوها وأبعدوها غصب عني 000 وعن وجهة طريقي جنبوها
      وشالوها عن عيوني غصيبه 000 عواذل وغصبوني وغصبوها
      خذوها من أيديني شوف عيني 000 وعن عيني تعدوا واحجبوها
      كلام وصدقوا بالبنت كذبه 000 وهم اللي من أول كذبوها
      وهم وش دخلهم في مال بين 000 لأبوها والخلايق طالبوها
      صدى الأحزان: وهي شاعرنا وش موقفها كان بالمقابل...يا ترى ؟؟
      حامد زيد :
      وفيه ما تخون ولا تعاند 000 جسوره والمواعيد أرعبوها
      ملاك كاملة والكامل الله 000 ولكن العواذل عذربوها
      تلفت من عقب ماهي جريئة 000 شجاعة ما تهاب وهيبوها
      وأهديها وأنا حاير وثاير 000 مصيبة يا عذاب عذبوها
      صدى الأحزان: وإنت ابتعدت عنها ؟؟
      حامد زيد:
      هم كل ما خذوها عن طريقي 000 تراهم صوب قلبي قربوها
      غلاها بالحشا لازال ثابت 000 ولو حتى بغيري حببوها
      وغلاى بقلبها مر وتعدى 000 غلاها لأمها ولا أبوها
      صدى الأحزان: حامد أوصف لنا حبيبتك ؟؟
      حامد زيد:
      وش بوصف من حلاها؟وش بخلي للبريه 000 مابها بالحسن عيب واكتشفته إلا حجبها
      شعرها فيه الخوي اللي تبرى من خويه 000 والشفايف لوتشرب الماء واختلط فيها شربها
      كن في ضمة شفاها جمرتين بنار حيه 000 كل من حس بدفاها واحترق صد وقربها
      شفتها مثل الجريمة وابتليت فيها بليه 000 غلطت جيت أتحاشى ظلمها قلت ارتكبها
      كل شي شفت فيها فيه نبرة جاذبيه 000 موهبة من فضل ربي وأشهد إن الله وهبها
      كلها لله بالله فاتنة هالأدميه 000 عاجبتني من بداية رأسها لأسفل كعبها
      صدى الأحزان: الله ... الله يا بختها فيك …حامد إذا خانتك حبيبتك لا سمح الله وش تقول لها ؟؟
      حامد زيد: أقول:
      تخونين وتبين أرضى..؟ أي واحد يرضى تخونينه؟ 000 أنا لو جيت أخونك مع حبيبه ثانية ترضين...؟
      صدى الأحزان: أكيد محد يرضى...حامد شلون توصف حبك لها ؟؟
      حامد زيد:
      أنا ما همت بك عاقل أنا كنت أعشقك بخبال 000 أنا ما كنت أحبك حي أنا كنت أعشقك هالك
      صدى الأحزان: لو تسألك حبيبتك وتقول تحبني؟ وتبي تستفزها ؤش تقول لها وترد عليها؟؟
      حامد زيد:
      دايم أعرف إن كل شاعر يهيم بكل واد 000 وإنهم دايم يقولون مالا يفعلون
      حتى أنا اللي قلت أعشقك وما أطيق البعاد 000 يمكن اطلع ما عشقتك ولاهم يحزنون
      صدى الأحزان : زين وإذا زعلت وردت سألت السؤال؟؟ وش تجاوبها؟؟
      حامد زيد:
      صرت تأخذ كذبتي صدق ومزاحي أوكاد 000 لو بقول إني بخونك تحسبني بخون
      ما تعرف إن كل شاعر يهيم بكل أواد 000 وإنهم دايم يقولون ما لا يفعلون
      أبك أنا لو قلت أبنساك وأنكرت الوداد 000 والله إني ما نسيتك ولاهم يحزنون
      صدى الأحزان: الله ونعم الرد... خلنا نسأل سؤال ونروح بمنظور ثاني لها إذا بتعاقب حبيبتك وش تسوي فيها؟؟
      حامد زيد:
      ببدل نظرتك فيني وأجي لك كل يوم بحال 000 بأكون أقرب من ثيابك عليك ولا اتهيالك
      بألمك وأنثرك وأجمعك وأرجع أنثرك بإهمال 000 بأخونك وأزعلك وأرضيك وأزعل منك وأرضى لك
      أبرسم بالثرى وجهك وأبدفن صورتك برمال 000 أبشكي للعرب فرقاك وأضحك عند عذالك
      أبهديك الوصال فراق وأهديك الفراق وصال 000 باأسوي مثل ما أشوفك تسوي وأفعل أفعالك
      عشان تعرف من فينا الزعول ومن وسيع البال 000 أبيك تذوق فنجالي وأنا باذوق فنجالك
      صدى الأحزان: الله... الله عليك… وإذا حلمت فيها؟؟
      حامد زيد:
      بوقت من البطا وبليل تتراقص شياطينه 000 بعد شفت الضيا ينزع من ثياب المسا ثلثين
      تحايلت المنام اللي مثل بيتك تمرينه 000 وأنا اللي من تفارقنا وأنا ما غمضت لي عين
      غريبة كل حلم يمر برقادي تزورينه 000 والأغرب كيف أحلم الحلم وأرجع وأحلمه بعدين
      قبل يومين شفتك بالمنام وقمت من حينه 000 ونمت أمس ورجع نفس المنام اللي قبل يومين
      صدى الأحزان : لو طلبتك حبيبتك تشوفك ؟؟
      حامد زيد:
      والله لو تطلبيني طلوع المستحيل 000 لطلعه منيه ..ومناك يعني لطلعه
      صدى الأحزان : بصراحة أنا هذا البيت أحبه يعني فيه تحدي حلو كثير…طيب لو تزعل على حبيبتك وش تقولها؟؟
      حامد زيد:
      أنا لو بغيت أعشق أبلقى كثر حبات الرمال 000 لكن إنتي لو بغيتي صعب مثلي تعشقين
      قلت لك كل الصراحة وأختم أطراف الجدال 000 وإن زعلتي من كلامي تزعلين وتقعدين
      صدى الأحزان: طيب العذال والكل يعرف وش كثرهم !! وش ترد عليهم؟؟
      حامد زيد:
      كل عاذل ردني عنك يالطرف الكحيل 000 يا عسى الله يقلعه ..يا عسى الله يقلعه
      يا معرض قلب الأحباب للدرب الطويل 000 السعه لا بارك الله بالضيق السعه
      صدى الأحزان: وش الحكمة أو المثل اللي حامد زيد يتبعه ويردده على لسانه دوم؟؟
      حامد زيد:
      ما عرفت العبارة مثلها مثل الوصية 000 عيش عمرك ذيب تسلم من مخاليب الذيابه
      صدى الأحزان: حامد كلمة أخيرة تقولها لقرائك؟
      حامد زيد:
      إصحى من الغفلة ترى العمر حده 000 للوقت سجاته وللموت ميعاد
      وهذي هي الدنيا تجي مستجدة 000 تلقى بها المازح وتلقى بها الجاد
      قصة حياة ومننا مستمده 000 ويلزمها تنفيذ وإخراج وإعداد
      عشنا على كف القدر فوق يده 000 الله خلقنا عباد ونفنى له عباد
      ولا حاصل للحي ما كان وده 000 ولا حاصل للي يموتون ميلاد
      صدى الأحزان: الله عليك ... صح لسانك أخوي حامد
      أكيد اليوم أمتعتنا وشرفتان بحضورك اللي يشرف ويغني عن التعريف
      ما شاء الله عليك تدوم لنا وأكيد حنا دوم ننتظر جديدك

      أعزائي القراء والأعضاء والزوار انشاء الله تكونوا استمتعوا بلقائنا المثمر اليوم مع الشاعر
      حامد زيد
      250*300 Second
    2. بنت عز
      17-04-2006, 04:23 AM

      حامد زيد في صفحات منتدانا


      لقاء رائع

      وروعته لاتكمن في الشاعر فقط بل المذيعه المبدعه ايضا

      دمت بود
    3. شذى عمان
      17-04-2006, 04:58 AM

      حامد زيد في صفحات منتدانا


      أنا من أشد المعجبين بالشاعر

      حامد زيد

      يعطيج الف عافيه غاليتي ما ننحرم

      من تواجدج المتألق

      تحياتي المعطرة لج

      وأحب هذا البيت بجنون..

      بعد ما قابلتني عاتبوها 000 على شوف الحبايب حاسبوها
      خذوها وأبعدوها غصب عني 000 وعن وجهة طريقي جنبوها
      وشالوها عن عيوني غصيبه 000 عواذل وغصبوني وغصبوها
      خذوها من أيديني شوف عيني 000 وعن عيني تعدوا واحجبوها
      كلام وصدقوا بالبنت كذبه 000 وهم اللي من أول كذبوها
      وهم وش دخلهم في مال بين 000 لأبوها والخلايق طالبوها
    4. صـــ الاحـــزان ـــدى
      17-04-2006, 05:05 AM

      حامد زيد في صفحات منتدانا


      أختي / بنت عز

      الأروع من ذلك

      هو مرورك الجميل لموضوعي

      لك حبي
    5. صـــ الاحـــزان ـــدى
      17-04-2006, 05:08 AM

      حامد زيد في صفحات منتدانا


      أختي / شذى عمان

      مرورك نثر شذى عبير فواح
      زاد موضوعي جمالا

      تسلمين غاليتي على المرور الرائع

      لك مني كل الحب
    6. عابر^سبيل
      18-04-2006, 01:38 AM

      حامد زيد في صفحات منتدانا


      صدى الاحزان تبدع دائما في مشاركاتك ونعجز عن تقدير ذلك وليس لنا قول إلا مشكور وماقصرت.
    7. نورالدنيا..عبودي..
      18-04-2006, 01:42 AM

      حامد زيد في صفحات منتدانا


      صديقتي المخلصه : صدى الأحزان .,.,


      اشكرك على هذا القاء الجميل لشاعرنا المبدع حامد زيد .,

      والأجمل منه طريقتك في سرد هذا اللقاء .,

      كوني كما انتي دائما مبدعه وجميله .,.,


      تحياتي وشكري واحترامي لك عزيزتي .,

      صديقتك الوفيه لك ., نورالدنيا.,.,

      دمتي بخير وسعادة .,.,
    8. صدى الحب
      18-04-2006, 02:19 AM

      حامد زيد في صفحات منتدانا


      (((ص الاحزان دى )))

      نعم الاستضافة و نعم الشاعر "" حامد الزيد """
      الشاعر العظيم
      الشاعر الكبير
      فنان في الالقاء
      واسع في الخيال
      مميز في الاسلوب
      قمة في الاشعار
      واستاذ في الذوق
      مرهف احساسه
      مشاعره جياشه
      عواطفه جميله
      الحنان في ابياته
      العتاب جميل في قصيده

      ومهما كتبت وقلت لا استطيع انا اعطيه حقه "
      الشاعر حامد الزيد بعد الله هو السبب الذي جعلني اهوا الشعر وكتابته"

      اكرر شكري وتقدير ص الاحزان دى على هذا الموضوع الجميل والمميز وعلى اختيارك لشاعر مميز وهذا ان دل يدل على تميز ذوق وجميل اختيارك ""

      تحياتي واشواقي،،،،،
    9. صـــ الاحـــزان ـــدى
      18-04-2006, 02:33 AM

      حامد زيد في صفحات منتدانا


      أخوي / عابر سبيل

      يعطيك ألف عافية

      على مرورك الجميل

      ولك من كل الشكر

      أختك / صدى الأحزان
    10. صـــ الاحـــزان ـــدى
      18-04-2006, 02:36 AM

      حامد زيد في صفحات منتدانا


      صديقتي الوفية...نور الدنيا

      مرورك الجميل لموضوعي

      زاده جمالا وروعة

      تسلمييييين حبيبتي على ذلك

      ولك مني كل الحب
    12